city
Модератор - технократ!
- Член од
- 1 март 2005
- Мислења
- 2.780
- Поени од реакции
- 276
Македонија без визи во ЕУ најрано во 2010 година:
Брисел одбива да се обврзе на конкретен датум за целосно ослободување на македонските граѓани од визи, но експертите им порачуваа на властите во Скопје внимателно да ги проучат бугарскиот и романскиот случај и од нив да се инспирираат
Македонија не треба да се надева на слободен визен режим со земјите на ЕУ пред 2010 или 2012 година. Преговорите за олеснување на режимот, кои се во тек, ќе завршат во текот на наредните два до три месеци, но Брисел одбива да се обврзе на конкретен датум за целосно ослободување на Македонија од визи. Оваа политика истовремено е пречка за прокламираната европска цел за поддршка на Балканот во неговата трансформација во отворен, стабилен и демократски регион.
- Еднаш завршени преговори тешко повторно се отвораат во краток временски период. Освен тоа, Брисел одбива во овие преговори да даде попрецизен календар за ослободување од визи. Тоа значи дека сега договореното ќе се применува барем неколку години пред да може да се размислува за нови чекори. Европската комисија (ЕК) вети дека ова е само преоден чекор кон целосна либерализација, а Македонија и другите балкански земји не смеат да престанат да лобираат и да ја потсетуваат на оваа заложба - вели нашиот извор.
Македонските преговарачи побарале повеќепати од ЕК да изработи еден вид патоказ што земјата треба да ја води во безвизен режим.
- Комисијата смета дека во овие преговори тоа не може да биде направено бидејќи земјите-членки на ЕУ не дале мандат за таков потег - вели дипломатот.
Во Европскиот парламент (ЕП) во Брисел лани е одржан семинар во организација на либералната група, посветен на строгиот визен режим на ЕУ. Голем број пратеници и дипломати остро ја критикуваа европската визна политика. Европската стратегија за олеснување на визниот режим кон Балканот е дискриминаторска, не е добра ни за ЕУ ни за Балканот и мора да биде подобрена, порача ЕП.
- Поделбата на општеството на две групи, привилегираните што ќе добијат повеќекратна виза и оние за кои тоа е невозможно, е опасен рецепт за иднината. Дипломатите, бизнисмените или спортистите треба да можат да патуваат, но не гледам причина зошто таквата привилегија не им е дадена на обичните туристи или младите, кои сакаат да патуваат во потрага по нови доживувања - смета Греам Вотсон, претседател на либералната група во ЕП.
Во наредните години одвај пет отсто од балканските граѓани ќе имаат право на олеснет визен режим. ЕК, на пример, одбива да ги прифати сите категории граѓани за кои Македонија бара визни олеснувања. Пред Скопје и Брисел стои барем уште една рунда преговори и нашите преговарачи се надеваат дека ќе успеат да се изборат за што повеќе категории граѓани, но најавите велат дека транспортерите или носителите на службени пасоши нема да бидат на тој список.
Годишно сто илјади емигранти влегуваат во ЕУ преку балканските земји и само 15 отсто од нив се жители на нашиот регион. Но овој аргумент очигледно не е доволен за ЕК. Во една неодамнешна анализа на Центарот за европски политички студии (ЦЕПС) во Брисел се набројуваат неколкуте мерки што во 2001 година ги презела Бугарија и кои дозволиле да бидат укинати визните пречки. Меѓу нив се две мерки што се особено по вкусот на шенген-зоната, која стравува од несакани имигранти, а кои не се дел од нашата легислатива. Така, на пример, Бугарија вовела закон со кој се криминализира секое нарушување од страна на бугарски граѓанин на имиграциските закони на земјите на ЕУ. Доколку бугарски граѓанин го надмине дозволениот тримесечен безвизен престој во ЕУ, а што бугарската држава не може да го контролира, тој граѓанин во Бугарија се гони кривично. Бугарија, исто така, во 2001 година имаше потпишано договори за реадмисија со сите тогашни 15 членки на ЕУ. Бугарија организираше и кампањи за да ги информира и обучи граѓаните како да се однесуваат во безвизниот режим. Тоа, се разбира, не спречи голем број Бугари да остануваат во Европа, но бугарската држава покажа политички и законски ангажман што им се допадна на европските партнери.
Освен овие технички и законски мерки, Бугарија и Романија искористија и поволен политички миг. Во ЕУ во моментов политичката клима е се' полоша во однос на омекнување на визните услови, заклучува аналитичарот на ЦЕПС.
- Функционери на ЕК велат дека некои земји-членки биле незадоволни со искуството од слободниот визен режим со Бугарија и со Романија. Многу голем број лица останувале во ЕУ подолго од предвидените три месеци и потоа било тешко да се најдат и да се вратат назад, па како последица од тоа ЕУ не сака да ја повтори истата грешка со Балканот. Освен тоа, овие земји и понатаму се сметаат за можен извор на нестабилност, поради што на земјите-членки во 2005 им беа потребни долги месеци дискусии за да ги усогласат сегашните визни олеснувања што ги нудат - вели Флоријан Траунер од ЦЕПС. Тој во својот извештај заклучува дека балканските држави, сепак, треба внимателно да ги проучат бугарскиот и романскиот случај и од нив да се инспирираат.
Брисел одбива да се обврзе на конкретен датум за целосно ослободување на македонските граѓани од визи, но експертите им порачуваа на властите во Скопје внимателно да ги проучат бугарскиот и романскиот случај и од нив да се инспирираат
![](http://dnevnik.com.mk/WBStorage/Articles/7BB386F9EFA18343B74E3A0BD3F215E6.jpg)
Македонија не треба да се надева на слободен визен режим со земјите на ЕУ пред 2010 или 2012 година. Преговорите за олеснување на режимот, кои се во тек, ќе завршат во текот на наредните два до три месеци, но Брисел одбива да се обврзе на конкретен датум за целосно ослободување на Македонија од визи. Оваа политика истовремено е пречка за прокламираната европска цел за поддршка на Балканот во неговата трансформација во отворен, стабилен и демократски регион.
- Еднаш завршени преговори тешко повторно се отвораат во краток временски период. Освен тоа, Брисел одбива во овие преговори да даде попрецизен календар за ослободување од визи. Тоа значи дека сега договореното ќе се применува барем неколку години пред да може да се размислува за нови чекори. Европската комисија (ЕК) вети дека ова е само преоден чекор кон целосна либерализација, а Македонија и другите балкански земји не смеат да престанат да лобираат и да ја потсетуваат на оваа заложба - вели нашиот извор.
Македонските преговарачи побарале повеќепати од ЕК да изработи еден вид патоказ што земјата треба да ја води во безвизен режим.
- Комисијата смета дека во овие преговори тоа не може да биде направено бидејќи земјите-членки на ЕУ не дале мандат за таков потег - вели дипломатот.
Во Европскиот парламент (ЕП) во Брисел лани е одржан семинар во организација на либералната група, посветен на строгиот визен режим на ЕУ. Голем број пратеници и дипломати остро ја критикуваа европската визна политика. Европската стратегија за олеснување на визниот режим кон Балканот е дискриминаторска, не е добра ни за ЕУ ни за Балканот и мора да биде подобрена, порача ЕП.
- Поделбата на општеството на две групи, привилегираните што ќе добијат повеќекратна виза и оние за кои тоа е невозможно, е опасен рецепт за иднината. Дипломатите, бизнисмените или спортистите треба да можат да патуваат, но не гледам причина зошто таквата привилегија не им е дадена на обичните туристи или младите, кои сакаат да патуваат во потрага по нови доживувања - смета Греам Вотсон, претседател на либералната група во ЕП.
Во наредните години одвај пет отсто од балканските граѓани ќе имаат право на олеснет визен режим. ЕК, на пример, одбива да ги прифати сите категории граѓани за кои Македонија бара визни олеснувања. Пред Скопје и Брисел стои барем уште една рунда преговори и нашите преговарачи се надеваат дека ќе успеат да се изборат за што повеќе категории граѓани, но најавите велат дека транспортерите или носителите на службени пасоши нема да бидат на тој список.
Годишно сто илјади емигранти влегуваат во ЕУ преку балканските земји и само 15 отсто од нив се жители на нашиот регион. Но овој аргумент очигледно не е доволен за ЕК. Во една неодамнешна анализа на Центарот за европски политички студии (ЦЕПС) во Брисел се набројуваат неколкуте мерки што во 2001 година ги презела Бугарија и кои дозволиле да бидат укинати визните пречки. Меѓу нив се две мерки што се особено по вкусот на шенген-зоната, која стравува од несакани имигранти, а кои не се дел од нашата легислатива. Така, на пример, Бугарија вовела закон со кој се криминализира секое нарушување од страна на бугарски граѓанин на имиграциските закони на земјите на ЕУ. Доколку бугарски граѓанин го надмине дозволениот тримесечен безвизен престој во ЕУ, а што бугарската држава не може да го контролира, тој граѓанин во Бугарија се гони кривично. Бугарија, исто така, во 2001 година имаше потпишано договори за реадмисија со сите тогашни 15 членки на ЕУ. Бугарија организираше и кампањи за да ги информира и обучи граѓаните како да се однесуваат во безвизниот режим. Тоа, се разбира, не спречи голем број Бугари да остануваат во Европа, но бугарската држава покажа политички и законски ангажман што им се допадна на европските партнери.
Освен овие технички и законски мерки, Бугарија и Романија искористија и поволен политички миг. Во ЕУ во моментов политичката клима е се' полоша во однос на омекнување на визните услови, заклучува аналитичарот на ЦЕПС.
- Функционери на ЕК велат дека некои земји-членки биле незадоволни со искуството од слободниот визен режим со Бугарија и со Романија. Многу голем број лица останувале во ЕУ подолго од предвидените три месеци и потоа било тешко да се најдат и да се вратат назад, па како последица од тоа ЕУ не сака да ја повтори истата грешка со Балканот. Освен тоа, овие земји и понатаму се сметаат за можен извор на нестабилност, поради што на земјите-членки во 2005 им беа потребни долги месеци дискусии за да ги усогласат сегашните визни олеснувања што ги нудат - вели Флоријан Траунер од ЦЕПС. Тој во својот извештај заклучува дека балканските држави, сепак, треба внимателно да ги проучат бугарскиот и романскиот случај и од нив да се инспирираат.