ова го најдов! можи че ти помогни!
позз
Фени Индустри: Финалето можеби ќе го почнеме со младински тим
17 апр 2012 15:51
Управата на актуелниот кошаркарски шампион Фени индустри преку соопштение до јавноста го изрази своето разочарување од одлуката на екипата на МЗТ Скопје да не прифати поместување на терминот од првиот финален натпревар од плејофот во македонското првенство, кој сега дефинитивно ќе се одигра утре (18.30 часот) во салата „Јане Сандански“ во Скопје.
Во Кавадарци разочарани од немањето слух за нивниот настап во БИБЛ-лигата
„Од МЗТ и од комесарот за натпреварување уште на 12 април побаравме промена на терминот од објективни причини поврзани со настапот на фајналфор-турнирот од БИБЛ-лигата бидејќи екипата планираше в среда да отпатува за Софија, од каде што следното утро требаше да полета за Истанбул, а од таму за Тел Авив. Нашето барање беше или да се игра во вторник, еден ден порано од закажаното, или да се игра по враќањето од Израел, што ќе придонесеше да играме плејоф без прекин. Но бевме крајно неспортски одбиени, без никакво образложение“, се вели меѓу другото во соопштението на Фени И.
Кавадарчани имаат огромна замерка на работата на комесарот Владимир Макревски, кој не собрал сили да пресече во интерес на македонската кошарка и да одреди разумен термин, прифатлив за двете екипи.
„Ова не е првпат комесарот Макревски да не покаже доволно авторитет и професионалност и за тоа ние на следната седница на здружението на прволигаши ќе бараме да се испита сериозноста на целокупното работење на канцеларијата на комесарот“, дополнуваа од тимот од Кавадарци.
Поради сето ова, според пишувањето во соопштението, тимот на Фени се нашол во незавидна ситуација да треба да размислува на тоа на кој натпревар што им претстои да му даде приоритет.
„Управата на клубот до утре ќе размисли на кој натпревар да му даде приоритет и каде да ги насочи силите, дали на финалето од домашното првенство или на завршницата од Балканската лига, па ќе одлучи со кој состав ќе настапи, со оглед на тоа што КК Фени Индустри има и добар младински состав“, се вели во соопштението од таборот на актуелниот шампион.
