Не се занесувајте Металург нема теорија да влезе директно во ЛШ. Прво, нема највисок рејтинг како што кажуваат нашите талентирани медиуми сигурно, тоа е Хамбург. Второ, дури и после Хамбург, рејтингот на еден клуб не се гледа само според последната сезона туку според последните две, три. Така и Монпелје сигурно е пред Металург, а можеби и некој од другите.
Реално има две опции како решение за ситуацијата:
1. Шпанска екипа да го замени Атлетико. Ова е поверојатната можност која и скоро сигурно ќе беше решение, да не беше и Адемар Леон во финансиски проблеми. Претпоставувам дека ќе им биде понудено ако сакаат да го заменат Атлетико, прашање е дали ќе можат да си го дозволат тоа и да прифатат. Ако Адемар одбие, потоа се отвара можност евентуално за Арагон, ама не верувам дека до таму би одел ЕХФ. Ако не е Адемар Леон претпоставувам дека нема да биде шпанска екипа.
2. Ако не е шпанска екипа тогаш претпоставувам дека ќе се оди на варијантата - "трето вајлд кард место". Една варијанта во овој случај е да не се игра вајлд кард турнирот и паровите Металург/Пик Сегед и Монпелје/Висла Плок да се третираат исто како германскиот пар - дома/гости. Друга варијанта е да се додаде уште еден вајлд кард турнир со оние кои не добија шанса да играат во него а беа пријавени. Ова е според мене помалку веројатно ама не и невозможно. Претпоставувам дека во ваков случај би имало и прерангирање на екипите и да се променат вајлд кард групите.
Како и да е, Металург "гратис" учество сигурно нема да добие. Ако сакаат ЛШ, ќе мора да ја заработат на теренот. А реално со новите засилувања, ако го задржат Станиќ и имаат среќа вајлд кард турнирот да не се игра во Франција или Унгарија имаат реални шанси за тоа.
Тоа е најбитно од изјавата.
