Напишав и у темата за лигата, ова што се дешава последниве две сезони е необјасниво, но сите проблеми извираат во менаџментот, од лоши игри, лоши трансфери, нула морал. ФА купот од лани речиси не беше ни утеха, онака некако мислам дека ни играчите ни Венгер не се израдуваа.
Сезоната 2015 беше моментот за заминување, претходно и со сите проблеми јас уште имав некаква надеж во Венгер и во тимот, но кога како лидери на табелата во еден период пуштивме Лестер да ја освои лигата, во сезоната кога бевме едини тим во европа што не купи ниеден играч (освен Чех како голман), во сезона кога имавме најмногу шанси кои може во наредните 15 години нема да ги имаме, знаев дека се ќе оди само на полошо.
Да заминеше по првиот или вториот ФА куп ќе имаше нерушлива репутација и рејтинг кај сите, како најуспешен менаџер, кој го водеше тимот во најдобрите денови, во транзицијата, кога со млад кадар и со минимални финансии играше прекрасен фудбал и беше редовно во топ4 и учесник во ЛШ, сето тоа ќе остане и сега, но штетата што ја прави последниве 2-3 сезони многу го наруши неговиот углед и како ќе биде запаметен кај фановите, особено ако гордоста пак надвладее и реши да остане и наредната сезона.
Јас цело време потајно верував и се надевав дека ќе направи некоја магија, некој маестрален потег и во Фергусон стил својата последна сезона ќе ја круниса со освојување на лигата.
Сега не знам на кој начин би го направил тоа, нема тактика, нема стратегија, нема играчи, нема морал, нема желба кај играчите а реално нема ни толку финансии.
Од една страна ми е жал што секоја будала од новинари, бивши играчи, ривалски менаџери, фанови на неговиот и на други клубови го вреѓаат, понижуваат, омаловажуваат како некое сенилно старче кое не знае што прави, ама од друга страна сам си е крив што не знае кога беше доста, што ако имал пречки и проблеми внатре во клубот, јавно не проговорил и не се спротиставил.
