Формула 1 сезона 2010

[hard]

1/2

 

[m@rT1n]

FERRARI!

Ауф, коа го поминаа двајцата.

Ако мислиш за тоа како го поминаа Vettel, тогаш само ќе кажам дека се многу големи среќници Ферари, му се расипа болидот на Vettel и нормално дека ќе го поминат.

 

[B_O_K_I]

Иначе дефектот на ветел бил кабел од свекицата а не како што претпоставиле претходно напукнување на издувна цевка.

 

[Tommy1207]

Иначе дефектот на ветел бил кабел од свекицата а не како што претпоставиле претходно напукнување на издувна цевка.

Епа да го изедеш к.... за кабел од свекица треба стварно да си баксуз, а стварно добро возеше малиот.

 

[Nethervor]

Море море људи.
Направи Ферари 1/2 и нивна е сезоната? Камо да беше така едноставно ...
Оваа сезона има многу потенцијални шампиони. 4 претходни шампиони возат во иста сезона.
Јас лично сум фан на Хамилтон пред се (сеа тоа што е уште во МекЛарен е сплет околностима) но стварно ми е мило што се вратија Ферари и Мекларен во стариот препознатлив стил и со страшно квалитетни возачи.
Тука се наметнува сериозно и Ветел, но не и Ред Бул во целост, затоа што мислам дека Вебер е само просечен возач.
За Шумахер нема потреба да се коментира. Очекувам кога тогаш Мерцедес да почне да ги расипува сметките на Ферари и Мекларен. Тандемот Браун/Шумахер е убитачан.

Ф1 најверојатно си ја враќа атрактивноста, а и гледаноста оваа година и ... НАПРЕД ХАМИЛТОН! :smir:

 

[The Mummy]

Во основа очекував повеќе од првата трка. Мислев дека со новите правила и бодување ќе гледаме повеќе дуели меѓу водечките.

Одличен старт за Ферари, а а Фетел до некаде ми е криво затоа што многу ми се допаѓа како возач и сигурен сум дека кога тогаш ќе ја освои титулата.

Рано е да се прогнозира за понатаму, но верувам дека ќе има поинтересни трки од минативе сезони и понезивесна борба за титула.

 

[pearl]

Ќе си пукнев од мака за Vettel, баш ми падна криво, особено што за таква без врска работа изгуби победа. Љубимец ми е веќе трета сезона. Дечкото јали годинава, јали другата, ќе освои титула, не се знае, има уште многу до крајот. Се надевам на интересни трки.

 

[RaZ-R]

Шефовите бараат промена на правилата

Сопствениците на тимовите во најелитното авто-мото натпреварување побараа промена на новите правила со оглед на тоа дека првата трка сезонава не ги исполни нивните очекувања.

Неделната трка за Големата награда на Бахреин го означи стапувањето на сила на новите правила, меѓу кои беше и најзначајното правило за дотурот на гориво.

Поголемиот број возачи поради променетите стратгии во Бахреин само еднаш ги посетија механичарите за замена на пневматиците, додека скоро и да немаше престигнувања на стазата.

„Успеав да го стигнам Шумахер и тогаш бев заглавен зад него до крајот на трката. Не можем ништо да направам.“ - изјави бранителот на титулата Џенсон Батон, кој стартуваше од осмата позиција, а низ целта помина како седми.

Шефовите на неколку тимови по трката побараа инстантна промена на правилата според кои сите возачи би требало најмалку два пати да одат на замена на пневматиците, додека компонентите на пневматикот би требало да ги направат недоволно долготрајни.

„Мислам дека лошо е кога не би реагирале. Забележваме трка која е далеку од возбудување. Сега би требало да се разгледаат работите и да видиме што ќе правиме понатаму.“

„Тешко е, но и скапо, да се направат технички промени, но со Берни Еклстон и Светската автомобислка федерација би требало да ја разгледаме и техничката и спортската страна и да видиме што ќе правиме по оваа трка.“ - изјави Ник Фрај, извршниот директор на Мерцедес.

Идејата за второто обврзувачко заминување во бокс претходно беше отфрлена од страна на тимовите, но шефовите на екипите сега сметаат дека е време сите повторно да размислат.

„Во Бахреин разликата меѓу пневматикот не беше толку голема како што се мислеше. Мислам дека пневматиците би можеле да направат голема разлика во тоа каков спектакл ќе имаме.“

„Мора да добиеме меки пневматици со кои не можата да се извозат 20 круга, но и некои средни компоненти, кои не можат да издржат половина трка.“ - изјави шефот на МекЛарен Мартин Витмарш.

Наредната трка во шампионатот на Формула 1 на програмата е на 28-ми март во Австрлија.

 

[VoniVaraS]

Мислам дека претеруваат со правилава и ограничувањата.
На што ќе се сведе натпреварувањето ако се диригирано од ФИА.
Ништо да не зависи од возачот, ништо да не зависи од тимот (сите исти демек) и кој сака ФИА да си го прави шампион тој да биде. Глупости.
На времето Сена со едни гуми возеше цела трка, на крај на трка партал беа гумите скоро до бандаш истрошени и пак победуваше. После Шумахер на една трка во Франција четири пати влезе во бокс да менува и пак победи. Секој сам нека си одлучува што и како ќе прави за да дибие трка не вака. :uvo:
Напрај појак мотор биди побрз од другите.
Користи супер меки гуми, прави предност по 2-3 секунди по круг па менувај повеќе пати. Секој со свој “адути“ тоа е интересно не вака.
Првава трка претпоставувам поради неискуството на тимовите со нови болиди и правила (не тестираа доволно) не ризикуваа и сите идеа на сигуно па трката испадна досадна.
Пример Шумахер откако смени гуми 30 круга ги извозе со време 2.0 (плус минус десетинка) Не проба нит да брка напред нит па Батон од позади му направи некој притисок да го “деконцентрира“ за да згреши.
Ај следната трка ќе видиме како ќе се одвиваат работите ама не очекувам некои посериозни промени и изненадување се до враќањето на трките во Европа.

 

[SanIker]

Ф1 под големи критики, Берни се труди да го „изгасне огнот“

Берни Еклстон, челниот човек на најелитното авто-мото натпреварување Формула 1, повика на смирување на страстите по првата трка од новата сезона, Големата награда на Бахреин.

По трката на стазата Шакир изминатиот викенд во која Ферари оствари двојна победа, се појавија бројни критики на сметка на новововедните правила за Формула 1.

Во нив се вбројуваат и оние за забрана на дотур на гориво во текот на трката, како и правилото натпреварувањето да се започне со гуми со кои и е завршен квалификацискиот тренинг.

Таквите правила според бројни возачи (Џенсон Батон и Михаел Шумахер) „практички го оневозможиле престигнувањето“ освен во случај на противничка грешка и го направиле престигнувањето „досадно“.

„Мислам дека во овој момент не можеме ништо да направиме и не смееме одма да ги критикуваме новите правила. Сега не чекаат четири брзи трки и ќе причекаме да видиме како тимовите ќе се прилагодат на дадената ситуација.“

„Првите трки под новите правила секогаш претставуваат голем залак и тимовите мора уште да учат.“ - изјави Еклстон со додаток дека за примената на новите правила вината треба да се посочи и кај самите тимови бидејќи тие самите едногласно ги прифатија во пресрет на новата сезона.

 

[ElNinho]

Со овие правила се губи она што беше препознатливо во Ф1, а тоа е тактиката на менаџерите на тимовите, кога да се влезе во пит-стоп, кога да се долее гориво, да се сменат гуми.
Од друга страна сега повеќе ќе се истакнуваат подобрите (да не речам вистински) возачи, но и оние кои имаат најбрз болид.

Значи има и позитивни и негатвни страни од новите правила, али мој впечаток од прва трка е дека поинтересно беше со старите.
Сепак треба барем 2-3 трки да пројдат па да се збори како е подобро.

Иначе за Ферари сум „нормално“, а од возачите за Маса и Фетел.
Шуми ми беше омилен додека беше во Ферари, но сега некако мислам дека се изглупира со враќањето.

 

[SanIker]

Стефан ГП го купува УСФ1?

Српскиот бизнисмен Зоран Стефановиќ не се откажува од можноста да има свој тим во Светскиот шампионат во формула 1 и сега најавува дека е подготвен да го откупи УСФ1, тим што поради финансиски проблеми сезонава се откажа од настапот во првенството.

Стефановиќ до самиот почеток на првенството се надеваше дека ќе добие шанса да се вклучи, но ФИА на крајот реши сезоната да ја стартува со 12 тима односно 24 болиди, УСФ1 остана без право на настап, а според последните одлуки, позицијата за следната сезона се уште не решена.

Српскиот бизнисмен во моментов преговара за откуп на акциите на УСФ1 и се надева дека следната година сепак ќе успее да има свој тим во Светскиот шампионат во формула 1.

 

[Џои]

Ајде да ве загреам малце со КОНЕЧНО добра ф1 игра. Излегува оваа година еве неколку сликички.

 

[Tetro]

Ајде да ве загреам малце со КОНЕЧНО добра ф1 игра. Излегува оваа година еве неколку сликички.

името како и е? и за кога е најавено излегувањето?

 

[Џои]

името како и е? и за кога е најавено излегувањето?

Codemasters излегувањето е накај Септември.