Jaс вака:
Зима 2009-та, играме фудбал во сала, корнер беше, скокам да удрам топка со глава, некој ме турна позади, изгубив рамнотежа, и паднав на колено од еден пријател... пукнато последното ребро на левата страна. Глупо беше тоа што одиграв до крај, болка нема или занемарлива, ама кога си отидов дома...болки у ПМ. И ај на доктор, ај снимки, ај кетоналче... и така едно месец дена...
Скршен лакт на левата рака... Тој ден, мај беше 2007, пола Македонија ја прошетав, се вратив дома, влегов во бањата да се туширам и излегувајќи од кадата се лизнав... арно велат дека најголем број од несреќите се случуваат дома...
Тогаш докторите кога отидов на рехабилитација ме исплашија дека мал број од луѓето со таква повреда можат 100% да се рехабилитираат во смисла како ништо да не било, сепак, фала му на Бога, се е ОК. Ама... цела година неможев раката да ја дигнам скроз горе...
Скршен мал прст на десната рака. Последица на летање во нива со моторно возило. Некако ми се заплетка прстот на воланот. Јбг... 19 години имав тогаш, хехе... Последица: Крив ми е малиот прст.
Двапати шиена брада. Еднаш со еден, другиот пат со два конци. Двата пата ми се погодуваа лекари во брза помош кои ПРВ ПАТ во животот шијат човек. Двапати беше без анестезија без ништо такво. Аххххх...убави 80-ти...
Тогаш, за една година двапати паднав на брадата. Летото 88-ма играјќи фудбал во тогашниот струмички пазар се испружив на терацо плочките и тоа на брадата паднав, и заработив еден конец... потоа, летото 89-та возев со точак како луд по улицата (денес од возила нема шанса тоа да се прави) и налетав ваљда на некој камен или песок беше, па летав преку точакот, атерирав пак на брадата и добив два конци. Не бројам тука што лакти и колена ми беа поштено одрани, тоа ништо не се познава, но лузната на градите на левата страна од крај до крај сеуште стои... тоа од рачката на кочницата ми е за успомен и дуго сечање, заедно со двете лузни на брадата. И, брада таму не ми расте.
И, за крај... лето 84-та... зградата на струмичкиот суд... Прават ограда, значи изградено ниско ѕидче, јас трчам по ѕидчето, паѓам на газ, а во десната нога шајка...некаде под листот, над петата... има едно кругче денес на тоа место... лузничка...
