Одлична игра на Јуве. Единствена грешка беше примениот гол, но важно Јуве освои многу важни 3 бода од овој натпревар.
Буфон - На висина на задачата. Си ја оправдува наградата најдобар светски голман во последната деценија. Имаше една погрешна проценка, но за среќа немаше никакви последици.
Касерес - Изигра ПЕРФЕКТНО. Најдобриот натпревар на Касерес додека е во Јувентус, и мислам дека полека но сигурно си го осигура стартното место во тимот. Борбен, цврст во дуелите, и упорен за секоја топка. Секоја чест.
Киелини - Си ја изврши својата задача одлично. За примениот гол беше крива цела одбрана на Јуве освен Касерес кој покриваше двајца играчи на Интер.
Канаваро - Неговото искуство е од големо значење баш за вакви натпревари.
Гросо - Можеби најслабиот играч на Јуве на овој натпревар.
Сисоко - Одличен натпревар за Сисоко. Го имаше на секој дел од теренот и се бореше за секоја топка.
Мело - Добар натпревар за Мело. Цврст и стабилен во дефанзивните задачи, исто така добро се покажа и во офанзива. Црвениот картон воопшто не го расипува она што го прикажа на терен.
Маркизио - Играч кој му претстои светла иднина во дресот на Јувентус. Одлична контрола на топка, со секој допир на топката беше опасен, одличен гол за водство на Јуве. Максимално ја оправда довербата на Чиро. Секоја чест.
Диего - Добар натпревар и за Бразилецот. Постојано имаше противнички играчи околу себе, но и покрај тоа беше опасен, и по негово нафрлање Јуве поведе на натпреварот.
Дел Пиеро - Сеуште не е стариот Дел Пиеро, но после долгата пауза која го оддели од терените на прав пат е да си ја врати формата.
Амаури - Првото полувреме беше поопасен од второто, но и покрај тоа што не постигна погодок се обидуваше максимално да му помогне на тимот да забележи победа.
Браво за Јуве. Нареден натпревар на Јуве е против Баерн Минхен и очекувам играчите на Јуве да изиграат и во тој натпревар исто како и на натпреваров со Интер.
