Иако пристигна околу пладне, сепак управата и стручниот штаб не го поштеди нашиот репрезентативец и тој се најде во составот на тимот за синоќешниот натпревар кој го имаше својот почеток во 20.15 часот. Иако го гледаше натпреварот од клупата, сепак на 10 минути до крајот Борко влезе во игра во обид да спречи удар од 7 метри на гркот Карипидис кој до тој момент постигна 5 гола од исто толку обиди од линијата за 7 метри.
Инаку натпреварот беше вистинско дерби, со многу пресврти до самиот крај. Гостите беа тие кои го отворија натпреварот со 2 гола во серија, но домаќините брзо се созедоа и успеаја да ја превземат контролата на играта и да ја одржуваат предноста која на моменти изнесуваше и три голови разлика (10-7). На полувремето домашните отидоа со само гол предност. (15-14).
На самиот почеток на вториот дел играчите на Мелсунген повторно се тие кои го диктираат темпото на игра и во 38та минута имаат предност од 3 голови (16-19). Но со неколку технички грешки и неколку добри одбрани на словенецот Резар, домашните брзо се враќаат во игра, за по 10 минути да дојдат до водство од 2 гола (25-23) со што полека почнаа да ја носат играта во посакуван правец. Конечниот резултат од 32-29 во корист на Гумерзбах беше поставен со дава брзи гола на двете страни на што му претходеше тајм аут на тренерот на гостите на 2 минути и 30 секунди до крајот во обид да се извлече барем бод. Словенецот Аљоша Резар натпреварот го заврши со 14 одбрани, а Кентин Махе со 6, Адријан Фал со 8 (3/3 од седум метри) и Хрватот Ведран Зрнич со 6 голови беа најзаслужни за победата на домаќините.
Кај Мелсунген, Пер Сандсторм со 10 одбрани и грчко-српската тројка, Василакис (6), Карипидис (8, 6/6 од седум метри) и Вучковиќ (3) ја држеа домашната публика во неизвесност до самиот крај.
На останатите три натпревари од синоќешната понуда, Кил како гостин го совлада 15то пласираниот Бергишер и директен конкурент на Гумерзбах во борбата за опстанок, со 13 голови разлика (21-34), Флензбург на свој терен го совлада Гепинген со резултат 32-28, додека Рајн Некар Ловен како домаќин беше подобар од ТСВ Хановер. Натпреварот заврши со резултат 35-27. Во останатите дуели од ова 20то коло се среќаваат: 17.02. Хутенберг – Ветцлар, 18.02. Либек – Лемго, Балинген – Гросвелштад, 19.02. Ајнтрахт – Хамбург.
И покрај победата, Гумерзбах останува на 16та позиција со 12 бода и гол разлика -73, бидејќи 15то пласираниот Бергишер има исто така 12 бода но гол разлика -57. Првото место е резервирано за Кил кој сеуште е со 100 процентен учинок и вкупно 40 бодови од 20 натпревари, а го следат Берлин и Хамбург со 33 односно 30 бодови. Првата петорка ја комплетираат уште и Фленсбург со 30 и Рајн Некар Ловен со 29 бодови.
http://kurir.mk/images/stories/2011/01/03/borko-ristovski-se-.jpg
![[ Македоникус ]*](/data/avatars/m/26/26045.jpg?1373015970){kind=avatar}
Сега уште голман и газиме 
