Додека се трошат дебели пари за коекакви проекти, се друго тоне во ѓубре и се распаѓа...дури и болниците (повеќе слики од руинираната болница има во печатеното издание)
Место во Битола, се вратив во Сомалија
По 40 години поминати во Австралија, Стефан Ѓоргиевски ова лето првпат стапна во родното село Поешево и во Битола. Тој еден месец чека прием кај градоначалникот Владимир Талески за да му ги покаже фотографиите од, како што вели, срамот на Битола.
"Во доста реклами во медиумите гледав и слушав запознај ја Македонија, и точно тоа го сторив кога дојдов во мојот град Битола. Од она што го видов и сретнав, можам да кажам дека се срамам од каде потекнувам. По на што го гледам по улиците, по реките, по болниците, повеќе наликуваме на државата Сомалија отколку на која било европска земја. Не си верував на очите кога ја шетав мојата родна Битола. Жените на потпетици не можат да одат слободно по Широк сокак, се сопнуваат, паѓаат. Ромите во центарот на Битола се капат во фонтаната, а да не зборуваме за Битолската болница и за ѓубрето насекаде по градот. Тоа, навистина, е невиден срам", вели Стефан.
Отишол до Општината Битола и побарал да разговара со градоначалникот Владимир Талески, но и по еден месец, сe уште никој не му се јавил.
"Тука сум повеќе од 2 месеца и не можам да замижам пред она што го гледам, а богами и го мирисам во мојата Битола. Сакам да го прашам градоначалникот Талески што направи со неговото предизборно ветување дека ќе направел Битола да личи на големите градови во Австралија. Но денес Битола, за жал, повеќе личи на Сомалија, а многу е далеку од Австралија. Градоначалникот Талески го запознав како глумец пред десетина и повеќе години во Австралија. Можеби е најдобро да $ се врати на глумата, а да им ја остави Битола на тие што имаат визија за градот. Не знам дали нашиот премиер Никола Груевски знае што се случува во нашава Македонија. Не знам дали знае за корупцијата која овде во Битола, во државните институции, почнувајќи од полицијата, Болницата и други институции ја има на секој чекор", вели иселеникот Стефан Ѓеоргиевски, кој работи како маркетинг менаџер на австралиско-македонски неделник.
