Дали некој имал искуство со DUCRAY anaphase + шампонот? И да ми каже каде може да се набави.
Јас еднаш го користев меѓутоа помина доста време од тогаш и не можам да го најдам во продажба.
Инаку шампонот е доста квалитетен, е во вид на крема и е релативно скап, барем тогаш беше, сега не се сеќавам точно колку пари беше.
Инаку за Алпецинот и него сум го пробал. Ниту еден шампон нема во целост да го запре опаѓањето а уште помалку да стимулира раст на нова коса. Шампоните против опаѓање се повеќе како суплементи, додатоци во борбата против опаѓањето и се користат заедно со другите препарати.
Конкретно, во случајов за Алпецин шампонот, истиот е релативно добар, сигурно подобар од тешкине хемикалии од типот на "хеад енд шолдерс" како што членот над мене напомнал.
Дава некој подобар визуелен ефект кај косата, го прави влакното да изгледа поцврсто. Во основа неговото дејство е повеќе козметичко, го подобрува квалитетот на косата, им дава живост на тенките влакна и на тој начин остава подобар визуелен впечаток и тоа е се.
Не очекувајте дека еден обичен шампон ќе го запре опаѓањето а уште помалку дека ќе предизвика раст на нова коса, проблемот со опаѓањето е далеку покомплексен.
Шампоните против опаѓање се само еден сегмент од низата суплементи кои ви стојат на располагање и дури ни тогаш не постои никаква гаранција дека опаѓањето ќе запре.
Во суштина, третманите против ќелавост се скапа инвестиција, во голем дел нивната ефикасност е недокажана. Овој проблем е рудник со злато за фармацевските компании. Голем дел од препаратите кои се продаваат се уствари snake oil како што некој од членовите погоре кажа, поткрепени со големи буџети за рекламирање и маркеринг истите се промовираат како "чудотворни" лекови. Фармацевската мафија низ светот тежи милијарди а проблемот со ќелавост генерира дополнителни приходи преку очајот на оние кои патат од овој проблем и се спремни да платат колку што треба и не треба за да го решат проблемот, но' трајно решение за жал не постои.
Во најголем дел од случаевите третманите кои се до некаде ефикасни само го оддолжуваат проблемот, вие си купувате време, буквално.
Затоа повторно ќе речам, овој проблем е голем и не е само од козметичка природа па кој сака што сака нека вели.
Во време кога физичкиот изглед за жал се повеќе се цени, кога луѓето се ценат однадвор и тоа упорно се потенцира насекаде, по медиуми и социјални мрежи, на интервју за работа или пак да и пријдете на некоја девојка потребна ви е самодоверба. Имате само неколку секунди да оставите позитивен впечаток пред потенцијалниот работодавец или пред девојката која ви се допаѓа.
Сите овие работи се поврзани. Можеби од косопад не се умира но проблемот влијае поразително врз психата на 20 годишник кој живее во ова време, време на стрес и притисоци, постојано во трка за заработувачка и егзистенција, додадете го проблемот со опаѓање на косата згора на сето ова, па дури и ментално најстабилната личност ќе попушти.
Кај нас овој проблем тлее во позадина, малку се зборува за него што е разбирливо кога ќе се земат во предвид срањата во државава во кои сите заедно пливаме, но тоа не значи дека не е присутен во психата на илјадници млади кои страдаат од оваа состојба.
Можеби најдоброто решение е да се прифати ќелавоста како природна појава, да се ембрејсни и фокусот да се насочи кон попродуктивни работи.
Звучи добро, но кога ќе се земат во предвид сите работи кои ги спомнав погоре малку е потешко да се игнорира проблемот. Особено доколку се гледа од дистанца на денешниот стил на живеење и вредностите кои денес држат на цена.