Дечки, ја истрчав 42ката за првпат. Касно фатив, една вечер не знам ми пукна филм ајде ке пробам па ќе видиме дали ќе биде. Слично беше за првиот полумаратон, за него за две недели се спремив. Не е паметен овој начин и не го препорачувам, лесно се доаѓа до повреди, ако не си спортски активен или доволно раздвижен. Јас 11 месеци годишно примарна активност ми е теретана, 3-5 пати неделно, иако е различен тип на тренинг од ова, убеден сум без добрата физичка форма од теретанава немаше да се спремам, или ќе бев многу поспор и поисцрпен.
Веќе неколку години како планирам дистанцава да ја истрчам, али лош сплет на околности се дешаваше и не стигнав да го трчам. Првата година ме углавија со работа последниот месец, па трчав повторно полумаратон, наредната година навремено имав фатено да се спремам али го повредив стапалото одоздола месец дена пред маратонот а подоцна истиот маратон и не се одржа ради ситуацијата во Куманово. Претходнава година па не бев во фазон за трчање ич, бев поддршка и публика само. Годинава не планирав трчање... кога видов родниниве околу сите фатија да се спремаат, па тогаш почнав да размислувам и да калкулирам. Последно трчање ми беше некоја 6-7 километарска релација во Август прошлата година.
Десет тренинзи на кеј вкупно, од 25-ти Март до 02-ри Мај и тоа беше тоа, се пријавив меѓу последните. Не бев сигурен што ќе биде, со оглед на краткото време за тренинг, таргетот ми беше под 4 ипол часа, ако нешто ептен ми тргне па под 4 часа да испадне го рачунав за супер. Истрчав за 4 часа и 10 минути и сум прилично задоволен, со 5 кила помалце на мене сигурно ќе ја бутнев 4ката али јебига, сепак теретаната е мојот спортски дом.
Инаку самата трка и условите мислам дека беа добри. Првиот круг имаше сонце, ама подносливо беше, една година кога трчав полумаратон утепа сонцето. Вториот круг сонцето се изгуби па неколку пати почна и да врне по малку што беше за мене кул, таман малце освежуваше. Криза малце ме фати кај 30-от километар, грчеви имав кај квадрицепсите, ама ме пуштија после километар, а втората криза почна кај 37-от негде ама многу појаки грчеви, овие држеа два-три километри ама и тие среќа пуштија па последните километар-два ги пројдов раат. Сигурно голем удел има во ова и еден кикс што го направив прв пат баш на тркава. Заборавив пред трката да се напијам магнезиум
На сликава подолу ги има релациите што ги трчав. Со апликации се замарав пред 3-4 години, некако годинава не осетив потреба и ми делуваше како дополнително замарање па носев само часовник заедно со лентата за мерење на heart rate за да го регулирам темпото и дишењето, за мене побитна работа од било која телефонска апликација.
Имав некои пехови и годинава со мини повреди кои за среќа не прејдоа во поголеми. 22км кога истрчав немав посериозни проблеми освен воспаленија на мускулите, после нејзе 11км кога истрчав ми се врати повредата од пред некоја година на долниот дел на стапалото. Мирував 9 дена и ја мачкав со алга сам, па за среќа пројде па на најдолгата релација од 32км со тој дел од стапалото немав проблеми, али па ме фати делот кај горниот дел каде што се превиткува палецот, излезе дека патиките почнале да ме набиваат одозгора. Мачкав и таму неколку дена со ice power па за среќа пројде и таа мини повреда. Арно ама морав да менувам патики за трчање зашто со тие повторно ќе го заебев стапалото... па од сите што ги имав само со тие што вежбам во теретана немав болки (a running патика се и тие), па ајде на две недели пред трка, менувај патики за трчање. Многу безвезе е да се менуваат патики скоро пред трка, али немав избор... за среќа добро пројдоа патикиве.
Во однос на пакетите... Мислам дека различни беа за полумаратон и за маратон. Пример во ќесата на брат ми имаше една туба ice power, немаше енергетски гел и немаше ова ќесево со електролити. Со оглед дека ги кренаа цените, почнале нешто повеќе да ставаат во ќесиве... мислам дека порано беа посиромашни. Некој погоре спомна за маиците. Точно, мислам дека се помали броеви, среќа што јас земав XL, па ми стои како L, онака таман. И фала курцу плава боја се, не розева! Медалот некако не ми се свиѓа.