30 Day Book Challenge

[Dumbledore]

Ваков предизвик има и во Музика и во Филм, па зошто и да не си поиграме малку и во Литература!

Правилото е едноставно, секој ден редоследно, се исполнува предизвикот кој се бара за тој ден.

Да почнеме!

Ден #1...the last book you finished

"Дамски гамбит" од Волтер Тевис во издание на Арс Ламина, по која има истоимена серија на Нетфликс во главна улога со Ања Тејлор Џој.

Спојлер

Како што ме освои серијата, така ме освои и оваа книга. Со напомена дека оние кои не се љубители на шах можеби нема да им се допадне затоа што има многу референци за оваа игра.

 

[Violetova]

Ден #1...the last book you finished

Дејан Цветковски: „Три живота“

 

[Harald]

aj da probam, posto site prethodni predizvici gi propustiv

Day #1- the last book you finished
The Psychology of Money - Morgan Housel

Interesni razmisluvanja za parite i psihologijata povrzana so niv, generalno lesna za citanje
sporedeno so drugi knigi na ovaa tematika.

 

[Darklady]

Day #1- the last book you finished

Писмата до Милена - Франц Кафка

Главниот лик е Милена Јесенска, еден портрет на жена која му го окупира целото негово внимание. И покрај неговиот став кон жените Книга која прикажува една исклучителна, самостојна интелектуалка, која го фасцинира Кафка.
Прекрасна книга, која прави да се чувствувате како воајер, затоа што ѕиркате лично во нивните животи, преку овие писма.

Во издание на Артконект

Спојлер

 

[Aceso]

Day #1- the last book you finished

Бронзениот коњаник - книга 1
Паулина Сајмонс

Хм, книгава случајно заврши во моите раце а ја ко луда сакам да читам книги со содржина од периодот на втората светска војна. Армијата на Хитлер ја напаѓа Русија. Дејствието е во Ленинград и се вртка околу едно петчлено семејство, со посебен акцент на забранетата љубов меѓу Татјана (помалата од двете сестри) и Александар (млад офицер во Црвената армија). Забранета љубов, зошто тој истовремено е и избраникот на нејзинара постара сестра Даша.

Лесна книга, брзо се чита. Ми се допаѓа, ќе идам и на втор дел.

 

[Zlatikevichius]

Day 01 - The last book you finished



Шепнувачот - Донато Каризи

Не сакам и не читам трилери. Ме убедуваа дека божем ова ќе ми го сменело мислењето. Јок! Не ми се допадна. Инаку, веќе не ни памтам кога беше ова, во 2022 се уште немам прочитано книга.

 

[Saladin]

Day #1 Last book I finished.... hmmm let me check...
Одамна не сум завршил една книга поради хаотичниот период во кој се наоѓам. Почнувам навистина солидни парчиња литература но по одреден краток период губам секаков интерес да ги продолжам и така се губам во шумата на начнати книги. Како и да е...


Ишигуро ми е еден од најомилените современици што сум наишол во последно време. Но, книгава не ми легна баш. Прв пат би рекол дека сум по малку и разочаран од начинот на кој што е пренесена мислата. Претенциозноста да се направи роман во некаков „средновековен“ стил (кој ми е еден од поомилените историски периоди) ја утепува длабоката едноставност која е препознатлива кај Ишигуро. Па уште и вметнувањето на магичниот реализам... Не ми легна ама ич. Ако би препорачал дело кое би можеле да го прескокнете како љубители на неговиот пишан збор, ова би било сигурно. 2/5

 

[Варвара]

Day 01 / The last book you finished: „Траума и закрепнување“ - Џудит Луис Херман

Темелна споредбена студија за траумата на жените - жртви на сексуално насилство и трауматското искуство на воените ветерани. Преку нив, Херман која е клинички психолог, ги дефинира основните стадиуми на лекување.
Долго време ми стоеше на полица зашто ретко се фаќам за нефикција, но и покрај непријатноста на темата, ја исчитав релативно брзо. Немав чувство дека читам строг, научен труд - авторката има приемчив израз и теоретскиот дел постојано е надополнет од практичното искуство на многубројните извори. Одлична!

 

[Darklady]

Day #2 - The book that you're reading right now

 

[Aceso]

Day #2 - The book that you're reading right now

 

[Dumbledore]

Ден #2...the book that you're reading right now

Конечно се подослободив од психолошкиот хорор и си решив да си земам некое полесно трилерче, кое сега за сега ветува и ми го држи вниманието.



Алтернативата (спојлер) е малку потешка книга која 5-6 години ми стои на полица, еднаш доби шанса и ми беше тешка за читање, но после "Џокер" ја гледам со поинакви очи. Крајно мрачна и депресивна, ремек дело, ќе почнам од почеток, а не од таму каде што застава пред 5-6 години. Ќе се обидам двете да ги прочитам до Саемот. Така после Гарднер следува Бел.

Спојлер

 

[Zlatikevichius]

Day 02 - The book you are reading right now

Уфф, многу. Имам почнато минимум 5 книги. Ај од со оваа ќе идеме.



Село зад седумте јасени - Славко Јаневски

Првиот македонски роман, инаку, за тие што не знаат.

 

[Violetova]

Day 02 - The book you are reading right now

Влатко Поповски: „Потопени во воздухот“

 

[Saladin]

Ден #2. Книга која моментално ја читам...



Секогаш се има време, место и воља за Кристи и Дојл. Иклучок на гореспоменатиот читачки блок.

 

[Варвара]

Day 02 / The book you're reading right now: „Раковиот напоредник“ - Хенри Милер

Првиот неуспешен обид го имав пред шест години - секоја реченица по воведната ја доживував сѐ позаморно и позаморно. Ја затворив по триесет страници очај, a помислата на неа и понатаму продолжи да ми создава нервоза. Изминатата година неколку пати сакав да ја почнам одново за да го поправам впечатокот и кооонечно се убедив минатиот месец. Следи кратка пресметка: месец дена откако тегнам книга од 275 страници што значи дека кога секој ден би читала по десет страници, би ја завршила минатиот петок. Сега сум заглавена на 53та и веќе не полагам високи надежи дека и овој пат крајот ќе е поразличен.