ОДБРАНА НА ВРЕДНОСТИТЕ ИЛИ ОДЕТЕ СИ! Денес сме сведоци на уште еден обид под превезот на „родова еднаквост и социјална инклузија“ да се промени нашето општество во корен, без прашање, без јавна...
www.facebook.com
Денес сме сведоци на уште еден обид под превезот на „родова еднаквост и социјална инклузија“ да се промени нашето општество во корен, без прашање, без јавна дебата, без дозвола од народот. Работилницата организирана од ХЕРА, во соработка со државни институции и со поддршка од странска амбасада, претставува директен атак врз нашите традиции, врз нашето образование, врз нашите семејства!
Оваа работилница не е наивен академски собир – таа има конкретна цел: преку манипулација и бирократски процеси да се наметнат нови, радикални политики, без одобрение од граѓаните!
Со воведување на т.н. РЕСИ алатки во проценката на влијанието на регулативата (ПВР), тие се обидуваат да ги вградат своите идеолошки критериуми во секој нов закон! Ова значи дека секој закон што ќе се донесе – било да е во образованието, здравството или социјалната политика – ќе мора да помине „родова проверка“, која ќе се користи како алатка за наметнување на овие политики!
Дали ние, како граѓани, го побаравме ова? Дали некогаш гласавме за вакви промени? Не! Баш напротив довербата на изборите беше дадена со цел да се казни политиката на Мила Царовска и влијанието на странските милиони во домашната регулатива.
Тогаш, зошто Владата дозволува британската амбасада да финансира проекти што имаат директно влијание врз законите и институциите на нашата држава што се покажале штетни? Па во Британија излезе извештајот Cass Report по кој се забранија сите медицински интервенции за менување на пол на деца со цел поддршка на родов идентитет. Зошто тогаш дозволуваме странски фактори да ни диктираат како ќе ги воспитуваме нашите деца? Ова е модерна форма на политичка окупација, каде под маската на „европски вредности“ ни се наметнуваат туѓи идеологии што го разоруваат нашето општество!
Еден од клучните сектори што оваа работилница го таргетира е образованието. Да бидеме искрени – кога тие зборуваат за „родова еднаквост“, тие мислат на радикална промена на наставните програми. Ова значи дека во учебниците ќе влезат содржини што ја бришат биолошката реалност, ги поткопуваат традиционалните семејни вредности и ги учат децата на родови теории што не се научно докажани!
Денес зборуваат за „родова еднаквост“, а утре ќе ги принудат децата во училиштата да учат за радикални идеологии кои ја поткопуваат традиционалната семејна структура. Зарем сме подготвени да го дозволиме тоа?
Под изговорот „социјална инклузија“, оваа работилница не работи за доброто на сите граѓани – туку за наметнување политики што ги фаворизираат одредени групи кои постојано растат како што растат родовите идентитети, додека го маргинализираат мнозинството. Дали жените, мажите, семејствата што ги почитуваат традиционалните вредности се помалку важни? Дали нивните права немаат значење? Зарем не гледаме дека ова создава нова форма на дискриминација, каде под изговор на еднаквост, се воведуваат нови поделби?
И тоа во услови кога радикално се менуваат светските трендови во Америка и Европа со враќање назад од лудилото на родовата идеологија што кулминираше последните 15 години. Новата администрација на Трамп фронтално ги нападна и ги избрка сите такви екстремно левичарски елементи што со години цицаа од американскиот буџет и потоа креираа масовни мрежи на медиуми и невладини организации во цел свет, па и во Македонија.
Кои се допирните точки што оваа Влада може да ги најде со Мила Царовска и нејзината Хера и целата болумента од невладини организации милионери што никогаш па ни во сон не би ги гласале и нема да ги гласаат?!!
Знаете ли каде терате вака???
Затоа нашиот одговор на сите такви хаотични и краткогледи политики е содржан во кратка реченица:
ОДБРАНА НА ВРЕДНОСТИТЕ ШТО ВЕТИВТЕ ДЕКА ЌЕ ГИ БРАНИТЕ ИЛИ ОДЕТЕ СИ!
Доста е! Не смееме да молчиме додека ни ја менуваат земјата зад нашите грбови! Бараме:
1. Влада и институции кои нема да работат по странски директиви!
2. Прекин на секој обид за наметнување родови и идеолошки агенди во законодавството!
3. Измена на целото законодавство каде досега Мила Царовска и родовите организации наметнаа таква идеологија а особено во образованието и социјалните политики!
Ова не е борба само за денес – ова е борба за иднината на нашите деца, за нашето семејство, за нашата држава! Ако сега молчиме, утре ќе се разбудиме во општество што нема да го препознаеме! Затоа – НЕ на наметнатите политики, НЕ на странското мешање, и ДА за одбрана на традиционалните вредности!
Македонија не смее да падне под притисок! Во оваа светска културна војна Македонија има сојузници во највисоките раководства на САД и Европа.
Владата не може повеќе да седи на два стола!
Време е за одлука и акција!
