Не случајно велат "како Струга нема друга" - вели Артим Шаќири еден од нашите најистакнати фудбалски репрезентативци, откривајќи ни го своето омилено место во Македонија, каде што сака да ги минува слободните викенди. Иако неговото семејство се' уште живее во Струга, од 1997 година поради своите професионални ангажмани, Шаќири го напушти овој град. Во меѓувреме живееше во Скопје, а потоа и во многу места надвор од Македонија, меѓу кои Шведска, Германија, Словенија, Бугарија, Турција, Англија, Данска и Финска. За време на престојот во овие држави, не ретко на Шаќири му се случувало да се качи на авион, и на два дена, само за викенд, да дојде во својата омилена Струга.
За време на ваквите викенди Шаќири редовно одвојува време за да испие кафе во неколкуте нему омилени кафулиња низ градот. Прошетките на чист воздух, по струшкото крајбрежје и покрај реката Црн Дрим.
Секогаш кога ќе посака да јаде риба, Шаќири заедно со семејството оди во Калишта или во Радожда, каде што, според него, ја подготвуваат рибата на највкусен начин.
СЕ ГЛЕДАМЕ ЛЕТОВО ГОСПОДОВО 2008