Македонска берза

[zoraxe]

26 дек 2012, 15:52

​

​

​

Комерцијална банка ја продаде дирекцијата за 21,7 милиони евра

Дирекцијата на Комерцијална банка е продадена по цена од 965 евра за квадратен метар.
Комерцијална банка ја продаде зградата во која се наоѓа дирекцијата за 21,7 милиони евра, објави денеска менаџментот на најголемата домашна банка. Менаџментот извести дека денеска склучиле договор за продажба на 22.525 квадратни метри административен простор за вкупна цена 21.736.625 евра, односно по 965 евра за квадратен метар.
Засега официјално не се открива кој е новиот сопственик на деловниот објект на банката што се наоѓа во центарот на Скопје веднаш до објектот на Македонската опера и балет (МОБ). Се шпекулира дека купувач на досегашната дирекција на Комерцијална банка може да биде некое од министерствата или Владата на Република Македонија.
Според неофицијални информации, менаџментот и администрацијата на Комерцијална банка сега ќе се селат во објект на плоштадот „Македонија“, кој досега се наоѓаше под хипотека на таа банка за невратени побарувања на компанијата што го изградила. Комерцијална банка досега во неколку наврати неуспешно се обидуваше да го продаде овој деловен објект.
--------------------------------------
Мене ова не ми се допаѓа релативно ефтино ја продале и тоа во момент кога пазарот на недвижнини е лош. 965 евра/м2 за таа локација ми звучи малку. Плус и извештаите на КМБ не се баш сјајни во последните месеци...очигледно сега штом продаваат им фали кеш иако викаат дека од поодамна сакале да ја продадат зградата некој стратешки потег им било... Додуше ако има некој повеќе информации нека пише. Мене не ми звучи ова како добар знак за КМБ. КМБ не беше лоша ама се некој безвезни информации има од неа во последниве 6-7 месеци. Плус ако има политика во ова...

И мене малце не ми се допаѓа, ама ... Ова ти е како да продаваш на пример стан од 300 м2. Колку купци можеш да најдеш за таков стан? Многу малку нели? Затоа и цената по квадрат паѓа, ама вкупната сума и не звучи така лошо...
Скоро 22 милиони евра за КМБ во овој период, јас мислам дека е добро за КМБ...
Ем ќе работат у нова зграда, ем се ослободиле од товарот на невратениот кредит ...

 

[Xibalba]

Мене ова не ми се допаѓа релативно ефтино ја продале и тоа во момент кога пазарот на недвижнини е лош. 965 евра/м2 за таа локација ми звучи малку. Плус и извештаите на КМБ не се баш сјајни во последните месеци...очигледно сега штом продаваат им фали кеш иако викаат дека од поодамна сакале да ја продадат зградата некој стратешки потег им било... Додуше ако има некој повеќе информации нека пише. Мене не ми звучи ова како добар знак за КМБ. КМБ не беше лоша ама се некој безвезни информации има од неа во последниве 6-7 месеци. Плус ако има политика во ова...

Цената за таа локација е мала, ама тоа е дотраен објект изграден пред 50 години, со мала енергетска ефикасност, сега веќе обиколена со јавни згради. Плус како што сам кажа итно им се потребни тековни сретства годинава што измина им беше една од најлошите.
Лично сметам дека таа банка треба да се продаде на некоја поголема странска банка за да заживее и си го врати реномето.

 

[beneamata]

Мене локацијата не ми се допаѓаше на таа зграда, слаба проодност, башка од другата страна на Вардар. Мислам дека им е паметен потег. Дури и внатрешноста не беше добра, барем од она што го имам забележано.

 

[Stefus Corp.]

Непрекинат пад на индустриското прозводство

Индустријата и во ноември со негативно салдо. Статистика објави минус од 4,4 % во однос на истиот период лани. Ова е 15 месец по ред на незапирлив пад на индустриското производство.

Споредено по сектори најкритично е во нафтената индустрија каде падот во ноември изнесува 33,1% споредено со истиот период лани.
Црни бројки и во прехрамбениот сектор минус од 19,4%. Статистика објави и пад од 15, 6% во хемиската индустрија како и во секторот вадење јаглен пад од 14,8% и вадење камен и руда пад од 22,9%.
Од јануари до ноември во споредба со истиот период лани падот изнесува 6,5% Сепак експертите сметаат дека минусот од 4,4% во месец ноември е помал од негативата што е регистрирана во претходните месеци. За стопанството овие бројки се очекувани.

Без гајле во 2006-7 имаше раст на индустриското производство ако добро се сеќавам од +15% а БДП во еден квартал отиде и +7-8% ќе се случи тоа пак...за некоја година. Циклична е економијата ќе дојде пак тоа.Само трпение треба Јас сум оптимист сега кога ќе има знаци на прегревање на економијата тогаш ќе креваме паники...

 

[Randy]

Без гајле во 2006-7 имаше раст на индустриското производство ако добро се сеќавам од +15% а БДП во еден квартал отиде и +7-8% ќе се случи тоа пак...за некоја година. Циклична е економијата ќе дојде пак тоа.Само трпение треба Јас сум оптимист сега кога ќе има знаци на прегревање на економијата тогаш ќе креваме паники...

Да прашам на што ќе се основа тој раст?
Треба нешто конкретно да има, инаку таквиот раст е краткотраен, брзо завршува.

 

[цевитаерк]

За оваа година го завршив тргувањто на мк берза,Да се надеваме дека пред нас чека подобра година од изминатава.

 

[Stefus Corp.]

За оваа година го завршив тргувањто на мк берза,Да се надеваме дека пред нас чека подобра година од изминатава.

Со среќа на сите и јас мислам дека овој период е поволен за отварање на нови позиции...За 2012 ќе видиме јас сум умерено оптимист.
--- надополнето: 27 декември 2012 во 14:40 ---

Да прашам на што ќе се основа тој раст?
Треба нешто конкретно да има, инаку таквиот раст е краткотраен, брзо завршува.

На преценета актива како и обично...да и брзо завршува како и обично.

 

[annaja01]

Не сум во тек со берзата,па ако може да ми кажете како се движи Технометал-Вардар

 

[*LION*]

Не сум во тек со берзата,па ако може да ми кажете како се движи Технометал-Вардар

800 денари е аккцијата цела година може и повеќеа ниту еден денар промет нема во изминатата година
http://www.mse.mk/mk/symbol/TEH
П.С Откај ти текна на компанијава

 

[annaja01]

800 денари е аккцијата цела година може и повеќеа ниту еден денар промет нема во изминатата година
http://www.mse.mk/mk/symbol/TEH
П.С Откај ти текна на компанијава

ееее од кај ми текна...а постои ли уште,работи ли некој...
Таа е мојата БИВША компанија и многу жалам за неа
--- надополнето: 27 декември 2012 во 22:13 ---

ееее од кај ми текна...а постои ли уште,работи ли некој...
Таа е мојата БИВША компанија и многу жалам за неа

Се разочарав

 

[Stefus Corp.]

Датум: 01.01.2013, 16:26
ГОДИНАТА СО БАKСУЗЕН ПРЕДЗНАK НАДЕЖНА ЗА тргувањето
Паметните ќе купуваат евтино на берза

Аналитичарите го темелат оптимизмот врз предложените законски измени, со кои се очекува поголема активност на пазарот
Во класична берзанска анализа за 2012 г. ќе преовладува прилично негативен импулс, што значително може да го урне оптимизмот што мора да се има за годината што почнува. Во услови на исклучително слаби резултати и во период кога речиси сите без исклучок тврдат дека сега е рано да се купува, а доцна да се продава, пазарот потона до ниво што никому не му се допаѓа. Но сите се едногласни дека овој период на стагнација и празнина мора еднаш да заврши, па иако е со баксузен предзнак, за 2013 година има надеж за подобри берзански резултати. Аналитичарите оптимизмот го темелат врз предложените законски измени со кои се очекува поголема активност на пазарот, кој треба да стане и поатрактивен ако се има предвид дека се предлага ослободување од данокот на капитална добивка.

- Моментното ценовно ниво остава простор за оптимизам затоа што цените на акциите на македонските компании се на релативно ниско ниво и тоа само по себе нуди можност за идно капитализирање. Треба да се има предвид дека инвестирањето на пазарот од капитал претставува долгорочна активност со фокус подолг од една година. Развојот и враќањето на инвеститорите на пазарот на капитал е од интерес за сите. Промените што се случија во насока на ослободување на инвеститорите од данокот на капитални добивки е еден позитивен момент, кој очекуваме да ги даде првите резултати веќе следната година - вели Лазе Kамчев од „KД-груп“.

- За новата 2013 година мислам дека сите инволвирани во оваа индустрија би се сложиле со мене во мојата желба да имаат барем четири-пет т.н. „Kјуби-акции “, нешто што би го вратило адреналинот кај инвеститорите и кај сите на пазарот, со надеж дека почесто ќе гледаме континуирани активности од страна на инвеститорите отколку one time-транскации - вели Велимир Шиповиќ, директор на „Иново брокер“.

Промет како за бакалница

Тие што Шиповиќ ги нарекува „Kјуби-акции“ се всушност навистина акциите на оваа осигурителна компанија. Тие во годината што изминува се можеби единствената светла точка на пазарот затоа што доста бргу се разбудија од зимскиот сон откако беше најавено дека „Винер осигурување“ ќе ја преземе оваа компанија. Цената на акцијата порасна петпати, а ликвидноста на тргувањето со акциите се зголеми десетина пати. Сите познавачи едногласно се согласуваат дека такво будење мора да дочекаат повеќето компании што сега котираат на берза, не за друго, туку затоа што секако се со добри перформанси и иако беше криза, не покажаа толку лоши резултати.

Берзанската 2012 го продолжи трендот од претходните години, тренд на стагнација во поглед на прометот со хартии од вредност и намалување на цените на акциите. Kризата во регионот с` уште ги држи посериозните берзански играчи надвор од Македонија. Во такви околности и прометот со акции се држеше на ниво на промет и со цени како од пред осум-девет години, далеку поназад од нивото пред кризата. Во структурата на тргувањето повеќе од половината од вкупниот оставен промет е направен со државните обврзници за денационализација. Во фокусот на она малку што се тргуваше од акциите во 2012 г., повторно како и последните години. беа акциите на Kомерцијална банка, „Алкалоид“, „Гранит„ и „Телеком“.

- Самиот тој податок е доволно јасен сигнал дека нема инвеститори што се карактеристични за нормалните берзи. Резултатите на другите компаниите не беа толку лоши за резултатот да биде ваков или дури 60 проценти од тргувањето беше само со овие акции. Едноставно, стравот од неликвидност и моменталната перцепција на мнозинството инвеститори ги ограничи да инвестираат во некои други хартии или воопшто ги одврати од инвестирање - анализира Шиповиќ.

- Прометот оваа година е значително намален во однос на претходната. Kарактеристична беше и ниската ликвидност, и тоа само по себе претставува пречка за некои подинамични случувања на пазарот на капитал. Најголеми чинители на прометот оваа година беа домашните инвеститори, чиј фокус најмногу беше насочен кон акциите на Kомерцијална банка и на „Алкалоид“ - заклучува Kамчев.

Во меѓувреме континуираното намалување на активноста на берзата и согласно со тоа намалувањето на можноста да се покријат тековните расходи резултира со згаснување неколку брокерски куќи и дирекции при банките задолжени за работа со хартии од вредност.

Лошата статистика и надежите

Случувањата на нашиот пазар на капитал не се премногу слични со случувањата на светските пазари. Големите берзански индекси годината ја завршуваат со пораст. Индексот на „Стандард и Пурс“ порасна за 15 проценти, на германскиот DAX за 29 проценти, кинескиот Hang seng за 26 проценти. Македонскиот индекс на десетте најликвидни компании, МБИ, ќе ја заврши годината со пад од околу 12 отсто. На претпоследниот берзански ден се затвори на 1.731 поен.

Позитивни вести стасуваат и од Словенија од каде што традиционално имавме странски вложувачи. Kон нив генерално познавачите ги вртат надежите за зголемување на ликвидноста на домашниот пазар на капитал и за можно заигрување на биковите. Додека ги чекаат, мало обесхрабрување се политичките случувања и статус-квото во евро-атлантските интеграции.
Александра Томиќ

 

[Stefus Corp.]

Како што беше очекувано(барем јас очекував) Америте во 5 до 12 ја избегнаа фискалната бездна...акциите и останатите ризични инвестиции рипнаа.

 

[Stefus Corp.]

Македонската берза во друштво со најслабите берзи во 2012

Македонската берза со пад од 12,3% во 2012 година се најде на шестата позиција на 10 најлоши берзи во светот на листата на деловниот портал Business Insider.
На оваа листа, според анализата на порталот базирана врз податоци претежно од Bloomberg, главно се берзи надвор од Европа. На листата, заедно со македонската берза, се најдоа:

10. Бахреинска Берза (All Share Index): -7%
9. Берзата на Шри Ланка (CSE): -7,7%
8. Берза на Маурициус (SEM): -8,5%
7. Берза на Јамајка (JSE) -10,1%
6. Македонска берза (MBI 10): -12,3%
5. Казакхтанска берза (KASE): -12,9%
4. Берзата во Бангладеш (MSCI): -15.5%
3. Монголска берза (MSE): -18,8%
2. Украинска берза (PFTS) : -41,5%
1. Кипарска берза (CySE General): -60%

Според Business Insider, една од главните причини за падот на македонската берза во 2012 година е тоа што „македонските банки продолжуваат да трпат штети од падот на економиите нивните европски соседи и континуираните лоши домашни економски услови“. За пример ги посочуваат акциите на Стопанска банка Битола кои минатата година изгубиле 38% од вредноста.
„Дополнително, неодамнешните расправии околу буџетот меѓу власта и опозицијата предизвикаа масовни јавни протести“, заклучува авторот на анализата на сајтот Бизнис инсајдер.

На листата на 10 берзи со најголем пораст минатата година, главно доминираат азиските и африканските берзи.

10. Филипинска берза(PSE): 33,0%
9. Нигериска берза(NSE): 34,4%
8. Лаос берза (LSX): 35,1%
7. Тајландска берза (SET): 35,8%
6. Талин берза во Eстонија( OMX) 38,2%
5. Кениска берза(NSE) 39,3%
4. Пакистанска берза( KSE) 49,3%
3. Египетска берза (EGX) 49,6%
2. Турска берза(XU100): 53.3%
1. Берзата на Венецуела (IBC): 302,8%

 

[Dr Zmigo]

Добро, што тоа се случува со ОКТА? Пред 3 месеци вредноста и беше над 1000, сега под 600! За што се работи знае некој? Ова падот на вредноста, поради страв од изнесување капитал од земјава, што ќе да е?
Или имаат прикажано загуби (не верувам во ова второто)....

 

[V.E.N.0.M]

Добро, што тоа се случува со ОКТА? Пред 3 месеци вредноста и беше над 1000, сега под 600! За што се работи знае некој? Ова падот на вредноста, поради страв од изнесување капитал од земјава, што ќе да е?
Или имаат прикажано загуби (не верувам во ова второто)....

Пред 2 години може и повеќе цената на една акција беше околу 27 000 денари. Сега немам претстава што се случува ама тешко дека ке се поправат.