МЗТ СКОПЈЕ СЕ ЕКИПИРА СО СТРАНСКИ ЗАСИЛУВАЊА
Боровчанин во Скопје, се чека Агоч
Екипата на МЗТ Скопје с$ уште е во фаза на формирање. Беше јасно дека неколкуте заминувања мора да се компензираат со уште подобри опции. Во тој стил размислува и раководството на клубот од "Јане Сандански".
Откако беше обезбеден потписот на договорот со Американецот Дерил Хил, се чини дека "металците" полека се вртат кон "српскиот пазар" на играчи.
Па така од вчера на тренинзите на "сино-белите" можеше да се забележи присуството на Ведран Боровчанин. Стануза збор за еден релативно млад кошаркар (роден 1984 година), кој во овој дел од сезоната настапуваше за екипата на Радник од Бјелина (Република Српска).
Боровчанин игра на поизицијата "3", која остана испразнета со заминувањето на Драган Миленковиќ, и во наредните неколку дена ќе треба да го увери Марјан Лазовски дали има квалитет да игра за МЗТ Скопеј до крајот на овој дел од сезоната.
Покрај тоа, "металците" планираат да се засилат и на центарската поизиција.
Откако стана јасно дека тешко ќе дојде до договор со Михајло Грујиќ, "металците" имаат и друга варијанта.
Се вика Слободан Агоч, кошаркар со голема "акумулација" на натпревари. Се работи за доста искусен играч (роден 1977 година), кој со своите 206 сантиметри ја "покрива" центарската позиција.
Во текот на кариерата, која ја почнал како играч на Боровица Рума, Агоч (се очекува денеска да дојде во Скопје), настапувал и за голем број екипи од соседна Србија и Црна Гора, како Ибон-Никшиќ, Војводина - Нови Сад, Застава-Крагујевац, Слога-Краљево, Беопетрол, Атлас - Белград, Ловќен-Цетиње.
Минатата сезона играл во Романија, за екипата на Елба од Темишвар, а на почетокот на оваа бил и во Бахреин од каде доаѓа во Скопје.
mn ne im veruvam na ovie od sport, taka da ako imate neso novo pisete!:smir:
ps: sto stana so curtis, koga doagja ???
