Ти сериозен си или се зафркаваш?
Барам публикација стручна од стручњаци кои спровеле статистичко истражување по оваа проблематик а не тоа што пишува во медиумите за масовно информирање, каде и онака 50 % од работите се искривени, измислени и неточни. Имено што има врска проституција, хомосексуалност, рок музика со атеистите, ова ти е предрасуда.
Сето она е изведено од научни публикации. Ете види на дното од првиот линк ќе видиш еден куп на научни институции кои ги проучувале ефектите на хомосексуалната ориентација врз животите на луѓето.
Втора работа светената вода има исто дејство како и молитвата. Како функционира односно како се ефектуира можеш да откриеш во психологијата кои претпоставки се поткрепени со неуробиолошки испитувања.
Така да дај ми ти стручно изведена статистика во стручно списание за такви работи а не нешто од кој и да било весник или медиум за масовна употреба.
Ајде молитвата да ја кажеме е дело на психологијата кога станува за сами за себе, ама како се докажува делотворноста на молитвата кога човек се моли за некој друг и тој не знае за тоа. Од друга страна осветеноста на водата влијае на физичкиот свет. Пример осветената вода уништува бактерии, дали тврдиш човековата психологија има моќ да ги убива бактериите. Ако има таква моќ зошто тогаш не ги убива настрана од верувањето во Бога.
Се што е изложував е од научни публикации, а ти продолжи да се користиш со секој можен изговор само да не признаеш.
Впрочем уште од стартот реков емпириските докази можат да одат и во двата правци, затоа за вистината не одлучува одделно испитување туку ако тргнуваме од аспект на рациото битно е вреднувањето на целокупноста што го прави само филозофијата која генерализира, а не одделните науки кои одат во продлабочување и ја откриваат вистината но никогаш целосно оти зависат едни од други.
А не ли ти падна случајно на памет дека во побогатите земји се има подобро образование за разлика од посиромашните земји каде образованието е далеку послабо, па да се вратеше на тоа што ти самиот го кажа дека има повеќе атеисти кај подоброобразованата популација отколку кај сиромашната.
Како што гледаш ми паднало на памет дека се пообразовани, ама ми паднало и напамет дека имаат поголем број на самоубиства, што значи помала желба за живот, поголем број на срцеви заболувања, поголем број на разводи, поголем број на психолошки заболени, депресивни, незаинтересирани за семејство, повеќе стресови, поголема осаменост и тн. Зголемувањето на неверувањето со зголеменото богатство и можам да си го толкувам и со човечката неблагодарна природа да како што се чувствува лажливо сигурен така и го заборава Бога. И како што го зголемува образованието така му расте лажната самоувреност дека нешто знае, ако само нешто приучил. Но исто така знам дека оние врвните образовани, оние од прва класа низ човековата историја повеќето верувале во Бога.
Не мораш толку да должиш основната разлика е тоа што ти веруваш во тоа дека материјата/енергијата потекнува од идејата, јас не верувам ниту во тоа дека идејата потекнува од материјата/енергијата ниту во тоа дека материјата/енергијата потекнува од идејата, туку едноставно ги вршам моите испитувања под претпоставка дека материјата е прва, до сега има многу докази како материјата/енергијата може да создава идеи, ама сеуште нема пример за идеја да создаде материја/енергија.
Ова е веќе подобро,
имаш претпоставка, а не
тврдење дека „БОГ НЕ Е ВО ПОЗАДИНА на светот.
Но Бог не е идеја, ниту Небесниот свет кој впрочем е нешто како крило на Бог во кое престојуваат душите. Небесното Царство е „простор“ на токовите кои извираат од Бог со кои „се хранат“ и осветуваат стремежите на богостворената човечка душа. Затоа и изразуваме таква почит кон Небесното Царство бидејќи тоа е непосредно престојување во Бога.
За да те побијам прво треба да фатам и да ти ги објаснувам работите кои наведов дека не ги владееш толку добро и не ги разбираш толку добро. Извини ама навистина немам време да држам предавања тука.
Ај направи обид оти вака изгледа дека не можеш да ме побиеш.
Не мораш да ми ја кажуваш интерпретацијата на хипотезата за биг бенг преку библијата, стопати до сега ја имам слушнато.
И покрај таа интерпретација нема до сега ниту еден физички доказ за хипотезата дека господ е должен за почетокот на универзумот.
Во извесна мера теориите на релативитетот, квантната теорија, суперстрингс го потврдуваат Божјиот прапочеток. Самите нивни откритија за неверојатната трансцеднентност на светот укажуваат на трансцендентноста на Изворот на светот. Пример: секоја честичка си има свое одвоено од времето на постоење, со своја брзина и со непремостливост на поврзување на времињата на одделните честички. Тие не постојат истовремено иако ние ги детектираме „истовремено“. Искривеност на просторот. Движењето не постои во за нас познатата смисла, одредувањето зависи не од реалноста туку од одредувачот и тн. Сите овие можам да ти ги поврзам со теистичкиот концепт на светот, а не можат да се поврзат со атеистичкиот концепт.
Но ќе се вратам назад и да нема физички доказ и нормално е дека ќе нема се до крајното дешифрирање на светот од кое сме мнооогу далеку, филозофскиот доказ ни дава можност да се открие вистината за почетокот уште пред да се дојде до физичкиот доказ.
И ти свати дека истот го кажуваш само други зборови, тоа што го кажуваш едно и единствено е исто со бесконечно.
Се согласувам дека тоа е така. Но и истовремено е бесконечно но истовремено бесконечноста губи смисла, што значи повторно спојување на спротивни нешта што е соодветно на човековата еднонасочна ограниченост да ги спои двете страни на медалот. Човековиот разум може да гледа само од една страна.
Јас го кажав моето гледиште ама изгледа треба да го повторам по незнам кој пат. Науката во моментов се обидува да ги разбере и дефинира сите одлики на енергијата/материјата односно евентуално да го открие потеклото на тие одлики или потеклото на самата енергија. Дали енергијата е створена од некоја идеја или битие, дали само преку негова идеја дали преку негова манипулација, дали енергијата потекнува како последица на некои други причини во кои нема „господ“, не знам. Тоа сега се испитува, останува да се види. А јас сум помирен со можноста да не дочекам да се одговри прашањето од каде потекнува енергијата или пак од каде потекнуваат нејзините својства, и немам ама баш никаква потреба внатрешно да верувам во која и да било можност или хипотеза, бидејќи кога некоја хипотеза ќе биде добро поткована со докази ќе стане теорија (најверојатна вистина). Која е правата вистина и онака никогаш нема да дознаеме.
Добро но ова е веќе признавање на можноста дека Бог можно е да постои. Затоа не ги напаѓај верниците, затоа што како што гледаш науката не може да го отфрли тоа сосема. Вистинскиот научник сфаќа дека за да ги разбере што покомплетно работите треба да ги сфати не само од високоинтелегентна позиција high level, туку да ги погледне и од нискоинтелегентна позиција low level. Бидејќи и двете позиции ќе откријат вистини. Вистинскиот научник нема да ја отфрли мудроста на овчарот кој исто така има право на откривање колку и тој научникот. Артикулирањето на вистината на селанецот е застарено но тоа не значи дека е неточно. Впрочем не е важно дали имаме милиони докази или на пример 10 докази. Битно е правилното размислување, а не бројот на доказите. А секој од нас сигурно располага со многу повеќе од 10 докази за да си ја открива вистината. Ако математиката е наука, ако физиката е наука, зошто внатрешното испитување на состојбите на духот да не биде наука. И ако во надворешната наука ние сме зависни и треба да чекаме со векови за нови откритија во внатрешните испитувања ние сме господари односно ги имаме на располагање сите информации како што Бог ги има за макрокосмосот.
Јас ова ти го ставам како предупредување од тоа што сум видел како други реагираат на слични појави, јас нема да бидам тој што ќе те гони и етикетира, тоа ќе бидат другите верници на форумов.
Може со одделни верници за подетални прашања би се расправале но за глобалните прашања и со верници од други вероисповеди би се разбрале. Впрочем за овие теолошки антиатеистички прашања верските институти соработуваат меѓу себе во своите откритија независно од вероисповедта.
Тоа не го знаеш, а не го знам и јас, нема материјален или природен доказ за тоа дека природата неможе да постои без божја предвечност.
И тука останува ти да си веруваш во тоа дека не е можно, а мене ми останува тебе да ти кажам, јас немам потреба да верувам, туку ако имам материјален доказ за тоа дека можам да ти потврдам дека е точно односно да ти кажам дека не е точно тоа во што ти до тој момент си верувал дека е точно.
Јас уште во првиот пост се искажав, ние не можевме да најдеме доказ и потврда за Бога. Но Бог ако постои може и би требало да ни најде начин да ни потврди. Само заради испитувањето Бог комплетен и несомнен доказ не и го дава на целата човечка заедница, туку му се докажува само на поединецот. За да го стори тоа Бог, поединецот треба само да го праша и да се вети дека ќе биде верен ако му даде доказ, ако му се открие. Така што се што ти или било кој кој што сака да открие дали Бог постои треба само да Го праша. Ако не му одговори тогаш е слободен од обврската да верува. Но луѓето не сакаат да го прашаат од страв дека ќе му одговори и тогаш мислат дека не ќе можат да уживаат. Тоа е глупаво бидејќи откритието на Бога носи вистинско поквалитетно уживање од телесното, слобода, целосна безбедност, смирување, полна смисла на животот.
Тука веќе покажуваш дека се плашиш од апсурдот на животот. Но од моја гледна точка животот е процес кој се одвива и по некое одредено време ќе престане. Односно многу веројатно смислата на животот и нашето постоење е едноставното константно зголемување или одржувањето на истот ниво на ентропија во некои поголеми размери. Ама не се знае може таму има уште многу неоткриени работи и законитост кои ќе го сменат смисолот на постоењето на живот.
Како и да е многу малку се знае сеуште за да може да се каже дали навистина тоа е смисолот на постоење на живот или не.
Со други зборови, јас сум од тие кои истражуваат, а ти си еден од тие кои се откажале од истражување во материјалниот свет и си се оддал на верување во некои идеи кои постојат во твојот идеен свет.
Јас сум помирен со фактот дека никогаш нема да знам се, а изгледа дека твојата желба а знаеш се а неможеш да знаеш се те натерала да си создадеш верување дека знаеш се преку постоењето на семоќен и сеприсутен бог преку кој се си објаснуваш и интерпретираш.
Бесмисленоста е разочарувачка за секого. Самото постоење на разочарувањето од бесмисленост потврдува дека смислата ни е потребна. Односно животот мора да има смисла, а каде ќе ја лоцираме смислата ако не во Бог. Ако нема стремеж и радост поради нешто (Некој) Свето и Добро, дали има смисла да се стремиме да го бараме и да го правиме во животот. Бесцелен е опстанокот само заради опстанок. Ете ти нов атеистички апсурд. Ги има безброј.
Не се надевај дека некои нови откритија ќе донесат нешто суштинско. Човек затворен во 4 ѕида и човек кој освоил една Галаксија имаат ист број на податоци на располагање, а тоа е бесконечно многу. Не се битни бројот и квалитетот на информациите, дури и од едно љубовно романче може да се учат космички вистини доколку се бараат. Битно е правилното размислување за да се открие вистината. Можеше да видиш досега дека ни приближно не сум застанал во испитувањата, само суштината веќе сум ја открил но имам бескрајно многу нешта да учам од формалноста. Но суштината и формалноста се обединети и се со исто значење. Така како духовно смирен и задоволен со откриената суштината имам гарантиран минимум секогаш да бидам среќен и задоволен, а со формалноста и можност за повеќе од среќен и задоволен.
Сигурно и ти ако ти се понуди можност да знаеш се и ти би ја прифатил таа можност. Верувам дека паметни луѓе осознаваат дека одењето по еднонасочната патека на разумското сознание не можат да знаат се, затоа бараат странична можност за да се открие се. Што значи грешиш дека не може да се знае се. Ако се оди по една бесконечна линија од точка на точка, бескрајно ќе одиме по неа мислејќи дека моменталниот тренд е подобар од она претходно и дека ќе ни ја открие вистината. Ама одењето ќе биде вечно барање дури и без да знаеме зошто. Затоа наместо да се оди по линија се отстрануваш од страна за да се погледне линијата во целина. Разумот оди по таа бескрајна линија, а духот нема ограничувања ја фаќа целината. Затоа побарај ги вистините не САМО со разумот туку и со духот.
