Мислам дека не мора да пишуваме во спојлер тагови, серијата е веќе доста пред книгите и секоја теорија, предвидување се базира на лични претпоставки и размислувања, наши или на некој друг од редит или било каде. Освен ако авторот не реши да постира на форумов
Претпоставки и теории имавме на сите теми за серии, не гледам причина зошто овде мора да биде во спојлер.
Јас лично уште кога ги читав книгите имав една мала теорија којашто 99,99% е погрешна ама ајде, имам слободно време денес. Книгите ги читав само еднаш за разлика од многумина по останатите форуми па и овде верувам коишто стварно ги имаат анализирано до последен збор. Веројатно на повеќето од вас им има дојдено оваа мисла - GRRM ја води сторијата во Вестерос во насока да ги наведе читателите и гледачите да симпатизираат со Старкови. Сите несреќи, страдања, свадби, предавства и смрт не наведуваат да сочувствуваме со нив уште од почетокот, т.е. да навиваме за нив. Читателот е наведен да гледа црно и било, добро и лошо. Намерата овде мислам т.е. мислев дека е подоцнежен голем пресврт - ако воопшто има објективни негативци тогаш тоа ќе се испостави дека се Старкови. Нивното мото е Winter is coming. Останатите куќи имаат мото како на пр.:
- Hear Me Roar
- Ours is the Fury
- We Do Not Sow
- Fire and Blood
- Unbowed, Unbent, Unbroken
- Growing Strong
Сите овие звучат моќно, предупредувачки па дури и заканувачки. Од друга страна мотото на Старк е временска прогноза? Дали? Што ако Winter is coming е всушност закана? Знаеме што т.е. кој доаѓа со зимата. Од сите фамилии Старкови се оние со најмногу врски со WW - позитивни и негативни. Старкови ја почитуваат религијата на Children of the Forest, кои патем видовме ги создале WW. Историскиот Night King во книгите всушност е Старк, Commander of the Night Watch којшто се заљубил во жена WW.
По последнава епизода мислам дека многу веројатно е дека Бран ќе биде причината што ѕидот ќе падне - тоа што беше обележан доведе до магијата, т.е. бариерата што ја штитеше пештерата да се урне. Знаете, оној момент кога WW типот ја допре земјата и истата се распарчи во средината...наговестување за она што следи? Ѕидот не е физичка бариера за WW туку магијата со која е создаден не им дозволува да го преминат. Сега кога видовме дека со обележување на greenseer/warg/whatever како Бран бариерата може да се сруши, претпоставувам дека овие ќе го остават Бран да оди на Југ и да го помине Ѕидот. Доколку ова се случи, прашањето е - дали сето тоа е испланирано и со знаење на Бран од иднината/минатото? Дали Бран ги составува деловите од слагалката влијаејќи на минатото/иднината за ултимативно да дојде до оваа ситуација каде што им овозможува на овие да го преминат Ѕидот? Ако одговорот е да, ете го Бран какo The Great Other и веројатно главен негативец.
Затоа пишав овде приказната со Бран ми е омилена и далеку најинтересна. Последнава епизода ептен саглам ги мрдна работите таму. Колку и да сакав сите овие потврди на теории, информации, случувања итн да дојдат од авторот, сепак не можам да негирам дека едвај чекам нова епизода и дека уживам во истите.
Одлична теорија.