Типично, одма со плукање. Како не ви е срам бе?
Разбирате ли воопшто ракомет? Гледате ли дека немаме клупа за да одиграме 8 натпревари во 10 дена?! Гледате ли дека 3 клучни играчи ни се повредени, 1 воопшто не заигра на турнирот, и уште 3-4 играат со повреди.
Ова е уморна војска која не може повеќе. Само репрезентации со комплетна клупа и физичка подготвеност можат да го издржат цел турнир во ова темпо. Да игравме во групата со Србија, ќе беше сосема поинаку.
Очигледно е дека екипата не е иста со Мојсоски и без него. Дури и еден Златан Сарачевиќ на RTL изјави: иако е Кире најдобриот играч на Македонија, Мојсоски е моторот на екипата. Тој е тој што ги разигрува, и за него немаат замена. Очигледно, немаме замена ни за Раде Стојановиќ.
Кире почна да греши, но ако гледате ракомет, ќе забележите дека Кире игра 60 минути, и одбрана и напад, што не е нормално за него. Но со толку повреди во екипата, некој мора да се жртвува. Вчера дури и имал телефонски повик од неговиот клуб, луѓето биле загрижени, но тој им рекол: "ќе издржам, ми треба само некој ден одмор".
Останатите не се доволно решителни да одат на влез или на удар, па Кире мора да троши 25 топки на натпревар и да шутира од секакви позиции, што е недозволиво. Но тоа е, паднаа играчите, падна играта. После такви борби во групата, за очекување беше. Нема ништо страшно или срамно. Турнирот е одамна завршен што се однесува нас, немаме повеќе сили. Се надеваме дека на следниот, ќе имаме уште поподговтена екипа која ќе ги издржи напорите до крај.
И уште едно: Македонија скоро на сите репрезентации им водеше на полувреме, а паѓаме во второ. Тоа дирекно укажува на фактот, дека во прашање се заморот и повредите, ништо друго.
