1923 е американска вестерн драмска телевизиска серија која имаше премиера на 18 декември 2022 на Paramount+. Серијата е prequel на Yellowstone на Paramount Network и sequel на серијата 1883. Следи друга генерација од фамилијата Датон во 1923 година, за време на Прохибицијата во Америка, огромната суша и зачетоците на Големата депресија која ја погодила Монтана многу пред 1929. Во серијата глумат извонредните Хелен Мирен како Кара Датон, сопруга на Џејкоб Датон и на некој начин главата на семејството; Харисон Форд како Џејкоб Датон, постар брат на Џејмс Датон (лик од 1883); Брендон Скленар како Спенсер Датон, помалиот син на Џејмс и Маргарет Датон (братот и снаата на Џејкоб Датон), учесник во Првата светска војна и ловец на опасни животни во Африка; Јулија Шлепфер како Александра, слободоумна Британка која ќе налета на Спенсер во Африка; Џером Флин како Банер Крејтон, шкотски овчар и непријател на Датонови; Дарен Ман како Џек Датон, единствено дете на Џон Датон сениор, внук на Џејмс Датон, и внук од брат на Џејкоб; Изабел Меј како нараторот Елса Датон која ја репризира улогата од 1883; Амина Ниевес како Теона Реинвотер, бунтовна млада американска Индијанка сместена на сила од властите во Америка во баптистичко училиште; Мишел Рендолф како Елизабет Страфорд, свршеница на Џек Датон и др.
Првата сезона од 8 епизоди може да се гледа кај нас на SkyShowtime, а серијата е обновена за втора сезона која исто така ќе има 8 епизоди. Серијата е креирана и напишана од Тејлор Шеридан, авторот и на Yellowstone и на 1883. Тејлор Шеридан го знаеме како сценаристот на Sicario и Hell or High Water за кој беше и номиниран за Оскар, а глумеше во сериите Sons of Anarchy и Veronica Mars. Шеридан го напиша и режираше филмот Wind River со Џереми Ренер кој исто ни е добро познат на форумов, а е креатор и сценарист на новата серија на Силвестер Сталоне, Tulsa King.
1923 држи рејтинг од 91% на Rotten Tomatoes и 8,4/10 на IMDB. Реакциите од гледачите и критиката се главно позитивни и е една од сериите кои се најголеми фаворити за номинација на престојните ЕМИ награди за 2023.
Не знам дали некој од форумов ги следел Yellowstone и 1883, ама ова е ремек дело кое навистина го препорачувам и на тие кои не се запознаени со сагата за Датонови, како мене. Ѕирнете ја!
.
