Да не излезе дека сум расист, далеку од тоа, Тупак школа сум јас и баш би сакал луѓето да се почитуваат и сите да сме исто. Ама работава е надвор од контрола, неправедно е злоупотребуван поимот расизам и со самото фокусирање на вакви работи, се дефокусираат многу поважни проблеми, меѓу другото и “расизам“ на места каде што навистина го има, ама не и на натпреваров. Зборувам во мое лично име, а мислам дека сите ќе се сложиме, ама никој белец со здрав мозок нема да се налути ако залутаме во Африка и сме во група на црни луѓе и бидеме наречени “белиот човек“, за полесно да знаат соговорниците дека за нас станува збор. И Еминем ако се сеќавате еден од надимаците му беше/е “White guy from d12", па зар треба да се срамиме од нашата раса и да ни е непријатно ако сме бели или црни... Искрено се надевам дека ќе има позитивна разврска на работите за судијата, бидејќи и ова сега што му се случува со вербалната тортура, хакирање Инстаграм акаунти е тотално незаслужено. Доколку биде казнет, само ќе им се даде нитро во секоја ситуација да бараат навреда за расизам, бидејќи досега од секаква баналност добиле и спортот би се уништил, нешто налик на симулација за пенал што кога упалила кај еден сите почнале да ја практикуваат, ама многу полоша верзија.
А и Лајпциг (ако ги победат Јунајтед) не е лесна екипа.
