Прво, никој не кажа дека за Вардар навива цела Македонија, туку дека Вардар е гордост на Македонија, најголема зошто никој ниту во наредните 100 години не може да му се приближи, кога збориме од спортски аспект. И тука барем да не дискутираме.
Клуб на народот, не е бидејќи ЦЕЛ НАРОД го подржува, туку дека во овој момент клубот е управуван токму од народот. Народот обезбеди плата, народот обезбеди изградба на теренот, лекарски прегледи, лиценца, припреми. Се обезбеди народот преку навивачите кои се сега субјект во клубот. НЕМА УПРАВА - ние сме.
Хајдук кој толку го фалиш (И е за фалење, да не се разбереме погрешно, браво за дечките), покрај целиот менталитет и посветеност му требаше неколку години да стигне до ова што е сега, во однос на членските/сезонските.
Манијаци исто така започнаа пред 1-2 години слична спортска приказна, која полека фаќа замав. Види колку беше сето тоа поскромно на почетокот, а каде се сега. Да народот се аомнева, чека прво резултати и најчесто доаѓа кога веќе е јасно дека нешто ќе успее. Но тоа е што е, тоа е менталниот склоп и не може да се промени. И тоа е одлично, кога ќе се земе во предвид, во какви услови егзистира спортот.
Е Вардар започнува таква една приказна.
Ние започнуваме голема долга приказна. Сега сме на почеток и јасно е дека ќе има милион препреки. Ама знаеме дека ова е патот по кој треба да тераме и единствено што е важно, е да не се откажеме. За неколку години верувам дека со чесна и напорна работа, ќе ги добиеме посакуваните резултати.
И не споредувај градови како Сплит и Скопје. Сплит има доминатно домашно население, и поради тоа пред се е цврсто задржана генерациската врска, а со тоа и сите вредности и традиција кои се негуваат.
Скопје е транзит град за жал, како и сите главни. Луѓе доаѓаат по работи, си одат. Доволно е да прошеташ летово и да разбереш дека ЖИВО ПИЛЕ нема останато. Имаш поента, но погрешна ти е појдовната точка. Комшиите ми се менуваат како чорапи и затоа е стварно глупо да споредуваме бројки, кога се е толку релативно по тоа прашање...
