FILMOVISION CHALLENGE - Запознај ја филмска Европа

[Zlatikevichius]

30. Три Ани (1959)



Ова е филм во кој всушност нема ништо македонско, освен финансиите. Но секако, парите се најважни, затоа и Три Ани е македонски филм. Во режија на Бранко Бауер, со Душан Стефановиќ како таткото Марко, Светлана Мишковиќ како првата Ана, Марија Кон како втората Ана и Дубравка Гал како третата (и најубавата ) Ана. Приказната ја знаете сите:
татко кој 14 години носел цвеќе на гробот на својата ќерка Ана која на 6 години загинала во војната, дознава дека можеби девојчето било спасено од партизаните и дека можеби е уште жива, но сега е 20-годишна девојка, пишува оглас и тргнува во потрага низ Југославија за да ја најде.
Филм со многу емоции, убава глума, убава употреба на сенките во голем дел од сцените... Единствена работа што ме нервираше беа брзите резови, односно сцени кои траеа и по само неколку секунди - и рез. Сето тоа ме правеше нервозен, на моменти помислував - ако толку им се брзало, што не го направиле ова серија. Но освен тоа, реално и не можам да му најдам друга маана на филмот. Малку остана и ко недоречен на крајот, но тој момент ми се допадна, од други причини. Еден од подобрите наши! 8/10

 

[Варвара]

Прашина (2001)

Am I my brother's keeper? Супер спојка на Зовиќ наспроти Њујорк и една библиска парабола сместена во турско. Динамичната игра, постојаните интервенции и референци прават ептен мадафакерски филм. Генерално ја сакам филмографијата на Манчевски. Првично бев со план одново да ја прегледам цела, но за да си оставам простор за нови филмови се одлучив да одам само со Прашина кој досега не ми беше гледан. Најпосле да видам од кај ги копа изменетите мотиви со кои се занимава во секој нареден филм. Тешко дека некој негов нареден ќе го симни Сенки со „Насмеј се, утре ќе те нема“<3 од второто место ама и Прашина е тука некаде кај мене.

Втора шанса (2019)

Она што почнува со несигурен тек, полека се спојува во целина и го затвора кругот. За мене беше позитивно изненадување. Можеби тоа што се лишив од било какви очекувања беше олеснително за вака добро да го доживеам.

Нема да бидеш сама (2022)

Колку моќен филм! Што и да пишам после Zlatikevichius ќе е малку, милиметарски погодена рецензија. Сите трансформации на ликот, сета болка која ја носи, целата тема е поголема од времето. Не е ни јуни така што малку е претерано да го кажам ова ама мислам дека ќе остане најдобриот филм кој сум го гледала годинава, или барем во топ 3.

 

[McLovin]

#9 Македонија

Days of Temptation (1965) /Dani iskušenja /



Досаден почеток, но интересен расплет.
Океј беше филмот, малку досаден но тоа е, 1965та..


3,5/5

 

[Imperatorot]

Gipsy Magic

Цигани прават цигански работи. Има една многу јака сцена кај што овој ја тепа жена му и мајка му дофрла:
-Удри ја курвата по глава, боксер мамин.

Има репрезентација на цигани, индијци, упрофорци, црнец, педери и добитната комбинација цигански педер. Ова во 2022 би освоило оскар.

7/10 (малку го преценив, ама нема врска)

 

[Mark Renton]

Четврт е ,,Како Убив Светец" и 5ти е ,,Балкан-кан".

Сите овие филмови се филмови на моето тинејџерство, период кога ја откривав кинематографијата како уметност и секогаш ќе ги сакам македонските дека. Балкан кан го гледав на кино првиот пат со татко ми и морав да го прегледам, иако не е ништо посебно.

Сакам, но не знам дали ќе стигнам за ,,Пред Дождот" и ,,Прашина". Морам за првиов.

10/10 за сите. Во најбрзо време ќе пробам да изгледам то шо немам, а вашите предлози тука ќе бидат први на листата.

 

[zmija1]

Нашата Македонската Цинатемографиа нема многу филмови како српската или другите,и претежно преовладуват филмови со историско политичка социални мотиви . и обично крајот на филмот е со фаталистички несреќен крај итн.
од Филмови ќе ги издвојам
Тетовирање Среќна Нова 49 ама не ги рецензирам

На среќна 49 интересно започнува овај малиот пее песна за сталин

КОга гога стале за бој се спрема да прегази македонија ,проговара неговата мајка немој немој стале пуздер ќе фанат ќе те прават, и овај му вика нес се вели стале сталко стале , нас разум дал сталин велики крила ,и немој да си писнал за сталина оти уште таа работа не ее решена

во
борба македонски народе
ех македонски
југословени бе братсво единство му вика


Ќе го издвојам
Ангели на отпад од Димитрие Османли 1995

Време на плурализам млада демократиа семејство посткомунистичко во новиот систем на директори приватизациа нови избори ,пратеници мето јованоски комесар ви војната кој бил на голи оток поради што бил за сталина живааат во населба кај што ќе прават згради ќе се руши
и треба да му дадат нов стан ама тешко оди ги матката ги манипулират да гласат за новите партии да лобират за пратеници џокер еднио арсовски со bmw e30 ,мето јованоски има една стара лента од времето на сталин и како мини музеј и ја носи со себе ја гледа во кино да му ја пуштат
и со овај нискио глумец се карат овај му вика фашист другиот болшевист ,и ја рушат населбата на крај и прат некој циркуз како полу фантазиа и на крај изгоре циркузо ,главен глумец е исто и овај од нашата чудесна земја македониа глумецо од преспав. интересен филм за 1995

Во трите филма мето јованоски е како анти херој
Пикасо :
Друг филм со Перо Камиказе
Скопје урбана младина незнае што сака по кафиќи почетоци на првите кафулина као уметност цигари пиење по дома журки уште не дојден неолиберизмат ама навлегува полека,Голф 2 експлитицтна сцена со глумицата од приказните осумдесети

Drugiot

марика лета со авион
исто време само поинаков наратив со кили се прават нешто глуамт као фраери као мангупи со една стара кола караван opel као улична школа и сл филмот како вратиќе се роде секојдневна шема кафани женкса на крај овај кили загинва и толку краток некако 50 мин режисер борис дамевски од еднооки мислам и тоа е.

 

[Erich Zann]

Иако немам време периодов, би предложил ако не ви е гледан Јад од 75-та на Ценевски да си го пуштите. По мое страшен филм, би го рангирал во топ 3 од Македонија. Страшна екипа, глума и добра приказна.
Не толку познат и искомерцијализиран, го имам и друг пат предлагано на форумов, ама ретко кој ме послушал тогаш, па ни сега хихи

 

[Zlatikevichius]

31. Јад (1975)



Еве јас те послушав, @Erich Zann . И ми се допадна! Многу поразличен филм од сите други наши историски филмови, зашто дејството не е за време на турското ропство или НОБ, како што е случајот со повеќето наши филмови, туку во IX век, кога населението на Балканот мора да се бори и со византиските опресии од една страна, и со христијанските догми и празноверија од друга. Многу ми беа смешни верувањата и суеверијата, како на пример - кога го убиваа вампирот. Цело село се собрало, цел обред направиле за да убиеле вампир. Или, најјако од се всушност беше со вештерките: им ги маѓепсувале децата навечер, па затоа морале да ги најдат и да ги убијат. А процесот на наоѓање на вештерки: ја земаат жената (обично старица) и ја фрлаат в река. Ако се удавела - не е вештерка. Ако се спаси - вештерка е, и ќе ја убијат со каменување. Инаку, особено ми се допадна вметнувањето на библиските мотиви, особено приказната за Аврам и неговиот син (не се викаше Исак, до душа). Преубаво сценарио, со многу симболика, убави дијалози и перфектна глума. Штета што гледав една прелоша TVRip снимка од Наша ТВ, па не знам дали беше до неа, или навистина е така сниман, но на моменти имав проблем со кадрирањето: кадрите беа претесни некако, не знам како да го објаснам ова, но ми делуваше како да непотребно се користени close-ups во моменти кога има повеќе ликови во кадар, па ми делуваше претесен за сите. Исто - почетокот со сето тоа викање и галама ми беше конфузен и ништо не можев да чујам. Но знам дека делата на Ценевски се реставрирани, па ќе се обидам да го купам ова од Кинотека и да го гледам со подобра снимка, со можност и да порасне оценката. Вака, само одлични 8/10. Еден од поубавите и пооригиналните наши филмови, фала @Erich Zann за препораката. Немав намера да го гледам ова. Прв избор ми беа или „Македонски дел од пеколот“ или „Под исто небо“. Или евентуално реприза на „Пред дождот“ (по стоти пат) или „Прашина“. Во следна прилика.

 

[Zlatikevichius]

Завршивме со нашата ни драга Македонија! Иако имавме 2 недели на располагање, не очекував дека ќе го надминеме рекордот на изгледани филмови од Хрватска, но УСПЕАВМЕ! Новиот рекорд е (минимум) 33 филма! Минимум зашто од мислењето на @zmija1 не сфатив баш дали гледал сега некој од тие филмови кои ги спомнува, не сфатив ни кои се дел од филмовите кои ги спомнува и како ги оценил. Останатите:

@Mark Renton овојпат најдобар со 6 филма, средна оценка 10,00
@Zlatikevichius , @Filip Telford и @Варвара - по 5 филма, средна оценка 6,8 (без филмовите на @Варвара кои беа неоценети)
@Keyser - 4 филма, израмнување на неговиот личен рекорд, средна оценка 7,5
@Imperatorot - 2 филма, средна оценка 6,5
@devilko , @Shawn Spencer , @The Cooler King , @Violetova и @Darling (добре дојде во автобусот низ Европа) - по 1 филм, средна оценка 7,33

Или вкупно 33 филма, со средна оценка 7,72 со што нашата Македонија е највисоко оценета држава до сега.

@Dumbledore е уште е во Осло, @Shutmanga и @grande-juve во Лисабон, @moongoses во Софија, а @Corvus во Загреб. Се надевам ќе не стигнат.
_______________________________________________________________________
Стигнавме до крајот на првата десетка (првата петтина од државите во Европа). Како десетта држава, рандом генераторот ја избра:



ЧЕШКА 03.06 - 09.06.2022

Првиот чешки режисер и кинематограф бил (се надевам точно ќе ги транскрибирам имињава, ако не @Комита Ултрас , помагај) Јан Криженецки кој снимал кратки документарци во Прага во 1898. Првата постојана кино куќа била основана од Виктор Понрепо во 1907 во Прага. Првиот позначаен период од чешкото кино бил помеѓу двете светски војни, кога помеѓу најпознатите режисери биле Карел Ламач, Карл Антон, Сватоплук Инеман, Премисл Пражски, Мартин Фрич и Густав Мачати. Првиот чехословачки филм со целосно синхронизиран звук бил Když struny lkají (When the Strings Wailed) (1930). Малку постар филм, Tonka Šibenice (Tonka of the Gallows) (1930) бил снимен како нем филм, а подоцна во Париз било додадено аудиото.

Во 1933 било основано Барандов филмското студио кое направило вистински бум не само во Чехословачка, туку и во цела Европа, каде било и едно од најголемите филмски студија.

За време на Втората светска војна, многу предвоени режисери продолжиле да снимаат филмови, како: Отакар Вавра, Мирослав Цикан, Мартин Фрич, Јан Свитак (кој бил убиен пред крај на војната), Владимир Славински, и др.

По војната, многу проминентни чешки уметници ја напуштиле државата, затоа што биле сметани за колаборационисти на Нацистите. Во 1943 била основата Чешката филмска архива. Во 1945 целата филмска индустрија била национализирана. За време на овој период е снимен најгледаниот чешки филм на сите времиња:

- Pyšná princezna / The Proud Princess - Боривој Земан (1952)

Тоа е народна бајка која според Википедија ја гледале вкупно 8 222 695 луѓе. Филмот освоил награда за најдобар детски филм на фестивалот во Карлови Вари. Меѓу најпознатите филмови од 50-тите (најчесто фантастични и авантуристички филмови) се уште:

- Cesta do pravěku / Journey to the Beginning of Time - Карел Земан (1955)
- Dobrý voják Švejk / The Good Soldier Schweik - Карел Стекли (1956)
- Císařův pekař a pekařův císař / The Emperor and the Golem - Мартин Фрич (1951)
- Princezna se zlatou hvězdou / The Princess with the Golden Star - Мартин Фрич (1959)
- Vynález zkázy / The Fabulous World of Jules Verne - Карел Земан (1958) (познат и под неколку други наслови, кој се смета за најуспешен чешки филм интернационално, зашто веднаш по излегувањето бил дистрибуиран во 72 држави и имал забележителен успех насекаде низ светот).

Чехословачкиот „Нов бран“ најчесто се поврзува со делата на Милош Форман, Вера Читилова, Јири Менцел и др, иако делата на други, постари чешки режисери, како Карел Качина и Војтех Јасни се исто така сместени во оваа категорија. Тоа е правец од 60-тите години на 20 век, кога се снимени голем број на филмови од различни стилови, но сите ги поврзува некој стилизиран, авангарден пристап:

- Démanty noci / Diamonds of the Night - Јан Немец (1964)

но има и многу комедии, најчесто полни со импровизации, како:

- Hoří, má panenko / The Firemen's Ball - Милош Форман (1967)

Сепак, најчест мотив во филмовите од овој бран се апсурдноста, црниот хумор, и проблемите на обичните луѓе најчесто соочени со политички или историски промени. Најчесто биле инспирирани од италијанскиот неореализам и францускиот Нов бран.

Во 70-тите и 80-тите години на 20 век продолжуваат со работа некои од постарите режисери, како Отакар Вавра и Јири Менцел. Овој период во Чешка се нарекува „период на нормализација“, кога по Варшавскиот пакт само филмови кои од чешките власти биле сметани за „безбедни“ биле одобрувани. Класичната бајка:

- Tři oříšky pro Popelku / Three Wishes for Cinderella - Вацлав Воричек (1973)

станал Божиќен класик не само во Чехословачка и некои други источно-европски држави, туку и во Германија, Швајцарија, Шпанија, Шведска и Норвешка.

Дури 9 чешки филмови биле номинирани за Оскар за најдобар странски, а 3 го освоиле Оскарот:

1. Obchod na korze / The Shop on Main Street - Јан Кадар и Елмар Клос (1965) - ОСВОИЛ ОСКАР
2. Lásky jedné plavovlásky / Loves of a Blonde - Милош Форман (1965)
3. Ostře sledované vlaky / Closely Watched Trains - Јири Менцел (1966) - ОСВОИЛ ОСКАР
4. Hoří, má panenko / The Firemen's Ball - Милош Форман (1967)
5. Vesničko má středisková / My Sweet Little Village - Јири Менцел (1985)
6. Obecná škola / The Elementary School - Јан Сверак (1995)
7. Kolya - Јан Сверак (1996) - ОСВОИЛ ОСКАР
8. Musíme si pomáhat / Divided We Fall - Јан Хребејк (2000)
9. Želary - Ондреј Тројан (2003)

Два други филма предложени од Чешка за Оскар за најдобар странски филм, се сеќавате, ги гледавме во Клубот:

- Šílení / Lunacy - Јан Шванкмајер (2005)
- Nabarvené ptáče / The Painted Bird - Вацлав Мархул (2019)

За тие кои ги немаат гледано препорака да не ги гледаат.

2 филма од Чешка имаат влезено во кратката листа од 9 филма пред номинацијата за Оскар:

1. Nabarvené ptáče / The Painted Bird - Вацлав Мархул (2019)
2. Šarlatán / Charlatan - Ањешка Холанд (2020) - гледан, ОК е, ама не е нешто од што ќе паднете на газ.

И секако, за наајдобар филм во Чешка на сите времиња неколкупати е прогласен:

1. Marketa Lazarová - Франтишек Влацил (1967)

Освен сите погореспоменати, еве уште некои листи кои ќе ви помогнат во изборот:

Czech
Czechoslovak New Wave
Czech submissions for the Academy Award for Best International Feature Film
The Top 300 Czechoslovakian films (as rated on CSFD.cz)
Highlights of Czech Cinema
Top 100 Czechoslovakia Cinema
Czechoslovakian Cinema
The Criterion Channel | Czechoslovak New Wave
Czech Fairy Tale Movies
Czech Horror
Czech animation

 

[Shawn Spencer]

Го имам гледно Vrchní, prchni! - го препорачуваше директорот на Кинотека, али онака просек ми беше.

I Served the King of England го имам гледано одамна и ми се свиѓал по оценава, Kolja ми бил океј филм, али на The Good Soldier Švejk сум се газел од смеење. И на двата дела и ги препорачувам.

 

[Комита Ултрас]

Извинете што немав многу време да ве дружам на темава иако пријавив учество на почетокот. За Чешки филмови, полесно барање користете го нивниот хардкор IMDB - ČSFD.

Divided We Fall, е одличен филм како Pelisky на истиот режисер. Tichá bolest е исто така еден од поубавите што ги имам гледано, исто и The Good Soldier Švejk.
The Painted Bird секако би го одбегнал

Инаку она што не ми се допаѓа кај Чесиве е што се горе доле ко нас утепани и со години ги обработуваат истите тематики ко ние со Комити и Турци. Се подоправија во последниве 10тина години.

 

[Zlatikevichius]

И мене ми е гледан Kolya, и иако оценет со само 6/10, од сите чешки филмови гледани до сега тој ми има оставено најсилен впечаток. За Lunacy и The Painted Bird веројатно знаете по Клубот - не ми се допаднаа, а Charlatan така-така, ама не е ништо посебно. Толку имам се на се, 4 гледано.

Во план ми се:
-Fantastic Planet (зашто кога ќе дојде Франција нема да можам да го гледам, таму има огромен избор)
-една од бајките, обавезно!
-Marketa Lazarova
-колку можам повеќе од тие номинирани за Оскар.

Со 4 филма од тука би бил презадоволен.

 

[Варвара]

Јад (1975)

Мислам дека досега не сум гледала филм за овој период од средновековието, не па на овие простори, така што ми дојде како убав приказ зошто се кршеле копја. За некој кој не го интересираат вакви теми претпоставувам дека ќе е малку досаден и/ли развлечен. Мене ми е интересно да фаќам пагански ритуали ама тука завршувам, барем на некое време. Се надевам дека нема да изнајдам некој чешки, па да ја продолжам низата.

Види ја ти неа (2017)

Имам впечаток дека краткометражните филмови не ни се најјака страна. Раштркани, избрзани и недовршени, барем она што сум изгледала. Овој не е дел од нив. Пред Петрунија и Сестри беше Види ја ти неа. И види ја, indeed. Женскиот бунт го разнишува поредокот на паланката. Бесот во очите на Сара, инаетот и истрајноста на нејзиниот лик, мотивацијата која ја води, сето ова прави поврзана целина до последната минута. Ако треба да му препорачам наш филм на човек кој не гледа (македонски) филмови, дефинитивно би одела со овој.

Врба (2019)

Се потепав да стигнам до карти за премиера за да дремам два саати. Дремев и вчера, не знам зошто мислев дека ќе е поразлично. И покрај тоа што темата е својствена за Манчевски, не достигнува никаква кулминација. Завршува и мислам „океј...и?“ Не е дека нешто пропуштам, приказната е таа и е прилично едноставна. Празен филм кој не го оправа ниту формата, ниту техниките, ниту Мариово, ниту обредот на Говедар камен.

Кажав дека тешко ми е да оценувам, но без двоумење можам да си кажам кој филм ги заслужува сите ѕвездички, а кој (ниту) една. Не знам што ме натера да отворам imdb. Сега одам тивко да плачам во некое ќоше по сознанието дека делат ист рејтинг. Штом завршам, ќе го пуштам Loves of a Blonde.

 

[Erich Zann]

Јад (1975)
Прегледај го приврзокот 334321
Мислам дека досега не сум гледала филм за овој период од средновековието, не па на овие простори, така што ми дојде како убав приказ зошто се кршеле копја. За некој кој не го интересираат вакви теми претпоставувам дека ќе е малку досаден и/ли развлечен. Мене ми е интересно да фаќам пагански ритуали ама тука завршувам, барем на некое време. Се надевам дека нема да изнајдам некој чешки, па да ја продолжам низата.

Види ја ти неа (2017)
Прегледај го приврзокот 334320
Имам впечаток дека краткометражните филмови не ни се најјака страна. Раштркани, избрзани и недовршени, барем она што сум изгледала. Овој не е дел од нив. Пред Петрунија и Сестри беше Види ја ти неа. И види ја, indeed. Женскиот бунт го разнишува поредокот на паланката. Бесот во очите на Сара, инаетот и истрајноста на нејзиниот лик, мотивацијата која ја води, сето ова прави поврзана целина до последната минута. Ако треба да му препорачам наш филм на човек кој не гледа (македонски) филмови, дефинитивно би одела со овој.

Врба (2019)
Прегледај го приврзокот 334319
Се потепав да стигнам до карти за премиера за да дремам два саати. Дремев и вчера, не знам зошто мислев дека ќе е поразлично. И покрај тоа што темата е својствена за Манчевски, не достигнува никаква кулминација. Завршува и мислам „океј...и?“ Не е дека нешто пропуштам, приказната е таа и е прилично едноставна. Празен филм кој не го оправа ниту формата, ниту техниките, ниту Мариово, ниту обредот на Говедар камен.

Кажав дека тешко ми е да оценувам, но без двоумење можам да си кажам кој филм ги заслужува сите ѕвездички, а кој (ниту) една. Не знам што ме натера да отворам imdb. Сега одам тивко да плачам во некое ќоше по сознанието дека делат ист рејтинг. Штом завршам, ќе го пуштам Loves of a Blonde.

Marketa Lazarová (1967) ⭐ 7.9 | Drama, History, Romance

2h 42m | Not Rated

www.imdb.com

Овој тогаш
Епик филм, го гледав пред некои 10-тина години, Бела Тар, Тарковски, Бергман, три во едно уживање.
Нешто ко Јад, само чешки и така тро позабеган.

 

[McLovin]

Имам изгледано неколку чешки филма, одлична глума. If u know what i mean