Признавам утнав, не предвидев дека 80% од пасовите на Тавареш ќе се до противнички играч и ќе водат до 100% прилика, ниту дека Обамејанг ќе гледа клипчиња од Инзаги пред утакмицава, едноставно натпреваров сите беа класа подоле, почнувајќи од формацијата, не може ти скроз се да препуштиш на Ливерпул и да мислиш дека 90 минути Ремсдејл ќе спасува, прво тимов нема ниту кондиција, ниту концентрација (читај зрелост) да држи одбрана под конец 90 минути, оди напред шутирај, единствен шут во прво полувреме беше уплашениот шут на Локонга кога му ја подаде на Алисон.
Како и да е, сеуште стојам на истите ставови. Артета нема никаков напредок во офанзивата, напредок имаат играчи ко ЕСР кои од сезона во сезона се оган и пламен, ама офанзивно сме многу лоши. Дефанзивно сме подобрени, и натпреварот денес не е приказ за дефанзивниот натпревар, со години и искуство само ќе се подобруваат актуелните дефанзивни играчи. Обамејанг е дно играч веќе 3та година, само на форум кајгана во Фан Клуб Арсенал може да се читаат мислења дека бил во топ форма или дека нешто правел на теренот, играчот е само сенка и контури на некогашниот Обамејанг, тотално ограничен играч, предвидлив, денес имаше 5 офсајди во иста позиција, една топка помина и таа не ја искористи, супер што ќе забележи 5 гола на 3 натпревари, од кои 2 од пенал, ама 3 натпревари добри годишно на никој не треба да му се простат, а кај него тоа поминува без критика пошто е Обамејанг. Денес освен Ремсдејл би го пофалил и Лаказет кој до последен атом сила пробуваше да направи нешто, одличен плејмејкер е, штета што Обамејанг е во ваква форма каква што е, одлично би функционирале пред 3 сезони вака поставен Лаказет и тогашен Обамејанг. И јас никако не можам да сфатам зошто упорно Мартинели е закован за клупа, и се става Елнени кога губиме 2:0, кога би игрла Мартинели? Ми текнуваат 3 решенија, не може со ниедно да не се проба, кога волку сме лоши во напад. Прво решение: нека игра Мартинели најистурен на место на Обамејанг, Лаказет како плејмејкер амф или полушпиц. Нека игра Лаказет најистурен напред, Мартинели како плејмејкер амф или полушиц, одличен дриблер и пасер е дечкото, соиграчите истото го тврдат. Нека игра Обамејанг напред, а на едно полувреме да се менуваат Лаказет и Мартинели, и така Лаказет е кнап со кондиција, или барем 60-30 минути. Се ќе сфатам ама ова недавање шанса на Мартинели не можам.
И што е фората со толкав песимизам, пред натпревар 3 мислења дека петарда јадеме, убаво што добро предвидувате, ама каква поддршка и верба даваме во играчите и тимот ако со таков став сме пред секое дерби. Како би го вратиле тимот на врвот со таков лузерски мајндсет. Ништо не е загубено, следен натпревар играме против Њукасл дома и искрено се надевам дека ќе се даде шанса на Мартинели од старт, освен ако не е доволно квалитетен играч за против последнопласираниот тим.
Поздрв, Трпе.
