Нема што многу да се напише за овој натпревар. Како играше Сампдорија мислам дека ќе доживееше пораз и од далеку послаба екипа од Милан. Апсолута доминација од почеток до крај, уште една перфектна партија на Рони и Бориело. Пато имаше два прекрасни соло продори, но кога требаше да изигра повратна тој шутираше на гол што е недозволиво за играч од негов калибар. Средниот ред стандардно добро. Она што многу ме радува е одличната игра на Тиаго Силва кој не им даде да се состават со топката на Касано и Пацини, Антонини исто така покажа дека ја заслужил шансата. Абате освен трудот кој го вложува друго ништо не покажува, крилен играч да не може да му побегне на бекот и да даде центаршут е недозволиво за играч на Милан, но за човек од клупа не е лош, едвај чекам да го видам Ди Џенаро за кој верувам дека на крило може да даде повеќе од Абате. Хунтелар за времето што го имаше му намести една топка на Сидорф и неколку грешки во подавање на краток простор.