Најпрво да ја честитам победата а воедно и пласманот на СП, имаме одличен континуитет и само така нека се продолжи.
Тешка битка водевме со Чесите, според мене воопшто не беше лесно издвоена оваа победа, посебно во второто полувреме кога се повампири Мрква и почна да брани како луд, Чесите во овие моменти ја анулираа негативата на само -1 и лесно можеше да ни се случи сценариото од Чешка доколку Талески не реализираше за +2.
Секоја чест за Талески, во најбитниот момент превзема одговорност и ладнокрвно го матираше Мрква.
Кузмановски искина, 9 комада им стегна, една од најдобрите партии во националниот дрес, секоја чест за реализацијата од пенал, не однесе на СП дечкото, имаше страшно добри пробиви и топовски проектили, како Карабатиќ во најдобрите денови.
Големо изненадување беше Јагуриновски, превзема одговорност во исклучително битен момент од кој добивме пенал, а одличен беше и во текот на целата средба и во напад и во одбрана, само така нека продолжи, одлична утакмица имаше денеска.
Крилата на оваа средба разочараа, многу лош учинок од нив, многу фали Манасков, искрено во моментот не гледам некој ни приближно на негово ниво.
Нека му е со среќа првиот гол на Атанасијевиќ во националниот дрес, ама има уште многу работа со него, во првиот дел при шанса за контра тој реагираше лошо, не покажа воопшто експлозивност.
Како и да е, овој настап може да се оправда бидејќи детево прв пат игра на такво ниво, во иднина очекувам да прикажува подобри партии, иако во одбрана беше коректен.
Незгодни бекови имаат Чесиве, најголемата опасност се очекуваше да доаѓа од Клима и Кашпарек, посебно овој вториот, не уништи на ЕП 2020, ама овој левиот бек Патзел и десниот бек Пирош се изнаиграа денеска, пробивни бекови со одлично изработен шут од 9 метри, нашата одбрана мака мачеше со нив во второто полувреме, доста добро им одигра и Бабак, среќа што Митревски беше во елемент и им спречи доста удари.
Секоја чест и едно големо благодарам за Миркуловски, со жар ја одигра оваа средба, исто како и во најдобрите денови, иако товарот го понесоа Кузмановски и Талески, сепак Миркуловски добро си ја заврши работата, доволно од играч кој има 39 години, онака менторски.
Ти благодарам мајсторе, да си жив и здрав и се најдобро во тренерската кариера.
Се шокирав кога прочитав дека и Столе најави крај на репрезентативната кариера, во таква голема победа и во моменти за славење не сакам да прифатам дека овие борци повеќе нема да бидат дел од репрезентацијата, има време за една година ќе го убедат Столе, нека не му ја прифаќаат оставката
, незамисливо е да се гледа ракометната репрезентација без него.
Уште еднаш нека е честито пласманот на СП, заслужено се пласираа момците и се надевам на што подобар ждреб.