Како што можев да слушнам од школските, испитот по англиски јазик бил испит на основни знаења, ништо поразличен од вчерашниот по македонски јазик.
Е сега, јас полагав основно математика, и во тестот немаше ама баш ништо од основно, изгледа пошто сум ги заборавила формулите и се, но сепак, мислам дека тестот беше на едно повисоко ниво, а замислете си оној на напредно ниво каков бил? Одсекогаш ми одела математиката, меѓутоа разликата меѓу испитот по англиски и математика е во тоа што тестот по англиски го решија(или делумно) и оние ученици кои не се ни многу добри по англиски, а тестот по математика тешко им одеше и на одличните по математика, што е и логично ако малку поубаво размислиме.
Сепак, задоволна сум од спроведенава пробна матура, останува на БРО да ги средат резултатите, ДА ГИ ОБЈАВАТ, па после да се планира матурата. И сето ова во најскоро можно време да биде направено, зашто ни останува многу малку време за промени и одлуки, а камоли за учење.
