Кратко кажано, за земена фиксна сума на примања од кои ќе го отплаќаш кредитот, а за да можеш да подигнеш што поголем кредит, ти треба најниска каматна стапка и што поголем рок на отплата. Мој совет ти е батали ја идејата за потрошувачки кредит. Тие имаат најголема каматна стапка и кратки рокови за отплата. Ако можеш оди со станбен, а не со хипотекарен. Разликата меѓу двата кредита е што со парите од првиот мораш да купиш (доградиш/надградиш) недвижност, а парите од вториот можеш да си ги користиш за која сакаш намена. По правило, станбените кредити имаат пониски каматни стапки од хипотекарните, а во однос на рокот се помалку или повеќе исти. Такашто, ако веќе си ги безицирал парите да ги потрошиш за стан, барај станбен кредит. Со хипотекарен ем ќе плаќаш повисока камата, ем пак истата недвижност ќе ти биде под хипотека.
Уште еден совет. Обавезно барај рамковен кредит. Тоа значи зависно од проценката на недвижноста што ја ставаш под хипотека, има одредена максимална сума што можеш да ја подигнеш врз основа на таа хипотека. Да кажеме, врз основа на хипотеката оставена како обезбедување можеш да подигнеш максимум 30.000 евра, ти си кредитоспособен да подигнеш 15.000 евра, но ти требаат само 10.000 евра и тие ги подигаш. Ако во иднина ти притребаат пари за нешто друго и сакаш повторно да земеш друг кредит, можеш да ги подигнеш останатите 5.000 евра, со тоа што заштедуваш пари на процедура (проценка, нотари, заверки), бидејќи хипотеката е веќе воспоставена. Само што во рамката на тоа хипотекарно обезбедување (оттаму името рамковен кредит), една сума ја отплаќаш како станбен кредит со една каматна стапка, а друга сума како потрошувачки со друга каматна стапка.
--- надополнето: 14 август 2013 во 23:46 ---
Уште нешто. Обавезно барај кредит каде нема да треба да плаќаш пенали за предвремена отплата. Ако веќе има пенали, гледај да бидат што пониски и да нема услови од типот .... дозволено е, но да биде минимум 3,4,5% од кредитот.