Одамна не одиграле толку лошо како вечерва по голот на Пике. Честитки за Реал, тоа е тоа, мора да гледаме напред. Сепак заморот го прави своето, многу натпревари одиграа, па и Јужноамериканците играа тешки квалификациски мечеви. Меси изгледаше преморено. Суарез и Нејмар не личеа на себе со оваа игра.
Овие две недели се клучни за сезоната, се надевам нема да паднат сега во играта. Но, ако одиграат вака во вторник, тешко ќе направат нешто со Атлетико. А и мора конечно да се скрши малерот со гостувањата на Сосиедад. Ако победат со нив, мислам дека титулата е освоена. Но, ако пак загубат таму, веќе до крај се’ е можно.
Инаку по ова вечерва мора да се спомене и уште еден голем проблем. Реално гледано, моментално Барса нема добра клупа. Во финишот и да сакаше Лучо нешто да смени, на клупа немаше ниту еден играч кој би направил разлика. Мора летово да купуваат, пред се’ квалитетен резервен напаѓач и барем уште еден квалитетен фудбалер од средината.
