TB серија со кратка рецензија (по сезона)

igor108367

Dark Lord Sauron
Член од
25 јануари 2009
Мислења
2.516
Поени од реакции
113
Значи идејата е да функционира слично на темите за филмови со рецензија но со таа разлика што наместо филмови ќе се рецензираат тв серијали и тоа по сезони. Следено по принципите на поголемите страни како услов за проценка на една сезона на една серија ќе биде изгледани минимум 4 епизоди од истата. За примери може да се погледне следнава страна каде има доста инфо за многу области http://www.metacritic.com/ .Јас ќе започнам.

24 season 8

24 секогаш е брза и интерсна серија. Ја имам гледано од прва сезона и од тогаш ме нема разочарано. Кога започнав да ги гледам најновиве епизоди за прв пат помислив дека можеби и нема да ја догледам но се излажав. Од кога ги изгледав првите пет епизоди заклучив дека серијава се уште може да ме изненади со нови и интересни сплетки.

Јек кој сега веројатно и веќе е најпопуларниот американски суперхерој повторно се враќа во акција. Овој пат тој е пензиониран и се обидува да помине време со неговата ќерка и внука но како и секогаш сенките од минатото го повикуваат назад и тој се впушта во една акциона игра за која најпрвен се надеваше дека нема да му одземе многу време, ама сега е веќе очигледно дека ќе му требаат точно 24 часа. И да и оваа сезона е преполна со клишеа од претходните има доста рециклирани идеи како обидите за атентат, заговори од измислена африканска земја и сл. џек го фаќаат и мачат (стандардо тоа го гледаме секоја сезона). Првите три епизоди се преполни со такви дежа ву моменти. Мора да признаам дека најголема промена видов во четврта епизода со враќањето на Рене овој карактер сега доста изменет даде нова насока на движење на серијата и ја направи доста поинтересна.

Можеби како пречка е тоа што се уште не се знае што е точно целта на негативците и зошто толку брзо не им успеа првиот напад па се остави од овој агол атмосферата на серијата да не биде премногу напната од самиот почеток, но сепак дефинитивно и оваа сезона ќе понуди да се видат многу интересни случувања и ќе вреди да се изгледа до крај.

 

wot

њ
Член од
20 мај 2008
Мислења
19.483
Поени од реакции
33.585
The Sopranos

Перфекција од крими-драма но сеуште задржувајќи се во рамките на реалноста. Ниедна серија со таков калибар на едноставност ми се нема толку допаднато. Како што беше некој овде напишал у стил: Уште верувам дека таму некаде во Њу Џерси живееле и уште живеат ликовите од серијата, и дека секој настан од серијата се случил.

Генерално, серијата која се состои од 6 сезони се одвива бавно и нема некоја цел освен грубо прикажувајќи еден фрагмент од животот на Тони Сопрано со неговата фамилија и животот во мафијата, водејќи се по доста конзервативни норми и правила. "Херојот" Сопрано ни малку не е глорифициран (за разлика) и беше феноменално одглумен од страна на James Gandolfini. Покажани се доста повеќе страни на човеков, освен како локален гангстер што овозможува поврзување со ликот. И не само него, општо, внимание има обрнато врз секој лик што мислам е било клучното за толку одлични резултати и задоволство од публиката.

Tagline: Family. Redefined.

А јас, доста тресев зелени, еве во склоп на мојата рецензија, најдобро склопен коментар.

Television. Redefined.

What can you possibly say about a show of this magnitude? "The Sopranos" has literally redefined television as we know it. It has broken all rules, and set new standards for television excellence. Everything is flawless, the writing, directing, and for me, most of all, the acting. Watching this show you'll find yourself realizing that these characters are NOT real. The acting tricks you into thinking there is a real Tony Soprano, or any character. This show is also very versatile. Some people don't watch the show because it's violent, it's not all about the violence, it's about business, family, and many deeper things that all depend on what you, as a fan see. For me, I don't like when people refer to the show, a show about the Mafia. For me, it's a show about family. A family who, through generations, happen to be apart of the mob. Overall this is a masterpiece of a show. This is what television should be. Right here. Complex characters from stunning acting, magnificent story lines from brilliant writing, and what do you get when you mix these ingredients together? A show that defines excellence, and dares to be different.

И.. уште една перфекција за крај.

 

bobipp

Let's cook!
Член од
15 август 2008
Мислења
11.662
Поени од реакции
6.527
Од серијава ги изгледав сите досега излезени епизоди и прилично сум меродавен да ви кажам за што се работи и да ви ја препорачам:

Chuck:


Гледам никој не ја спомнува затоа што можеби никогаш не ја сретнал. Самата слика ве влечи да ја гледате. Станува збор за еден nerd/geek со диплома од Стенфорд (да Стенфорд), а работи како продавач/инсталатер на компјутери во Buy more (нешто слично на нашиот AMC). Имено на главниов лик еден поранешен пријател и колега од факултет му испраќа e-mail со тајни слики, податоци и др. кои се внесуваат во неговата меморија и тој е практично извор на тајни информации од ЦИА, НСА, ФБИ и другите слични организации во САД. властите испраќаат двајца агенти (едниот од нив е жешката плавуша на сликата) да го чуваат... и да не ви откривам. Гледајте ја нема да зажалите. :)

 

Comic

Syntarginaris
Член од
14 април 2010
Мислења
430
Поени од реакции
32
Smallville ( Season 9 )




Една од моите најомилени серии што сум ги гледал. Станува збор за серија која детално ги прикажува авантурите на младиот Кларк Кент и како тој дошол до неговите моќи, Тој не е СУПЕРМЕН како ние што го знаеме иако некои моќи се слични со они кои претпоставуваме дека ги има сепак режисерот на серијата го претставува него во многу различно светло. Тој овде веќе 8 сезона сеуште неможе да лета. Секогаш има непристојни состаноци со вонземјани од Фантомската зона кои го прогонуваат него за да му се одмаздат на Џор Ел - биолошкиот татко на Кал ел - Кларк Кент кој одамна ги осудил како зли луѓе и ги пратил во Фантомската зона. Тој овде наместо супермен е познат како The Blur но како заштитен знак сеуште ја користи Буквата С во дијамантскиот облик којшто го знаеме. Феноманална серија со извонредни ефекти и нема да зажалите ако почнете да ја гледате :)


 

igor108367

Dark Lord Sauron
Член од
25 јануари 2009
Мислења
2.516
Поени од реакции
113
Doctro Who series 5


Во британија започна да се емитува новата сезона на Доктор Ху, веројатно еден од најпознатите ликови во светот на научната фантастика. оваа сезона се одликува со тоа што Доктор Ху овој пат го глуми млад и надежен актер која ја презема улогата од Девид Тенар (еден од најдобрите доктори во историјата на серијалот).

Новата сезона има доста разлики од предходните. И покрај тоа што се уште е етшка научна фантастика сепак во поновите епизоди се приметува обрнување на поголем аспект на емотивната страна на докторот.

Карактеристично е тоа што и визуелно самиот квалитет на слика и сцена и општо виелна престава е исто така драстично подобрена и сега без проблеми може да се рамни со која и да било американска серија.

Можеби малку негативна страна е фактот што барем досега приказните изгубија дел од својата комплексност и се доста поедноставни од претходно. Но тоа можеби и не е толку страшно земено во предвид дека се многу пзоабавни.

Специјални ефекти има многу и серијата е преполна со акција. До сега докторот се има соочено со доста негови познати непријатели како Далексите и Ангелите кои плачат.

Што ќе донесе новата серја ќе видиме но дефинитивно имаше добар почеток. Една од најдобрите сф серии кои се емитуваат во моментов.
 

wot

њ
Член од
20 мај 2008
Мислења
19.483
Поени од реакции
33.585
Има некој муда да се обиде со LOST? Која било сезона. :)
 

igor108367

Dark Lord Sauron
Член од
25 јануари 2009
Мислења
2.516
Поени од реакции
113
Има некој муда да се обиде со LOST? Која било сезона. :)
Е ајде море еве.

Изгубени сезона 1


Бабилон 5 на земјата и тоа на остров (и тоа со една од алумините од серијата французинката). Абрамас дефинитивно фан на JMS.

Пилотот почна супер. Остров, интересна мистерија и пред супер ефекти. Серијат изгледаше и сеуште изгледа навистина високо буџетна (веројатно со послаб квалитет само од оној на True Blood и The Tudors).

Карактерите во среијата се можеби нејзината јака страна. Совршено дефинирани и со јасна траектроија на движење, не остапуваат ни најмалку од своите црти. Сите се мистериозни и имаат некакво минато зад себе и сите се доста комплицирани.

Главната приказна е мистериозна има остров со поларни мечки, чудовиште кое никако да го видиме, и еден отвор кој никој никако не може да го отвори па требаше цела една сезона.

Високо квалитетна сезона во секој поглед но сепак бара трпение во однос на приказната.

Како би се опишал Изгубени со 10 збора
It’s about time travel, fate, good/evil and polar bears.
 

zee German

mpkfa
Член од
12 август 2009
Мислења
6.401
Поени од реакции
6.021
Се извињавам но морав да упаднам не е малце спојлер да пишуваш за 8ма сезона а некој е на пример до 7ма ???И да можеш на пример препорака за серија но од друга страна што препорака кога за секоја серија си има тема...
 

igor108367

Dark Lord Sauron
Член од
25 јануари 2009
Мислења
2.516
Поени од реакции
113
Се извињавам но морав да упаднам не е малце спојлер да пишуваш за 8ма сезона а некој е на пример до 7ма ???И да можеш на пример препорака за серија но од друга страна што препорака кога за секоја серија си има тема...
Ова функционира исто како рецензијата за филмови. Содржи кратка содржина на сезоната и лично мислење и тука нема спојлери. Сега ако не сакаш воопшто да не знаеш ништо за дадена серија и да ти биде се како изненадување треба да одбегнуваш се што е поврзано за неа. Ако се ставаат спојлери во рецензијта тие може да се постават со спојлер таг.

А за другото не нема посебна тема за сите серии, а и за тие кои има најчесто самите теми се движат од епизода по епизода и ако некој сака да види дали да гледа некоја серија тешко е да се адаптира и да го пронајде тоа што го бара особено ако сака да избегне спојлери.
 
Член од
8 септември 2009
Мислења
15
Поени од реакции
7
Arrested development

Како што самата најавна шпица ке ви каже: "Now the story of a wealthy family who lost everything and the one son who had no choice but to keep them altogether", оваа серија ја следи приказната на семејството Bluth, кое по големата измама на главата на семејството George Bluth Sr. се на работ на да ја изгубат семејната компанија но и на работ на егзистенцијата. Како едно угледно семејство навикнато на раскош и неконтролирано трошење ке се навикне на ваквиот живот? По сместувњето на George Sr. во затвор, Michael е оној кој треба да води сметка за семејството, неговата разгалена сестра близначка, неговиот егоизтичен постар брат, неговата мајка материјалистка и голем манипулатор и останатите членови на семејството. Ова е серија која ги разработува темите за политичката состојба, човековата површност и семејството на еден уникатен и урнебесно хумористичен начин.

Според мене ова е серија која мора да се погледне. Аrrested development го донесе хуморот на амриканските ситкоми на едно повисоко завидно ниво кој никој досега, барем според мене, не успеал да го достигне. За разлика од другите површни серии исполнети со избледен хумор, оваа серија изобилува со паметен хумор кој треба да се препознае и ја нема онаа досадна лента со смеење која ти кажува кога да се насмееш. 53 епизоди исполнети со задоволство и непрекината смеа кои во секое време ќе сакате да ги погледнете од почеток. Оваа серија немаше воопшто голем успех во Америка и затоа се снимени само 3 сезони. Се шпекулира дека треба да се снима филм кој ќе ја продолжи приказната за семејството Bluth, но сеуште нема официјална потврда. На Американците на тацна им беше понудена најдобрата хумористична серија на сите времиња но тие одбија да ја прифатат. Their loss. :)

 

Srcee

Unforgettable
Член од
29 април 2008
Мислења
5.275
Поени од реакции
3.496
Pushing daisies Сезона 1

Серијава има интересна замисла, али лоша изведба (според мене). Главниот лик е едно момче кое има дарба откога некој ќе умре, со допир, да го врати во живот. Притоа, ако овој е жив подолго од една минута, на негова смета умира некој друг кој е во близина. Момчето никогаш повеќе не смее да го допре оживеаниот повторно, бидејќи тој повторно ќе умре. Мислам дека малку конфузно објаснив. Повторувам, супер замисла. Плус, се одвива во некој замислен свет од фантазијата, шарен, убав. Момчето соработува со еден детектив, оди во мртовечница ги прашува убиените кој ги убил, одпоновин ги умира и ги делат парите од наградата. Компликации настануваат кога ќе умре првата љубов на момчево (не знам како се вика, не ми замерајте) и он ќе ја оживее. И ќе се заљубат а не смеат да се допрат.

Тоа мене што не ме бендиса, е главниот женски лик Чак (да, Чак е женско). Ич не знае да глуми. Изнасилено некако. Многу нервирачка особа. Исто како и нејзините две тетки. Човече, колку се негативно чудни.
Друго, значи двајцава не можат да се допрат ама се заљубени. Не знам што планираат. Па ај нека се засакаат со некои други и толку. Они се бакнуваат преку најлон. Глупости.
И трето, сакаа сезонава да ја завршат со некој заплет али немале идеја па ај ќе направат тетка и на Чак уствари да и биде мајка. И бре. Битнава ствар. Што направија? Шпанска серија.
И главниот глумец треба да ги исчупа веѓите малце појше.
 

Apokalipto

Tredici
Член од
4 март 2007
Мислења
15.576
Поени од реакции
2.585

Серија која има една сезона со 22 епизоди (втората сезона со прикажување започнува од септември) базирана е на новелите од Лиса Џејн Смит. Лиса започнала со пишување уште во далечната 1991ва година, серијата како и новелите ни го прикажува животот на двајцата браќа Дејмон и Стефан кои се вампири и нивната љубовна врска со Елена Гилберт. Дејството е сместено во малиот град Мистик Фолс со голема историја на натприродни работи во текот на годините. Навидум нешто слично на малиот милион филмови и серии со вампири кои излегуваат во последниот период но, веднаш после првите 2-3 епизоди ќе ви стане јасно дека тука е поинаку. Серијава изобилува со постојана драматика, акција и пресврти, верувајте дека ако барем малку сте фан на она натприродното во филмовите серијава ќе ве задржи пред тв. Изборот на актери е солиден иако можеби маалку потфрлиле со актерот кој го глуми Стефан, едноставно не е конкуренција за неговиот брат :D. Nina Dobrev е во улога на Elena Gilbert/Katherine Pierce додека Paul Wesley го глуми Stefan Salvatorе а Ian Somerhalder го глуми неговиот брат Damon Salvatore. Серијава од мене за возбудата (пресвртите) кои ги носи а воедно и за приказната која е толку комплицирана а и толку убаво објаснета (едноставно нема ништо нејасно) од мене има 9 од можни 10.
 

Srcee

Unforgettable
Член од
29 април 2008
Мислења
5.275
Поени од реакции
3.496
Leverage Season 1

Бледа wannabe КОПИЈА на Hustle. Се работи за група луѓе, едниот е хакер, едниот е тепач, девојката ја бива за упаднување во згради/банки..., а другава девојка е добра глумица. И секако, има еден кој им е главен, редовно пијан, кој ги прави плановите. И они оформуваат како фирма за да им помагаат на измамените луѓе со тоа што ќе ги затворат/банкнотираат/ограбат измамниците.
Добра е серијава, на моменти монотона (а често е научна фантастика), али реков, копија на Hustle. Главниов лик дури и глумел во една епизода од Hustle. Али, во Hustle измамите се МНОГУ поинтересни, има триста пресврти во една епизода, често им тргнува наопаку на тимов. А во Leverage се им оди како подмачкано, тој хакерот со тастатура може се да направи, бомби деактивира за 10 секунди преку телефон (?), на тој тепачот никој не му може ништо, па и 20 души одеднаш шанса немаат против него, цурата плава е згодна ама не знае да глуми. Абе не е лоша серијава али има многу негативни страни. Серијава најверојатно ми е ваква ради тоа што ја имам гледано Hustle, а оваа не може со неа, таа е многу подинамична и поинтересна. Да не беше Hustle, појше ќе ми се свиѓаше.
 
I

Intex

Гостин
Doctor Who Season 5 (2010)



После пауза од две години, Ху се враќа во редовниот термин, 13 епизоди на BBC кецот.
Режисерската палка беше предадена во рацете на Steven Moffat кој дури беше подобар и од неговиот претходник, генијалниот Russel T. Davis. Поради икс причини, Докторот се регенерираше, а со тоа и улогата на главен протагонист беше доделена на младиот Matt Smith, за кој бев скептик дека ќе се покаже во добро светло, но згрешив, беше брилијантен. Аууу, се ново, па и нова придружничка. Преубавата Ејми Понд одглумена од Карен Гилан. Ај доста за актерите.
Приказната: Докторот е вонземјанин со човечки лик кој има временска машина и е стар, хм, 906 години. Приказната за оваа сезона феноменална, најдоброто досега од Ху, епизоди поврзани (нешто што го немало досега во серијалот) што ги прави уште покомплицирани и позамрсени. И се така до крајот .... ебено неверојатен, до последен момент возбудлив и несфатлив.
Ефекти: се работи за сф серијал, па ефектите мора да се на висок стандард. И беа. :D

Оценка: 10/10
 
Член од
8 септември 2009
Мислења
15
Поени од реакции
7
Fringe - Season 2 (2009/2010)
На почетокот Fringe делуваше како копија на The X files, т.е. The X files со подобри ефекти.Серија за чудни случаи кои се случуваат во околината на Бостон, случаи дотогаш непознати за човештвото и FBI тим кој е единствениот запознаен со нив и бара решение за нив. Но она што ме привлече да ја гледам серијата беше тоа што работи незамисливи за човекот како телепортација, левитација, телепатија итн. беа научно објаснети и прикажани како возможни. Проблемот во Fringe не беше приказната, туку начинот на кој беше поставена. Пилотот беше одличен но некако имав чувство дека Fringe нема определен правец кон кој ќе се движи, односно ќе се заплетка во сопствената мрежа од мистерии. Првата сезона имаше интересна мистерија за следење со инетересни случаи, но имаше и епизоди кои беа само за да ја пополнат сезоната. И нешто што најмногу ми пречеше во серијата беше портретирањето на ликовите. Серијата има брилијантна актерска екипа, но ликови направени некако како по дефиниција. Односно серија во која имаме еден луд професор (Dr. Walter Bishop), еден поранешен криминалец кој соработува со FBI (Peter Bishop) и FBI агентка која го жртвува личниот живот поради работата (Olivia Dunham). При крајот на првата сезона (последните 5-6 епизоди) серијата доби нов лик, почна да добива свој идентитет. По неверојатното финале на првата сезона без размислување решив да ја следам и втората.
Втората сезона почнува онаму каде првата заврши. Значи на крајот на првата сезона погледнавме што се случува на "другата страна", ја дознавме тајната на Walter и веднаш се поставија главните точки на втората сезона. Втората сезона беше дефинитивно подобра од првата.За разлика од многу серии кои имаат одлична прва сезона, па клизнуваат во втората (I`m looking at you Heroes), Fringe ги увиде негативните страни на првата сезона, и со полна пареа ја започна втората. Ликовите почнуваа да добиваат облик, своја душа (Walter стана (според мене) еден од најдобрите ликови на телевизија оваа сезона), ги видовме нивните внатрешни конфликти, ги запознавме нивните карактери и она што многу ми се допадна е тоа што беше обрнато и повеќе внимание на споредните ликови, односно и тие беа вклучени во разрешувањето на мистериите. Последните 7 епизоди ги погледнав одеднаш (за поголемо задоволство) и кога на ред дојде финалето во два дела не можев да си поверувам дека толку силни епизоди може да произлезат од една серија како што е Fringe. Финалето е преполно со пресврти, емотивни моменти, гоооолеми количини на акција, малку повеќе СФ и еден cliffhanger кој нема да ве остави рамнодушни и нема да можете да дочекате да почне третата сезона. По втората сезона, Fringe се вбројува во моите три топ серии заедно со Dexter i True Blood.
Season 1 7/10
Season 2 9.5/10
 

Kajgana Shop

На врв Bottom