Не дискутирајте воопшто за тоа дали едната била поздрава од другата...И едната и другата се сосема во ред, но и едната и другата се нездрави. Не може да очекувате нешто да биде „апсолутно здраво“ ако прекумерно го конзумираме, но од друга страна сигурен сум дека нема ништо да ни се случи ако повремено конзумираме зашеќерени газирани пијалоци. Лошо е да си роб на задоволствата и да станеш зависен од било што, па макар и Кока-кола. Кога веќе сме го одбрале градскиот живот и глобализацијата, тогаш со се што внесуваме си носиме и одреден ризик. Кога млекото стана штетно поради прекумерен процент на афлатоксини (кои најчесто се појавуваат поради користењето на генетски модифицирани растенија како храна за животните), како може да очекувате некој производ кој е чиста „хемија“ да биде апсолутно здрав? Ризик јак, мила душа, ама и сокчињата вкусни...
Ако сте поборник за здрав живот, купете си соковник и пијте го сокот одма по цедењето. Од тоа, поздраво сигурно нема да најдете. Ама да се препукувате дали било поздраво чаша со 15 лажички шеќер и тон калории, или пак ниту една калорија и вештачки засладувачи кои некаде се и забранети - стварно не ја гледам поентата. Дискутирајте боље за вкусот, цената и тн.
Јас лично никогаш не сум бил љубител на „лајт“ пијалоците. Не ради „мажествениот“ момент, туку поради тоа што имаат вкус на приватњачки сок од 15 денари / литар. Подобро ќе се напијам пола-литарка обична Кока-кола еднаш во 2 месеци, отколку секој ден да тепам „диетски пијалок“ со вкус Бонго. И претпоставувам дека вака размислуваат многу останати. Значи, не е секогаш до калориите, туку до вкусот. Баш и поради тоа мислам дека добиваме уште еден пијалок кој ќе фаќа прашина на полиците во маркетите...
