Кај нас е практично и теоретски невозможно да се истражи семејното потекло на еден обичен човек со факти и документи.
Во Националниот архив имаат збирки со семејни и лични фондови на некои побогати фамилии од постаро време, но прашање е и тие колку се точни затоа што се направени исто со пресек, најверојатно и со усно предание, а и да користеле тогашни докази уште повеќе се ставаат под знак прашалник веродостојноста.
Дури и да се преведат и да се дигитализираат или на друг начин да станат достапни збирките и фондовите од отоманскиот период, или од црковните записи или од Кралска Југославија, пак мислам дека податоците нема да бидат корисни заради грешките во транслитерацијата, некористењето на презимиња, и најмногу затоа што податоците од пописите се исто податоци од пресек, без следење на движењата.
Туку мене друго ми е прашањето, што се постигнува со правењето на историско семејно дрво и барање на генеологија, отсекогаш на таквите луѓе сум гледал со резерва затоа што имам некој впечаток дека бараат на некој начин да си додадат значајност во животот.
Има нешто интересно, особено во САД и други држави од Англосферата каде податоците одамна им биле достапни, преку микрофилмови, сега и дигитално и секој еден можел да пребарува. Таму има обичај во барањето да се оди не само вертикално историски, туку и паралелно да се разгранува, особено кога наидуваат до ќорсокак, dead end, и така неизбежно доаѓаат до податоци за некој позначаен лик. Тоа е логично затоа што за познатите, позначајните луѓе има и повеќе податоци, и тие така барајќи презиме, барајќи податоци за личност од некое место, доаѓаат до личност која била позната, славна, а можеби и не била дури и поврзана со нивното семејство, и после си го инкорпорираат тој податок во семејната значајност.
На пример, одат наназад четири, пет генерации и преку прогресија доаѓаат до 20-30 прадедовци, и после доаѓаат до ќорсокак без податоци за некој, по што пребаруваат за нивни паралелни роднини, на пример браќа, или братучеди, и тука преку презиме доаѓаат до достапен податок за оние за кои и има, за позначајни од тоа време, и навистина АКО се фамилијарно поврзани, таа врска е незначајна, замислете можеби и нивниот прадедо преку кој дошле до врската не знаел за таа поврзаност, а не пак од денешен аспект.
Исто има и еден друг интересен фенемен, ако пресметуваме историски наназад колку предци имаме, за само неколку генерации ќе дојдеме до бројка која ќе е поголема и од луѓето кои биле живи на цела планета. Причина за тоа е испреплетеноста и поблиску или подалечно роднински бракови. Тоа се вика pedigree collapse и практично докажува дека порано или подоцна во историјата сите сме поврзани и роднини, особено оние кои живееле на едно место повеќе генерации.
http://en.wikipedia.org/wiki/Pedigree_collapse