Што ќе кажат другите?

[Drama Queen]

Во ништо нејкам да ми се мешаат а поготово не во љубовта...Мој живот,моја љубов,моја врска,јас размислувам за неа не некој од страна...Кога сакам совет го барам од луѓе на кој им верувам,најчесто другарките...Не верувам во ништо додека не видам на лице место и не се уверам сама!Со чувства ретко кој може да управува тие неможат да ми се сменат и ако ме повредат,а не па да ми зборат нешто и да оговараат...

 

[Сатори]

~*~

Во една врска ... колку ви влијаат луѓето од страна? Колку се советувате со нив? Дали се плашите од оговарања и сте спремни поради истите да ги негирате своите чувства? Колку имате храброст да ја негувате и задржите љубовта?
Важно ли ви е всушност што ќе кажат другите и дали се водите по тоа кога се во прашање вашите врски?

Без разлика дали станува збор за љубовта или сите останати сфери од мојот живот, едноставно премногу ми е површно и тривијално да се занимавам со оговарањата на другите луѓе, уште помалку да дозволам некој да ми се меша во врската, ако јас тоа сама не го побарам.
Ако некој ми е важен, тогаш се борам за него, но само ако знам дека и таа личност е доволно спремна да се бори за нас и за мене.
:te ljubam:

 

[sunshinebaby]

Не дозволувам некој да ми се меша ни во животот ни во врската.Ниту пак се мешам.Секој треба да си го живее животот на сопствен начин.Затоа што секој живее за себе.

 

[Saladin]

Па вака... Нормално не ги слушам до крајност (сепак јас го имам главниот збор секогаш) но... Моите имаат огромно разбирање кон мене и се доста либерални така да кога би мрчеле за некоја моја врска би се запрашал зошто баш нив им пречи. Би направил сериозен разговор со нив (нормално партнерката да не биде во близина - сепак е болно ако таа чуе) и ако е само банална пречка кај моите тогаш нивното мислење не го земам ич за срце. Е сега ако некој од друштвото мрчи - другар... потешко паѓам под неговото мислење. Сепак може да се работи и за љубомора од негова страна - оваква ситуација имав во школо кога бев и дебело се изгорев.

 

[ada]

Затоа што јас сум таа која ја сака личноста со која е во врска, затоа што јас се радувам кога е се во ред и плачам кога има проблеми и затоа што јас најинтензивно ги доживувам сите нешта кои се случуваат меѓу мојот(потенцијален) партнер и мене, најлогично ми е и јас да ги донесувам сите одлуки кои се однесуваат на тој дел од мојот живот. Не велам дека секогаш го правам најдобриот избор, ниту дека оние кои ми се блиски не биле понекогаш во право, но затоа што се работи за толку лична ствар, некако пре би избрала да пострадам или да се разочарам по сопствен избор, отколку да прифатам туѓо мислење(макар и отпосле се покажало разумно и правилно) и да се прашувам уше долго време: Што ако си терав по свое, наместо што ги послушав нив?.
Кога се набљудува од страна, скоро секогаш ставовите се пообјективни и пореални, отколку кога си силно инволвиран емотивно, па сите тие емоции малку ти го заматуваат разумот. Но, затоа што во љубовта скоро никогаш не важи правилото:Учи од туѓите грешки, преферирам успехот или неуспехот од изборот да си го осетам на сопствена кожа. Од тоа подобро школо нема.
И секогаш кога се двоумам дали да послушам туѓо мислење околу моја врска или љубовна ситуација, кое е различно од моето, си замислувам дека ете сум го послушала мислењето на другиот, на што веднаш ми се надоврзува тоа дека веројатно отпосле ќе се измачувам околу можните сценарија и ќе му ја префрлам одговорноста и фрустрацијата од мојата несигурност и незадоволство на оној кој сум го послушала. А тоа ми е секогаш полоша варијанта, отколку јас самата да си решам, па ако не ја биде работата и самата да си се вреѓам.
Така да, кога се работи за такви ствари, одбирам да "оглувам" за мислењата на оние околу мене.
Што се тиче пак мислења на поширока фамилија, комшии, маало или нешо слично, тогаш па ама ич не се замарам. Ни кога се работи за тоа дали бабата од 3-ти или колешката на факс мислат дека дечко ми не го бива, ни кога истите имаат проблем со моите пирсови на пример. За такво одобрување или негодување на околината воопшто не водам рачун и не го сметам за ни најмалку битно.

 

[Катја]

Колку и да имаме изградено некој одбранбен систем против акцептирање на туѓото мислење, сепак мислам дека тоа влијае на нас. Одлуката дали да делуваме после она што ни е сервирано е субјективна работа, но секогаш ќе не копка ронка сомнеж. Мој совет проверете ги добро муабетите,анализирајте по советите, во секој случај одлуката вие ја носите последни. Ова го зборувам од искуство, многу пати ми се случило да ми каже некој близок по неуспешна врска, ТИ РЕКОВ. Е ова колку ме повредува , ама тоа е по смрт болест нема.

 

[ПрИтИ_гРл]

Ги слушам другите и ме интересира што мислат за мене, но никогаш не искажувам јавно.

 

[reactive89]

Примам совети, мислења и се во тој стил... кажувам ок важи на тие работи... само колку да откачат, а јас понатаму знам што си правам...
Врската ја ставам во рамките на нас двајцата во која сме вклучени, и сите тие работи, проблеми и слично барам да се решаваат од нас самите, значи ние што сме во врска... нормално, може совети од други личности бла бла... али решението самата личност да си го изгради, а не некој што бута во глава од страна на тој што е во врска... тоа е НАШ ЖИВОТ и никој не смее во него да се меша...
Јас лично примам многу совети... многу луѓе ми кажаа нешто лошо за некоја, дури и моите родители еднаш спомнаа, раскини со неа, таа не е за тебе... јас само реков ок нема проблем... и пак си продолжив по мое односно со врската... по некое време осознаа дека јас идам по мое, и осознаа дека таа личност со која бев не беше таква... и почнаа да ја сакаат и слично... значи примам совети, но јас си решавам што понатаму...
така сакам да е и во врската која ја имам со личноста што ми е мила и ја сакам...

иначе моментално она што го имам изградено со една личност не успеа да го распадне еден од поголемите проблеми и на тоа сум пресреќен...

Врската мора да се негува и запази доколу и двајцата чувствувате нешто еден кон друг... за храборста, од моја страна да не збориме, јас сум таков човек што моментално се би направил за таа врска која ја имам... се што е во моја моќ, се ќе направам...

Барам совет за некои работи од личности, но сепак правам по она што ќе одлучам јас...

А она што го зборат другите за мене или за врската, не ме интересира нешто многу, се до тој момент кога ќе претераат!

 

[^DoKtOrIcA^]

кага станува збор за мојата врска не ме интересираат мислења од други. Ниту на некого се мешам ниту сакам да ми се мешаат

 

[*ani*]

Примам совет од најблиските,ама мора да е поткрепено со факти.Од страна не слушам никого.

 

[Kvendolin]

Во една врска ... колку ви влијаат луѓето од страна? Колку се советувате со нив? Дали се плашите од оговарања и сте спремни поради истите да ги негирате своите чувства? Колку имате храброст да ја негувате и задржите љубовта?
Важно ли ви е всушност што ќе кажат другите и дали се водите по тоа кога се во прашање вашите врски?

Не е битно што ке кажат другите за нашата врска (поготово ако под другите се подразбираат сите), меѓутоа имаме обичај (баш поради преубедувањето дека другите се злобни и не ни ја говорат вистината-ни мислат лошо) честопати да сме цврсто убедени дека сме го направиле добриот избор или сакаме да игнорираме некаква околност или ситуација на која поединци ни укажуваат па се држиме до муабетот ,,видов што видов уште да слушнам,,. Значи да, ние најдобро знаеме што е најдобро за нас, ама некогаш знаеме да направиме и грешка. Тука се другите да ни помогнат околу ,,проблемот,, односно да не упатат кон грешката. И да, има и злобни јазици и тие се посебна категорија.

 

[Мачката]

Ама баш ич не ме засега некој таму од страна шо мисли и како мисли и не знам ти шо .... не ми е важно мислење кое го немам побарано, така да...кој шо сака,како сака нека мисли и збора... it's my life!

 

[aquarius]

Доволно сум голема да знам што е добро за мене,и воопшто не се замарам кој какви "совети" ми дели.И воопшто не се грижам што би другите рекле за мене,јас сум таква каква што сум,убаво ми е и не дозволувам никој да ми го расипе тоа.

 

[John]

Spored mene nema vrska sto vikaat drugite za mojot partner. Vazno e da jas ja sakam. No vazno e drustvoto. Zoso tie ke se tie so ke se sekogas tuka za tebe. I ako tie vikaat da ne se fatam ili so bilo, prvo ke probam da im pokazam kakva licnost e, i potoa da odlucet uste ednas. Ako odlucet deka se uste ne e za mene togas toa e drugo.......

 

[E*V*I*L~G*I*R*L]

Јас не дозволувам да ми се мешат други.
Јас сум со него и само јас си знам дали ми одговара и дали ми е убо со него.Нека си го гледат своето нема шо да ми се месат во моето.