Збориме за стереотипи, збориме за copy-cats, збориме за новите богови...Збориме за 20-от и 21-от век.
Човекот од своето свесно познание и почетокот на историјата која што ја познава му се поклонува само на еден и единствен Бог наречен егзистенција, она што ќе му помогне да ја преживее „џунглата“ и да се добијат потребните објаснувања е она на кое му се гради внатрешен храм, дали тоа ќе биде карактер од лоша серија или Алберт Ајнштан со својата теорија за релативитет која што дава утеха дека ништо не е статично, воопшто не ја менува позицијата на тоа каде треба да му се принесат жртви на врховното божество.Премногу е банално да се потенцира дека има нови Богови, затоа што тоа е се еден круг кој што си го менува името според модата, не е ново, оригинално и свежо измислено.
Патем, самиот поим Бог е премногу истероризиран од страна на јавното мение, исто како што поимот идол го загубил своето првично значење под влијание на модернизацијата, така и др. Хаус се претворил во карактерен тип на нов конзумер и потрошувач кој што е мизантропски настроен кон се што може да го опипа пулсот на животот.
Искрено, смешни се новите пронихилисти, исто како што е смешна констатацијата дека сега почнале луѓето да се реплицираат од една чудникава смеса на оригинална копија наречена Доктор.
А, ако нешто, низ овој период, е доведено до презаситеност и баналност, тоа се сите теории кои се базираат единствено на мотивот да ја докажат "неподобноста" на Исус и неговото учење. Всушност, и самиот главен лик од серијата, не пропушта епизода за да не потесети на тоа, а и ни се презентира како супститут на секоја, па и христијанската религија.
Христијанската религија од друга страна е најголемата престава и фарса во која што човештвото земало главна улога.Црквите и свештените лица се истрошен материјал и ако некој може да го најде тоа за погодно да направи пари на него тогаш треба да му се пише петка на рачето затоа што сите се трудат да заработат на овој или оној начин.Кога тоа можела да го прави елитната бранша од Богови посланици, тогаш одлично што некој го искористил и го скоцкал во серија за утеха на младите атеисти пораснати да веруваат само во моќта на човекот и неразбирањето на истата.
Маркетингот е оној што се плаќа, Исус е комерцијализација, најуспешната до сега, каква пародија, забавна.
На почетокот тоа било, со Ниче и Фројд, револуционерно ослободување од стегите, денес веќе комерцијала, која иде накај својата декомпозиција, или залез.
Тоа е нормално, правилно и има свој тек, ако теориите не заминат на време тогаш нема да има простор за новите да се напишат и измислат, крајно, се станува некој вид или подвид на комерцијала кога неговите првични потрошувачи ќе се заситат од неговата уникатност и ќе го продадат за да направат публицитет и/или пари.
Христијанството ти е најдобриот пример за тоа, Савле се продаде и стана Павле, Исус проповедаше и стана славен примерок за тоа како еден пророк треба да си заслужи името да му се велича и валка за тоа што го направил.
Што, персонифицирано во Исус и неговото учење толку гневи?
Какви алтернативи му создаваме?
Итд, итд.
Гнев?
Не, не, не можам да дадам толку голем примат на обична идеологија која што ја сметам за дополнителен и безпотребен товар кој што ја десекцирал духовноста во име на догмата и религиската контрола која што колку и да се оправдува и негира од страна на „модерните“ христијани е толку силно врежана во кодот што е смешно, а Исус и неговото сите треба да се сакаме е предвремена хипи теорија на која што и фали уште реална можност за сите да станеме one big happy bowl of joy.
Не пресонифицираме, барем не јас, јас си давам за право како човечко суштество да се забавувам, пошто ете понекогаш ми е чисто само ќеиф.
Политичариве, застануваат на говорница и викаат ние ќе ве однесеме напред, оно војни. Правниците ќе те стрпаат у затвор невин за 20% провизија. За 30% ќе те стрпаат па ќе те извадат од затвор. 
Прво треба да признаам дека Исус воопшто некогаш одел по земјата, а потоа да признаам дека бил лажливо копиле.
