Eternals - најлош филм во MCU до сега и општо доста лош филм. Се каам искрено што воопшто седнав да го гледам ова. Можам еден стварно долг пост да напишам зошто толку ми беше лош филмов ама ај ќе сведам на неколку точки.
- Предвидлива и досадна клише приказна.
- Тотално неинтересни ликови. Буквално со ниту еден лик не се поврзав, од почеток до крај. Онака ич не ми беше гајле што ќе се случи со било кој од нив. Додуша оној Индиецот ми идеше да го мавнам со пегла во фаца од толку што ми беше одбивен. И ми падна малку смешно дека има девојка што се вика Спрајт. Ај може во продолжението ќе дојде сестра и 7up која дел од македонската публика ќе ја нарекува Зуп.
- Колку да се труделе да дадат логично објаснување зошто овие ликови не се мешале до сега во MCU ништо не им држи вода. Буквално нема никаква логика приказнава од филмот да не е поврзана со се што претходно се деси во Марвел универзумот. Дури во една сцена сами си пукаа во нога, кога кажаа дека она со Танос ги одложило настаните од филмов. Тоа не е доволен мотив да се вклучат? Немој да ме ј***ш бе...
- Непотребно спомнување на ликови од ривалите DC како Бетмен и Супермен. Ова е мислам прв пат во MCU и стварно не знам кој им е мотивот. Ми личеше на чаламење во стилот „Е тоа се приказни а ова нашево е the real deal"
- Во исто време во филмот имаш очигледни копии на ликови од DC - имаш Супермен и Флеш од Али Експрес
- Претерување со woke културата. Кој го гледал филмот знае за што зборам...
- Тотално неинтересни post credits сцени. Во првата копија видовме на лепраконот од смешните хорори од 90-тите заедно со појавување на поп ѕвезда за која треба да бидам возбуден дека ќе биде важен лик од универзумот? Не, ич не се возбудив. Ни најмалку. Во втората сцена не најдоа за згодно барем малку да ни објаснат што се случува. А да, имаше некој непознат глас за кој морав да гуглам чиј е и разбрав дека било најава за нов iconic лик. Хм, пак не сум хајпнат, псоебно кога ликов задоцнето се појавува во MCU и не гледам каква улога би одиграл понатаму
Иако сум фан на DC секогаш сум им симнувал капа на Марвел за тоа што го правеа до сега и за целиот MCU. Ама после Endgame осеќам дека работите ќе одат само на полошо. Ем се’ потешко ќе одржуваат континуитет и логика во приказните, ем ќе ни сервираат филмови со вакви третокласни ликови како Eternals. Дури жал ми е за добри актери и актерки кои не добија кастинг во подобрите филмови на Марвел па мора сега да глумат во вакви глупости. Ако DC одиграат паметно во следниот период имаат голема шанса пак да дојдат во преден план.