Потона брод во Охридското езеро,22 загинати!
Потона патнички брод во Охридско езеро, бројот на загинатите постојано се зголемува. Според полициските информации на А1 Телевизија спасувачките екипи се уште работат на извлекување на жртвите и засега јавуваат за извлечени 22 мртви тела, а десетици се спасени. Според инфорациите на А1, извлечени се уште 5 тела со што бројот на загинати се искачи на 22. Во бродот имало група од 62. туристи од Бугарија кои сакале да патуваат до „Св. Наум“. Несреќата се случила 15-тина минути пред 11 часот. Станува збор за туристичкиот брод „Илинден“ кој се преврте на околу 200 до 300 метри од брегот во водите на Охридското езеро, во близина на автокампот „Елешец“. Според податоците од Катепатинијата во Охрид бродот „Илинден“ поседувал сертификат за пловидба од 29 Мај 2009. година во важност од една година. Бродот е регистриран за 43 патници, а според податоците од Капетанија, бродот превезувал 74 патници. Министерот за транспорт Миле Јанакиевски си поднесе оставка од морални причини. Првичната изјава дадена од капетанот на бродот е дека одеданаш бродот му се превртел на десно и потонал. Пукање на сајла со која се одржува балансот на бродот е најверојатно причина за трагедијата што се случи претпаднето на Охридското езеро. Фотографии од МИА Десетина лица се извлечени живи по хаваријата на бродот „Илинден“. Освен претрпениот шок тие се наоѓаат во добра здрвавстевна состојба и се привремено сместени во хотелот „Метропол“ во Охрид. Едно лице е хоспитализирано и по пружената реанимацита е ставено под специјална медицинска нега. МВР во моментов ги разгледува снимките донесени од „Еулекс“ за да се утврди бројот на патниците и дали сите се регистрирани. Од причина што патниците на бродот не носеле патни исправи со себе МВР не ја отфрла можноста да има странски државјани но, се уште работи на утврдување на нивниот идентитет. На терен пристигнаа и специјалните нуркачки екипи од МВР Скопје. Неофицијално на бродот „Илинден“ имало трипати повеќе патници туристи од дозволено, поради претовар се превртел и веднаш почнал да тоне, овие информации не ги потврдува македонското МВР бидејќи истрагата е во тек. Очевидци велат дека бродот „Илинден“ наеднаш исчезнал од водената површина на Охридското езеро. Велат дека виделе како бродот се поделил на два дела и потонал за неколку секунди. Први во помош на патниците во потонатиот брод, пристапиле лица од автокампот со чамец, кои успеале да спасат голем дел од нив. Се уште е рано за какви било информации за тоа дали станува збор за несреќа или евентуален дефект на бродот, најверојатно бродот потонал од претовар. Полицијата реагирала на повик од граѓани од охридската плажа Лагадин. Повикот, кој е примен утрото, е лоциран од ресторанот „Два Бисера“. Според неофицијални информации од Капетенијата во Охрид, бродот „Илинден“ е произведен 1924 година во Регенсбург, Германија и бил дел од воена моранрица во времето на кралството на СХС. Сопственик на бродот е охриѓанецот Сотир Филевски.
http://www.a1.com.mk/vesti/default.aspx?VestID=113363
Трагедиja!Бог да ги прости сите загинати!Утре во РМ ке биде ден за жалост, министара за транспорт на РМ подаде оставка.
