Марио Ѓуровски пред трансфер во Ерготелис
Фудбалерот на Војводина и македонски репрезентативец Марио Ѓуровски својата кариера, најверојатно, ќе ја продолжи во грчкиот прволигаш Ерготелис. Овој клуб појавил сериозен интерес за ангажман на играчот за врска на новосадските „црвено-бели“ и веќе доставил конкретна понуда до клубот. Иако раководството на Војводина се уште размислува дали да ја прифати понудата од финансиски аспект, сепак многу веројатно е дека Ѓуровски во текот на зимскиот преоден рок ќе се упати кон Грција и ќе потпише тригодишен договор со Ерготелис. Освен Ерготелис, за услугите на Марио Ѓуровски се интересираат и АЕК и Ксанти, а претходно како негова следна дестинација се споменуваше и Јапонија.
