Како што се зборува, и да бидеме оптимисти за тоа, ќе има визна либерализација. На Македонија ќе и се отвори патот кон Европа. Пола Македонија ќе си отиде, најважно МЛАДИТЕ ЌЕ СИ ОТИДАТ... визите укинати а не сме во Нато и ЕУ, нема кој да не заштити, немаме инвестиции и вработувања. Точно е дека од странство ќе праќаат пари дома на своите, ама кога нема вработување јбг тоа... Во време на светска економска криза сме, каде што скоро никој не размислува за инвестиција...
Каква ќе биде иднината на Македонија, размислете за ова добро...
Некоја статистика, после влезот на Бугарија во ЕУ и НАТО се одселила 1 милион луѓе, да да, 1м, ама имало 1,4 милиони инвестиции... туризмот тројно се развил, а сето тоа е резултат на влезот во еу и нато...
е сега прашањето мене ми е, дали и ние ќе бидиме како Бугарија, со инвестиции и слично... или ќе бидеме единствен случај каде што сите ќе се иселат, а ќе нема инвестиции и вработувања...
*Сепак имам 15 години и оваа тема ја правев муабет со наставник по историја на училиште.
На твои 15 години, јас размислував како да ја киднам од часови и тоа ми беше најголемата грешка во животот. Сепак, денес се каам за тоа. Тогаш на крај памет не ми паѓаше да бистрам политики со наставници и професори. Како и да е:
Што значи визна либерализација, пред се?
Liberte - слобода. Мислам дека е доволно. Е сега, кога македончето ќе добие визна либерализација, тогаш сите мислат дека секој поединец ќе си го бара спасот надвор од тука, без оглед на тоа колкави му се шансите. Но, она што не ти го кажал професорот по историја, е фактот дека надвор од Македонија не тече мед и млеко. Она што е страшен факт за остатокот од светот е тоа што луѓето надвор од Македонија живеат за да работат, наместо да работат за да живеат (онака како што македонците го прават тоа тука). Што значи тоа? Се станува од спиење, се иде на работа и се откиснува таму дури и до 12, а некогаш и до 14 часа. Се враќа работникот дома, па кога ќе погледне на часовникот, има време доволно за да се измие, вечера и да легне да спие, толку многу уморен што нема време да ја напумпа жена му, иако тоа го сака. Простете на јазикот, ама само сум реален.
Македонија е сосема друга приказна. Тука работиш 8 часа, за толку си платен (иако премалку), па после тие 8 часа, ти имаш време со останатите 16 да правиш многу работи, привилегија која оние кои работат во ино-странство не можат да ја уживаат.
Е сега, зошто во странство има многу повеќе пари од тука?
1. Повисока работна рака. Сигурно знаеме дека платите надвор од Македонија се повисоки каде каде за скоро 200% по занимање. Така, еден чистач во Македонија, кој ги чисти канцелариите на некој приватен директор на фирма, зема просечни 12 000 денари, додека, на пример во една Романија таа плата изнесува 24 000 денари. Еден градежен работник, во Македонија е платен 30 000 денари, додека мојот сосед, кој отиде во Грција да работи, таму беше платен и до 80 000 денари, во зависност од која фирма го изнајмуваше.
2. Време за живеење. Што значи ова? Ова значи дека надвор од тука, како што погоре кажав, луѓето немаат време да живеат, односно имаат време само да работат, јадат и спијат. Немаат време да трошат, немаат време за секојдневно излегување на кафе, за собирање по паркови и пиење колку што се може и не може, за clubbing и слични работи. Едноставно немаат толку време да си посветат себе си. За разлика од таму, македончето најдува време, и покрај 8 часа работа, и покрај премалата плата, најдува и начин како да ужива во животот. Така, скоро во сите кафичи во државава можеме да видиме луѓе кои преку денот работат, за вечерта да можат да уживаат. Гледаме луѓе кои си прават излети на Матка, Шара или не знам каде, и покрај тоа што утрото биле на работа, или покрај тоа што нивната плата изнесува 8 000 денари. Постојат луѓе кои заработуваат 11 - 12 000 денари, а исплаќаат станови од 80 000 евра... Не мора да продолжувам. Факт е дека и покрај сите тешкотии, тука во Македонија се живее подобар живот отколку во странство.
Не, не реков побогат, туку подобар. Зошто? Затоа што секој денар што ќе го заработиш тука, можеш да најдеш начин да го потрошиш или имплементираш во својот подобар живот. Надвор од тука, и да сакаш не можеш да потрошиш толку колку што би потрошил овде (процентуално земено) за да си го направиш животот подобар... Извини кој живот?
После ова, кажи ми кој од сета младина која ќе ја напушти земјава после визната либерализација, ќе остане да ЖИВЕЕ во една Америка, Англија, Франција, Германија или не знам каде??
Одговор: 90% ќе се вратат, затоа што тие сакаат да живеат живот наместо да робуваат...
