Спектакуларна прослава по повод 20 години од независноста

[dzonyb]

Не сум ни позиција ни опозиција, сите ми се одвратни безрбетници, освен малкубројни ликови. Не велам дека тотално се што направија не чини, но конкретно „направеното“ на плоштад и низ Скопје е нешто толку непотребно и некорисно што нема зборови да доопишам. Еден споменик ќе беше ПРЕдоволен. Попромашена милионска сума немам видено, зошто не им направија домови на раселените лица и уште не им признаваат никакви права, зошто не обезбедија со закон доживотни солидни пензии за децата на убиените херои туку им ги амнестираа убијците, зошто не финансираат програма за успешна еманципација на децата без родители, зошто не отворат и финансираат центри за заштита и помош на жртвите на семејно насилство (конкретно жени и деца) каде безбедноста и понатамошната помош ќе бидат загарантирани, зошто не вложат во старските домови за да не бидат како кочина каде возрасните се носат за умирање и во соодветен кадар, зошто не нудат поволности за семејства да посвојуваат деца туку само ајде раѓајте 3то 4то а услови никаде туку само казни и даноци....зошто зошто зошто, премногу се, а прославата само уште едно трошење државни пари

Е ова веќе ми се допаѓа, скоро сите точки кои ги наведе ги подржувам. Но не заборавај дека во 4 години неможе се да се направи. Скопје 2014 освен естетска си има и наменска позадина (повеќе на темата за овој проект). Амнестијата е политички дил и тоа е така во политиката (за жал). За децата на убиените Херои незнам како е тоа решено но верувам дека имат некој бенефиции , како школарина и слично и тоа е најдоброто што може да се направи за едно дете, да му се обезбедат квалитетни услови за школување, по натаму од него зависи. Не сум поборник на створување на паразити. За децата без родители исто не сум детално запознат но мислам дека и таму има подобрување во последните години. За семејно насилство незнам , немам појма занам имаше некој телефони за пријавување и тоа е се. Старските домови секаде во светот се приватни инвестиции , значи работиш добиваш пензија и со таа пензија си финансираш старински дом , така е секаде.
Твоја одлука е но треба да знаеш дека ни во една држава не тече мед и млеко , па дури ни во Г8 значи овие проблеми во помали или поголеми размери ги има секаде, а има и држави кои се во многу полоша состојба од нашата па сепак слават.
За мене одбележувањето на овој празник е како приватно славење на роденден , колку и да не ни оди во животот сепак сакаме да го обележиме овој ден, да се видиме со пријателите да се напиеме и тн. 8 Септември е роденден и тоа 20 ти на цела Македонија и според мене треба сите ЗАЕДНО да го прославиме и да си посакаме поубава иднина.

 

[Мацата]

8 Септември е роденден и тоа 20 ти на цела Македонија и според мене треба сите ЗАЕДНО да го прославиме и да си посакаме поубава иднина.

Потполно се согласувам, во никој случај не сум против славењето на 8ми Септември. Но Проектот Скопје 2014 никогаш нема да го поддржам и оправдам, не го оправдувам ниту спектаклот што се спрема затоа што куќа се почнува од темелите а не од покривот, покрај она што го наведов имаме уште посериозни проблеми наместо да градиме барок, рококо и какви не градби или плажи покрај река толку загадена што не е за погледнување камоли за капење. А тие на кои им е полошо од нас сигурна сум дека не се впуштаат во блесави проекти и грандиозни славења кои не можат да си ги дозволат. За спектаклот сигурно пак ќе се потроши вртоглава сума, а пример супер би бил еден убав голем концерт на плоштад (тоа што остана од него) со сите македонски ѕвезди на кои нема да им се срони бисер ако пеат без паричен надоместок барем една ноќ, на национален празник. А први да си посакаат убава иднина и да се согласат заедно да работат за неа се позицијата и опозицијата, јас и ти дали ќе си честитаме ич не сме битни, затоа што ништо не можеме да направиме.

 

[dzonyb]

Мацата, мое мислење е дека Македонија сите овие прослави , сите овие градби од Скопје 2014, сите споменици , требаше да ги изживее многу порано , веднаш после осамостојувањето. За жал Македонецот деценија ипол беше како препариран во постојан страв буквално изгубен во просторот. Оваа прослава и Скопје 2014 ни треба за да излезат некој работи од нас кои со денови, години , децении и векови сме ги потиснувале. И затоа апсолутни подржувам ваква прослава и убеден сум дека ќе биде спектакуларна и дорбо организирана и дека на крај ќе бидеме горди на целиот настан.
И пред се мислам дека треба да излеземе на овој ден и дефинитивно да се збогуваме со транзицијата. Јас верувам во подобри денови пред се за македонската економија , а овој ден според мене е само симболичен почеток.

 

[Inglourious Basterd]

Не, денес постои ПЈРМ каде точно заради многубројните чврги од западот, поголемите (да не речам сите)права, макар што натаму одат работите, ги имаат Албанците а после нив сите останати малцинства, макар да биле 1000-2000 во цела држава, тие права имале и морало еднакво да бидат застапени, па на последно место место се македончињата

Ти ја сфаќам фрустрацијата, но сепак на работите треба да гледаме трезвено и без емоции. Точно дека Македонија, денес, можеше да биде поубаво место за живеење - само луд не би се согласил со тоа.

Сепак, мора да го погледнеме периодот низ кој поминавме. Македонија, не по нејзина вина мораше својата “малолетност“ да ја помине во период на запален Балкан. Во овој период немавме искрена поддршка од ниту една голема сила. САД не превзеде под своја заштита во моментот кога видоа дека работите им бегаат од контрола и мораа да спречат нова војна која би била со многу поголем обем од Косовската. За таа цел не примораа да го потпишеме Рамковниот. Гледано од денешна перспектива работите можеа да бидат и несогледливо полоши.

Не се согласувам дека Македонците се на последно место во државата. Македонците во моментов ги контролираат сите механизми на државата и се зависи од нас. Албанците за нашиот клучен проблем, проблемот со името, досега имаа многу конструктивна позиција.

Ако аргументот за ова тврдење ти е вработувањата во администрација, повторно не си во право. Прво и Македонци се вработуваат во администрација, итоа многу повеќе од тоа што државава може и треба да поднесе. Второ, со таквите вработување не им се прави услуга, туку баш напротив. Незнам кој млад човек би сакал да е вработен на место на кое ништо не работи и нема никаква шанса за усовршување и напредување. Такво вработување според мене е навреда на интелегенцијата на секој човек.

 

[dzonyb]

Сепак, две децении подоцна, ниту ние ниту плоштадот ни „Македонија“ не сме истите.

Пројдовме низ тешки денови, многу искушенија. Бевме поразувани, мрцварени, негирани, оспорувани и навредувани. Полни сме со лузни. Уште се бориме со предрасудите на нашите соседи, но и со сопствените.

Како сé уште да не сме сосема убедени дека постоиме и дека самите сме одговорни за својот живот. А би требало денес да сме посигурни во себе и во она што сакаме и каде сакаме. Тој наш страв и несигурност ги чувствуваат сите што нé набљудуваат. Од нив создадоа политика кон нашата држава. Уште нé доживуваат како тесто за месење, како аморфна маса што може да ја обликува кој како ќе посака. И затоа, време е на овој 8 септември да испратиме јасна недвосмислена порака, која ќе го содржи одговорот: Овде сме! Ова е Македонија. Ние сме Македонци. Помирете се со тоа!

Јубилејните пораки мора да бидат упатени и до народот и до соседите и до светот......


За внатрешните односи

Најпрво, 8 Септември не е празник на некоја партија или политичар. Тоа е национален ден. На тој ден сите и се поклонуваат на Македонија и на народната волја изразена на референдум. Кој кого сака или пизми, воопшто не е важно. Осми септември нема скриено значење на празник на суетата. Ниту на скриена национална програма. И затоа, тој што не учествува во прославата на јубилејот, недвосмислено искажува негативни чувства кон македонската нација. Жално е, но со инфантилното однесување на некои партиски водачи, и по две децении се покажува дека личната омраза и деструкција е најкраток пат до автодеструкција. Оти, конечно, како и пред 20 години, оние што ќе бидат отсутни, ќе ги нема и во отпечатокот на времето. Ќе ги нема на кадрото засекогаш. Чудно е дека за овој факт биле свесни револуционерите, гемиџиите, востаниците и од првиот и од вториот Илинден, кои пред да ја исполнат својата судбина оделе на фотограф, а ете, сегашниве немаат блага врска дека секој потег е доказ што ви ги одредува местото и улогата во животот на колективитетот. .....


http://novamakedonija.com.mk/NewsDetal.asp?vest=931175955&id=9&prilog=0&setIzdanie=22372

 

[Strider]

Сепак, две децении подоцна, ниту ние ниту плоштадот ни „Македонија“ не сме истите.

Пројдовме низ тешки денови, многу искушенија. Бевме поразувани, мрцварени, негирани, оспорувани и навредувани. Полни сме со лузни. Уште се бориме со предрасудите на нашите соседи, но и со сопствените.

Како сé уште да не сме сосема убедени дека постоиме и дека самите сме одговорни за својот живот. А би требало денес да сме посигурни во себе и во она што сакаме и каде сакаме. Тој наш страв и несигурност ги чувствуваат сите што нé набљудуваат. Од нив создадоа политика кон нашата држава. Уште нé доживуваат како тесто за месење, како аморфна маса што може да ја обликува кој како ќе посака. И затоа, време е на овој 8 септември да испратиме јасна недвосмислена порака, која ќе го содржи одговорот: Овде сме! Ова е Македонија. Ние сме Македонци. Помирете се со тоа!

Јубилејните пораки мора да бидат упатени и до народот и до соседите и до светот......

За внатрешните односи

Најпрво, 8 Септември не е празник на некоја партија или политичар. Тоа е национален ден. На тој ден сите и се поклонуваат на Македонија и на народната волја изразена на референдум. Кој кого сака или пизми, воопшто не е важно. Осми септември нема скриено значење на празник на суетата. Ниту на скриена национална програма. И затоа, тој што не учествува во прославата на јубилејот, недвосмислено искажува негативни чувства кон македонската нација. Жално е, но со инфантилното однесување на некои партиски водачи, и по две децении се покажува дека личната омраза и деструкција е најкраток пат до автодеструкција. Оти, конечно, како и пред 20 години, оние што ќе бидат отсутни, ќе ги нема и во отпечатокот на времето. Ќе ги нема на кадрото засекогаш. Чудно е дека за овој факт биле свесни револуционерите, гемиџиите, востаниците и од првиот и од вториот Илинден, кои пред да ја исполнат својата судбина оделе на фотограф, а ете, сегашниве немаат блага врска дека секој потег е доказ што ви ги одредува местото и улогата во животот на колективитетот. .....

http://novamakedonija.com.mk/NewsDetal.asp?vest=931175955&id=9&prilog=0&setIzdanie=22372

Тие што беа против отцепување од Југославија и одбиваа да стојат при интонирање на државната химна и ја бараа химната на Југославија... сега истите не сакаат да присуствуваат на прославата за самостојноста...
Која „коинциденција“...

 

[Македонцки]

ЗНАМЕ ВО СЕКОЈ ДОМ -АКЦИЈА НА НОВАМАКЕДОНИЈА, МЦМС И ТАВ

 

[dzonyb]

СМС за 1 денар на Денот на независноста

05. 09.2011 - 12:01:15

Сите при-пејд и пост-пејд корисници, на Денот на независноста - 8 Септември цел ден ќе можат да испраќаат СМС пораки во мрежата на Т-Мобиле по промотивна цена од 1 денар со ДДВ.
Промотивната цена од 1 денар за СМС порака важи за сите тарифни модели, но не се однесува за Т-Мобиле корисниците кои ќе бидат надвор од државата.
Средствата собрани од СМС пораките испратени на 8 Септември, ќе и се префрлат на Фондацијата Т-Мобиле за Македонија, којашто ќе ги искористи за донација, како општествено добро и бенефит за сите граѓани на Република Македонија.
Со оваа поволност, Т-Мобиле им овозможува на корисниците заеднички да се вклучат во одбележувањето на Денот на независноста, што треба да претставува ден на општествено обединување. Од друга страна, со донирање на собраните средства во хуманитарни цели, компанијата ја покажува својата општествена одговорност и подготвеност за помагање не само на ранливите групи во заедницата, туку и на сите граѓани, овозможувајќи им на тој начин подобри услови за живеење, просперитет и интеграција во општеството.
http://www.netpress.com.mk/mk/vest.asp?id=91389&kategorija=2

 

[Македонцки]

Ова не е политика,ова е моето мислење кое ако не ти се свиѓа можеш да не го читаш.

ова е ДРЖАВНА И НАЦИОНАЛНА ПРОСЛАВА...ако не присуствуваш твој проблем..не не труј со политика останатите

Јас нит ја окривувам државата ни владата,крив е народот во кој верува во нив.Оваа држава за мене ништо не обезбедила,камоли што има толку глупа администрација која не сака да ги чита законите и преку партиски книжки добиваат работа.Не дека не треба да се слави манифестацијата,но толку спектакуларно и да се трошат пари за непродуктивни работи,богами на крај нека зи изгради г-н Груевски еден споменик во кој народот гледа накај него и им вели:Верувајте мои следбеници во мене и не ги слушајте другите што велат.Незнам како има толку прост народ кој ниеднаш не седнале во малите компании и да видат како им е од сите тие инспекции и ако не им протнеш малце пари ќе ти доаѓаат целовреме на посета,за да те малтретираат и да се нервираш за работи кои никаде ги нема.Јас можеби нема да бидам тука за 8 септември,ја сакам државата али не го подржувам системот и режимот кон тие што не веруваат во владава.Ако веќе сум на власт секаде треба да биде рамноправно не само за тие со партиски книжки

 

[Ѓорче 1932]

Oдредени личности кој постираат на темава и ја плукаат прославата едноставно не ги разбирам.
Добро бе,можете ли барем на два дена да оставите се што се дешавало во државава,да оставите дека една мочана гејција и ебана србија не нарекуваат ПЈРМ и такви разно разни гомнарии,да оставите и СДСМ и ВМРО на страна,да оставите грижи и секирања на страна,едноставно како прави Македонци да ја прославите прославава,без препуцавања без јадење гурабии без наоѓање влакно во јајцето и сето тоа.

Јас одам на прославава,не сум партиски определен,ме боли цеф за нив,одам бидејќи Македонија успеа да прослави 20 години независност наспроти големите притисоци од гејците за промена на името,а со тоа и бришење на нашата држава.
Одам бидејќи прадедо ми го носел Црешовото топче на грб до местото каде што било испукано,се борел со Комитите рамо до рамо против турскиот аскер.
Одам бидејќи другиот прадедо бил пратен на Голи Оток само поради тоа што се декларирал како Македонец и бил против Југославија и Тито.
И да,одам бидејќи еднаш се прославува 20 години независност на нашата мајка Македонија која што поминала низ многу лоши и грди работи,но сепак постои и ден денеска !!

 

[Agestormer]

Грците ако сакаа можеа да не збришат но мицотакис го одби предлогот на милошевиќ за повторно да не поделат Жал ми е за дедоти но комунистите извојуваа држава рамноправна во СФРЈ.

Ама треба да се прослави денот на независноста токму поради лошите работи што соседите ни ги направија ете ембаргото на грција па поради војната фирмите изгубија пласман покрај ова следува војната и машала многу пребродивме како држава и треба да ја сакаме.

 

[@cool@]

ќе добијат бесплатно црковно венчавање
И ВО БИТОЛА СЕ ПОДГОТВУВА ПРОСЛАВА ЗА ДЕНОТ НА НЕЗАВИСНОСТА

Групна венчавка на Широк сокак на 8 Септември
http://www.vest.com.mk/?ItemID=37EC7292710B70408C98A6DD39DC8115

 

[Македон91]

Некој да не има распоред кога ќе поаѓаат автобусите од внатрешноста кон Скопје за Денот на независноста?

 

[@cool@]

По повод 20 години независност
Macedonia Loves You со нов проект - Macedonia@20


Проектот Macedonia Loves You ја стартуваше третата свечена едиција на интернет страницата www.macedonialovesyou.com, се со цел да се придружи кон прославувањето на 20-те години од независноста на Република Македонија
.
Новата едиција на страницата се фокусира на промоцијата на идејата Macedonia@20 и претставувањето на убавините на Македонија преку 20 зборови или 20 фотографии.
Македонците и странците ја опишуваат земјата од нивен личен аспект.
Професор од Универзитетот во Чикаго со 20 зборови го опиша македонскиот јазик, додека почесниот конзул во Брисел кажува колку многу придавки можат да бидат заменети со еден збор: македонски. Македонците раскажуваат за нивната библиска земја, преполна со историја... како бисерот во својата школка.
Во албумите со 20 фотографии авторите ја претставуваат својата перспектива за неспоредлива Македонија. Албумите содржат фотографии на волшебни пејсажи, места, светилишта и чуда на природата.
Од планината Кораб, до мостовите во Кратово, до смирувачкото Охридско езеро, до македонските светилишта, па дури и приватните куќи.
Macedonia@20 е отворена кампања и MKU срдечно ги поканува сите да ги споделaт впечатоците и мислењата за убавината на Македонија со 20 зборови или 20 фотографии.
Во наредните денови организаторите ќе ги поканат и охрабрат луѓето од 157 земји, каде што страницата сега може да се види, да го украсат својот компјутер со шарена позадина, што може да биде симната од интернет страницата, за да се означи 20 годишнината од независноста на Македонија.
Проектот Macedonia Loves You почна во 2007-ма година и оттогаш преку низа настани ја промовира убавината на Македонија, пријателството и разбирањето меѓу луѓето. Во 2010 година проектот MKU отпочна друг проект “Награда Најдобар промотор на Македонија“, кој заврши со голем успех. Неговата втора едиција започнува на 14 септември 2011 година.

 

[Lurtz]

http://www.sitel.com.mk/dnevnik/makedonija/denot-na-nezavisnosta-8-septemvri-neraboten-den-za-gragjanite-na-rm

Во пресрет на 8 Септември – Денот на независноста на Република Македонија, на 6 и 8 септември 2011 година ќе биде воспоставен посебен режим на движење на сообраќајот во централниот градски појас во Скопје.
Времениот сообраќаен режим ќе важи утре за време на одржувањето на генералната проба во траење од 16.30 часот до вечерните часови, како и в четврток за време на централната прослава на Денот на независноста, од 16 часот до доцните вечерни часови.
Отворени сообраќајници во централниот градски појас по кои што граѓаните ќе може да сообраќаат се: Булеварите “Климент Охридски“, “Партизански одреди“, “Гоце Делчев“, улицата “Стив Наумов“ до хотелот “Холидеј Ин“ – потоа дозволено свртување во лево по улицата “Кеј 13 Ноември“ до крстосницата кај Комплекс банки, со дозволено движење лево и право по булеварот “Кузман Јосифовски Питу“. Движење, односно сообраќај ќе биде дозволен и од булеварот “Кузман Јосифовски Питу“, десно по улица “Крушевска Република“ (или по старо улица “Пролет“), лево и право кај крстосницата кај Монополот со Јужен булевар (со слободен проток по “Јужниот булевар“). Исто така, движење ќе биде дозволено и по улицата „Мито Хаџивасилев Јасмин“, односно влез и движење по оваа улица од правец на улицата “Бихаќка“, без право на вртење десно.
Затворени сообраќајници за движење ќе бидат: Улица “11 Октомври“ од крстосницата кај Монополот, преку улицата „Димитрија Чуповски“ (поранешна „Вељко Влаховиќ“) до крстосницата на оваа улица со булеварот „Климент Охридски“. Потоа, ќе биде затворена улицата “Васил Главинов“ од објектот Тифани до објектот Палома Бјанка, како и улицата “Даме Груев“ по целиот нејзин потег. Затворени ќе бидат и сообраќајниците “Васил Аџиларов“ (поранешна “Моша Пијаде“) од хотелот “Холидеј Ин“ до Собранието на Република Македонија, како и делот на булеварот “Кочо Рацин“ од крстосницата Комплекс банки и до крстосницата со улиците “Мито Хаџивасилев Јасмин“ и “Бихаќка“. Исто така, од десната страна на реката Вардар затворени ќе бидат улиците “11 Март“ од Вијадуктот до Камениот мост, како и улицата “Црвена скопска општина“ (кај црквата Св. Димитрија).

Пола град блокиран...ќе биде денеска заниљиво за прелет до работа и назад