Едноминутно молчење за сестрата на БерлускониЕкипите на Милан и Вердер ќе имаат едноминутно молчење вечерва на "Сан Сиро" во дуелот од Купот на УЕФА откако утрово почина сестрата на претседателот Силвио Берлускони, Марија Антоанета.
Фудбалерите на Милан ќе носат црни ленти на рацете во знак на почит кон починатата која е помала сестра на Берлускони и почина на 65-годишна возраст.
Официјалната веб страница на клубот го изрази своето сочувство кон семејството Берлускони.
"Сите во Милан заедно со директорот и персоналот сакаме да му изразиме сочувство на нашиот претседател и неговото семејство по загубата на Марија Антоанета Берлускони".
"Истата мисла оди на семејството Берлускони и од фановите на Милан".
Росоњерите се надеваат да се концентрираат на вечерашниот натпревар. Александре Пато најверојатно ќе биде стартер, но Роналдињо беше изоставен поради повреда.
.Од Шева незнам што да очекувам, секогаш во различно издание се покажува, но Пато очекувам да им брцне бар еден гол
