Можда си во право за Албанија, ама јас во принцип не ги сакам многу тие “сплет на околности“ аргументи, зошто, потенцијално, можеш сечиј успех да го објасниш на тој начин и да го релативизираш. Факт е дека завршија втори во група со Португалија, Данска, Србија и Ерменија, сите сериозни селекции. Факт е дека, со оглед на квалитетот на нивниот тим, одбраната им го донесе резултатот, кој е над нивното реално ниво. А изиграа и на првенствово два блиски натпревари, од кој еден со голем фаворит за првенствово. Али да ја оставиме Албанија на страна.
Полесно е да чекаш противникот да направи нешто, единствено ако си гледач
, и крајниот резултат од неговиот обид не ти влијае битно на тоа што ти сакаш да го направиш, ама фудбалот (и скоро сите тимски спортови) се таков тип на игра што, кога твојоот противник успева нешто да добие, ти тоа нешто го губиш. Ако некој успее да те издрибла и да му избега на маркерот, тоа значи дека тој е во подобра позиција да даде гол од претходно, а ти си во полоша позиција да примиш гол од претходно.
Ако претпоставиме дека двата тима се еднакви, со еднаква намера стартуваат и двата сакат да победат, тогаш е полесно да бидеш тој што напаѓа, зошто ја имаш иницијативата, имаш можност да го промениш статус квото, да ги промениш околностите во натпреварот. Тој што се брани го нема тоа, баш зошто не ги диктира условите. Напаѓачот може да има неограничен број на обиди и доволно е само еден да му успее за да ја оствари целта, тој што се брани доволно е само еднаш да не успее да се одбрани за да не ја оствари својата цел. Затоа иницијативата е толку битна, особено во спорт како фудбалот кој е многу пофлуиден од другите и со помалку прекини, Затоа и толкава вредност му се дава на поседот на топка, особено во денешниот фудбал.
Цените на пазарот, не се многу индикативни , за која вештина е потешка да се најде, според мене. Повеќе има врска со тоа какви се условите и каква е природата на фудбалскиот пазар. Нема баш некој општо прифатен начин како да го измериш аутпутот на играчите и ефектот врз перформансот на тимот, за да може точно да бидат вреднувани според тоа колку се корисни играчите за играта на тимот. Повеќе фактори се во игра и да најмногу се сведува на психологија.
Прво, меѓу клубовите цената најчесто се формира на субјективно вреднување, каде најчесто има bias кон напаѓачите. Кај напаѓачите се приметува колку голови дале, кај дефанзивците колку голови примиле. Второ, напаѓачите имаат поголема индивидуална вредност, добар напаѓач може сам да ја смени напаѓачката игра на својот тим, како индивидуалец, само со неговите квалитети. Дефанзивецот многу повеќе зависи од тимот околу него и системот кој што се игра, за воопшто да биде ефективен и квалитетот да дојде до израз. Исто, во денешен фудбал маркетиншката вредност на напаѓачите е многу поголема, попрепознатливи се, повеќе остануваат во меморија. Па затоа кога го купуваш Роналдо не ги купуваш само неговите фудбалски квалитети, туку и Роналдо како рекламно пано, имиџот на Роналдо, спонзорите на Роналдо. Се тоа си има влијание врз цената. За да се види дали стварно толку поретки и потешки за наоѓање се напаѓачките вештини, за цената да биде поголема, треба да се види дали истото важи и во младинскиот фудбал и по која цена се купуваат таму играчите, а мислам дека таму нема скоро никаква разлика.
И на крај еден едноставен одговор на едноставно прашање.
Послаб тим се фокусира на одбрана не зошто е полесна туку затоа што така го намалуваат ризикот да примат гол, на најдобар начин, со оглед на тоа што на послабиот тим, најчесто, нерешениот резултат многу повеќе му одговара отколку на посилниот тим, Натпреварот почнува со 0-0, на тој што повеќе не му одговора така и да заврши, треба да преземе поголем ризик. Всушност тоа е и единствениот начин да можат да нападнат, кога посилниот тим го трга фокусот од одбраната. Најчесто тоа и не е некаква добра одбранбена игра, туку само ставање на што повеќе тела и на поблиско растојание едни од други, помеѓу топката и голот. Другата варијанта е да пробаат да се натпреваруваат за топката, што најверојатно нема да успеат бидејќи се понеквалитени, што би било глупо.
И на крај, мојот став не е дека дефанзивата е потешка од офанзивата, туку дека се подеднакво тешки, ако ги играш на највисоко ниво. Две страни на паричката.
