Психоанализи на форумџии, аватари, потписи...

[Ливерпул фан]

Штом се работи за живот, не си играм играчки, ќе биде

Ај глеј да биде во оваа година

ЕДИТ: чекам ја, уште чекам ...

 

[G@rfielD]

Сакам од Гарфилд или од Серпико или од некој што е расположен!!!Плиииииссссссс

Вечер коа ќе дојдам од чаршија, давам збор!

 

[Fantom]

Ај за мене од три-четворица?

 

[G@rfielD]

Драма Куин
​

Уште со првиот твој пост, ми остави впечаток на кул, уредна, паметна и шарманта членка, што не се сомневам дека си. Одма се адаптираше на форумов и сите те прифатија таква каква што си, сето тоа за многу кратко време. По постовите кои ги пишуваш може да се примети дека секогаш си спремна за добра комуникација во било кој подфорум. Не се сомневам дека имаш многу другари и другарки, бидејќи таквите како тебе секогаш се обколени со другари. Имаш одбрано добра патека на живот, од која не одстапуваш. Што повеќе те читам на форумов, се повеќе заклучувам дека имаш свои цврсти ставови за кои секогаш се држиш и не се одтргнуваш од нив. Одсекогаш си ми седела како отворена, комуникативна и директна личност. Се немаме подобро запознаено, па затоа не можам ова да го потврдам, а баш би сакал да се запознаеме. Се надевам на собиранката ќе дојдам, па и лично ќе се упознаеме.

 

[Billa Bong]

Ај за мене од три-четворица?

Вил би мај плежер ФиЉо

Фантом

Фантоме ти си една како да кажам променлива личност...

Некогаш знаеш да бидеш толку добар и смирен но во исто време и многу голем "гомнар" во права смисла...

Вака што те знаев по нет..добродушен,искрен и пред знаев дека си многу смешен...така и беше кога те запознав во Охрид...

Охриѓанец во срце,,човек кој го признава само неговиот роден град..
Ти си човек кој е уверен и верува во себе...

Го сакаш и се разбираш во фудбалот,затоа и си модератор таму..

Се би дал да победи Челзи..ако не го прави тоа...ќе те цитирам што пишуваш како топик на мсн...
"Ако некој ме дупит за Челзи,ќе ојт на блок доживотно"(така нешто беше)...
Опседнат си со менаџерските игри...една од нив Хеттрик,добро е сега се смири малце..порано како шашардисан беше,"Ај пер да играме пријателска","Еј пер ќе те ломам следнава година"...

Го обожаваш Мајкл Џексон и Кис во едно...сакаш да ги слушаш нивните одлични песни..такви ти се и аватарите во последно време...сакаш журки и забава,сакаш пивце и девојки...

Те запознав претходнава година во Охрид,додека бев на одмор...

Топ чоече си...од прво не те познав ти текнува?
Доаѓам се поздравував со Коки,Оли,Водка и уште некој беше ти седеше на страна и ме гледаш онака попреко..
И после ми текна се вртам и Фантом
Додека ме шеташе низ град разговаравме само за тој посран хеттрик...
На мсн во последно време не ни оде разговоро...се надевам дека на собиранка ќе напраиме еден асален моабет






​

 

[Drama Queen]

Драма Куин​

Уште со првиот твој пост, ми остави впечаток на кул, уредна, паметна и шарманта членка, што не се сомневам дека си. Одма се адаптираше на форумов и сите те прифатија таква каква што си, сето тоа за многу кратко време. По постовите кои ги пишуваш може да се примети дека секогаш си спремна за добра комуникација во било кој подфорум. Не се сомневам дека имаш многу другари и другарки, бидејќи таквите како тебе секогаш се обколени со другари. Имаш одбрано добра патека на живот, од која не одстапуваш. Што повеќе те читам на форумов, се повеќе заклучувам дека имаш свои цврсти ставови за кои секогаш се држиш и не се одтргнуваш од нив. Одсекогаш си ми седела како отворена, комуникативна и директна личност. Се немаме подобро запознаено, па затоа не можам ова да го потврдам, а баш би сакал да се запознаеме. Се надевам на собиранката ќе дојдам, па и лично ќе се упознаеме.

Супер анализа...фала за убавите зборови и се гледаме на собиранката ако дојдам и јас!:back:

 

[Crazy in Love]

Drama Queen

Е па значи еве ја мојата ветена анализа, бидејќи сега најдов време.

Значи вака: Најпрвин кога те запознав, ми изгледаше малку сериозно, нерасположено а и те немав многу заприметено на форум.
Подоцна почнав да ги читам твоите постови и во многу од нив и се имам пронајдено.
Мислам дека се девојче кое пред се внимава на надворешниот изглед,сакаш секогаш да си средена и ти годат комплиментите кои ги добиваш за твојот изглед.Прилично си самоуверена и јака личност,имаш самодоверба и се сакаш себеси.И не ти е грижа дали некој ќе помисли дека си нарцис.
Ми се допаѓа твојата одлучност.Ако пресечеш нешто или ако одлучиш нешто ,тогаш тоа е дефинитвно и крај.Не си од оние како ветар што ги менуваат своите ставови.
Не провоцираш,не се караш прва,но затоа ако некој ти нагази на нерв,знаеш да бвидеш опасна и импулсивна и избувлива.
Знаеш како да се бориш за себе,знаеш како да се снајдеш и да ги оствариш своите интереси.
Но,сепак мислам дека имаш кревко срце.Сепак имаш и ранлива страна која што малкумина имаат можност да ја видат.Сакаш да се заштитиш себе си од повредување и страдање и знаеш да ставиш ладна маска,но сепак во суштина си многу фино и весело девојче.
Сакаш да веруваш во љубовта.Мечтаеш за човек кој ќе те сака,почитува и кој ќе те третира онака како што заслужуваш.Некогаш имаш премногу високи идеали.Тоа е супер,само што има многу злобни луѓе на светов кој се ќе направат да ги урнат идеалите и да те уништат тебе.
Но,гледајќите и читајќи те,сигурна сум дека си вистински борец и дека сите тие злобни усти нема да дозволиш да те повредат.
А имаш уште да се развиваш како личност.Само продолжи во овој правец и сигурна сум дека уште многу ќе напредуваш.

 

[ada]

Крајот на оваа година, на оваа тема ќе го крунисам со една аматерска анализа, која повеќе би ја нарекла едно мое лично и поопширно мислење за мојата најфорумџика во позитивен поглед за 2007 - ада.

Малата весела и палава девојка ми привлече внимание од самиот нејзин почеток на форумов. Не случајно кажувам мала. Ми се допаѓа начинот на кој самата си го потенцира тој "недостаток", со што ми е уште послатка и ми дава право токму со тој збор нагалено да и се обратам.
Ја има таа способност да е реална, да не живее во илузии дури и на интернет - таква каква што не е и во свет кој не постои.
Нејзината интелигенција ја издвојувам од другите не затоа што е единствена туку затоа што ја прикажува на уникатен, посебен, несекојдневен начин. Никогаш не сум забележала да навреди некој што не е на нејзино ниво или да се наметнува и болно да се труди да се истакне и докаже пред другите. Со секој човек знае да најде заеднички јазик и на секаков начин да се изјасни. Најчесто тој начин е совршено едноставен, со што не ги заморува луѓето да ја читаат или слушаат. Нејзините ставови се секогаш толку јасни, толку цврсти и толку издржани, што не даваат простор за понатамошна дискусија.
Сето тоа за неа ми кажува дека е многу едноставна личност со многу животни искуства од кои научила доста, многу добро изграден карактер, подвижна литература и едноставно прекрасна девојка.
Во животот, сум добила впечаток дека ужива толку колку што реално може - ни повеќе ни помалку. Се радува и знае како да ги прифати убавите работи, а тагува и знае како да сочувствува со лошите. Не е човек што може неконтролирано да се изгуби во својата среќа, а ни човек кој би западнал во депресија од проблемите и несреќите. Имам заклучено и дека не е егоцентрик, кој по секоја цена се става себе си на прво место. Храбра е доволно за да се избори за тоа што го сака и и` припаѓа, но не ги занемарува и повредува другите на патот до својата цел.
Нејзината комуникативност, отвореност и живост се неодоливи карактеристики за околината. Со тоа стекнува безброј познанства, од кои голем дел (се надевам) завршуваат со искрени другарства. Велам се надевам, бидејќи знаеме колку опаѓа процентот на вистинските другарства, па верувам дека една ваква личност тоа не го ни знае или барем помалку го доживува.
Морам да ја нагласам и нејзината неспособност за предрасуди. Неспособност која во мои очи е поголема од секоја друга способност за било што. Но, не верувам дека таа лично тоа го смета за нејзина доблест, впрочем како и се` друго ... дел е од неа, така живее, па затоа и не и` придава посебна важност.
Љубовта кон животните на некој начин ми ја отсликува хуманоста кај човекот. Ада и тоа го има, па што повеќе и треба?
Толку разумна личност, исто можам да заклучам дека е способна за љубов и точно може да процени што е љубовта, како и дека ќе ја препознае без проблем онаа вистинската. Тогаш кога ќе се случи тоа, ќе биде повторно паметна да знае што да прави со неа, како да ја задржи, а и како да се бори за неа за да не ја изгуби, знаејќи дека не смее да си го дозволи тоа. Нема да кажам дека ќе е среќник нејзиниот принц. Среќници ќе се и двајцата, затоа што ќе си се еден на друг тоа што подеднакво го заслужуваат. Со тоа не целам кон некое совршенство ... туку да не должам и за тоа, ада ќе ме разбере.
Голем човек е поради сите овие работи, кои се само дел од неа кој јас го гледам. Сигурно тоа што не го догледувам е уште поубаво, па затоа ми зафаќа посебно место во моето срце.

Малечка, немам за тебе ниту една, макар добронамерна забелешка. И ситуациите и нештата околу кои дискутираме на форумов, кои јас лично не ги прифаќам, ти знаеш да направиш да изгледаат поприфатливи и поубави. Да не кажувам колку многу и може да се научи од тебе ...
Остани таква и имај ги секогаш најдобрите работи, затоа што ништо помалку не заслужуваш.:smir:

п.с. Иначе, јас како голем љубител на џиџани аватарчиња и потписчиња, за големо чудо кај тебе истите воопшто не ги забележувам т.е. не им придавам значење. Не дека не се сеќавам што се си имала, но едноставно не допираат до мене покрај твоите мислења. Затоа анализава не ми се сведува на нив.

Не сакам да пишувам коментари на анализи наменети за мене, но ова е случај во кој тоа ќе ми биде задоволство(а, и најмалку што може да направам за возврат).
Ова беше најизненадувачката и најсодржајната анализа која некој ми ја направил(дојде баш како убаво новогодишно подароче ). Наидов сега на нејзе, кога случајно ја прелистував темава, а фактот дека е направена само-иницијативно и тоа од личност која исклучително ја почитувам и ми е драга, ми ја прави анализава уште помила.
Начинов на кој ги протумачи различните аспекти од мојата личност, па сите убави зборови..сето тоа ме збуни, изненади, пријатно потресе и израдува (нејќам да испаднам лигла, али ќе си признаам...и очиве ми се поднасолзија-од радост нормално:kesa...А како и не би, кога прекрасно е чувството да го слушнеш мислењето за тебе на некој што го цениш.
Да не замарам и забегам ептен во патетика...Дивајн едно огромно благодарам за одличнава анализа. :back::smir:

 

[leandra]

Јас едно време побарав од Форнч,Ада и Псај,ама во 2007 не ми ја исполнија желбата Ајде и во 2008 да побарам може ќе се смилуваат

 

[aquarius]

А мене кој ќе ме анализира?

 

[Saladin]

Ај јас да се навратам на ветеното зашто после празниците нема да видам бел ден. Значи вака... ќе ја анализирам Razorblade kiss (и` имам ветено од поодамна)

Ги анализирав постовите и заклучив многу работи.
Пред се мистериозноста е доста присутна кај тебе. Интересно - сакаш човекот скоро секогаш да го ставаш во размислување, да го тераш да ги употребува сивите клетки. Се сметаш за едноставна личност, хмммм не знам баш дали ова се надоврзува со она горенаведеното но можеби мислеше за тоа како сакаш да ги решаваш проблемите. По се` изгледа ќе е ова второво . Не сакаш да запаѓаш во проблеми, секогаш ги решаваш најпрво анализирајќи ги (со ладна глава) потоа поаѓајќи од самата себе. Некогаш ги увеличуваш што ме доведува и до мислењето дека имаш некој страв од неуспех - колкав не знам. Совет: Ок е да имаш страв но сфати ако не го пребродиш самата, проблемот може да стане поголем.
Друго што забележав е дека знаеш да исчезнеш од групата луѓе. Истотака некогаш сакаш да си сама. Не си некоја интровертна личност но не сакаш премногу да се покажуваш на светло. Можеби се работи за некое изгорување или вродено не забележав. Како и да е, ок е ако е во рамките на границата.
Фотографско памтење хммм.....ги забележуваш работите такви какви што се, повеќе си настроена на работите по облик а не по дефиниција (памтиш човек по лик а не по име)- овдека забележувам дека повеќе си настроена по логично размислување а не на памет.
Уметнсота е целокупно зафатена во секоја гранка од твојот живот, во се гледаш убавина (да разрешам убавина не мора да е нешто убаво туку исто како топлина во физиката). Се занимаваш со пишување на поезија и проза па дури и црташ. Ја равиваш креативноста што тука пак ме доведува на горенаведеното - логиката. Ах да и левак си . Музиката делува многу на психата, ја користиш како лек.
Тврдоглава си... имаш изградено свои ставови, размислуваш со своја глава. Не е лошо се додека не почнеш од црното да правиш бело. Мрзеливка си троа (ах тие пусти пижами ) За ова не ти знам никаков лек (и јас сум заглавен во мрзата) .
За љубовта не веруваш во real love. Се е до заедничките интереси. Веруваш дека таа сама доаѓа не треба да ја бараш. Пак се доведува прашањето “Дали треба да се бориш за љубовта?’’ Па некогаш кога е пред самата врата треба да ја отвориш вратата. Минимален труд сепак треба, сега не викам да пливаш мориња и да се качуваш по брда за да го најдеш принцот но...ако ти се покаже прилика и нормално ако има хемија од двете страни вреди да “отвориш врата’’.

Толку успеав да извлечам од постовите (те нема на МСН веќе)
За сите примедби слободно кажи ми каде згрешив, баш ме интересира. Извини што сум малку критичен.:smir:

 

[Antagonist]

(дојде баш како убаво новогодишно подароче ).

Ада...Ај и за мене еден новогодишен поклон

 

[TpH_Bo_OkO]

баш ме интересира трето мислење за мојот психо онлајн профил...?

 

[Apokalipto]

ај едно нека биде кај мене не мора 3 и некни побарав (лани) ама ништо дали ќе може некој..

 

[ada]

баш ме интересира трето мислење за мојот психо онлајн профил...?

Еве јас како психолог, психијатар, гуру, видовита и слично во слободно време( у превод кога неам попаметна работа), ќе ти го дадам своето мислење.
После долго набљудување (долго како 2-3 минути) на твојот профил, аватар и потпис, ги повикав на помош вишите сили, гледав во талог од кафе, се консултирав со колегата Сашо Фактор X и дојдов до следниов заклучок.
Ти боледуваш од хипо конгнитивна дисонанца придружена со хипер осцилирачка неуро трансмисија на 40 херцни бранови, што создава состојба на акутни бета бранови и неможност за достигнување на алфа состојба. Овој редок синдром, ако не се третира на време, може да прерасне во хронична состојба. За таа цел би ти предложила терапија со комерцијален хип-хоп, српски и бугарски родољубиви песни и развивање на љубов кон грчката култура ем грчката надворешна политика. Тоа би ти помогнало да не осеќаш гнев, бес, потреба за промени и да бидеш среќен дел од стадото.

А сега она што јас, позната како Ада, стварно го мисли . Те читам на форумов, но бидејќи не си член кој сака да збори многу на теми од типот на во врска со љубовта, самоанализа, што јадевте денес, дали сте среќни и слични себе-откривачки ствари, не можам да склопам некоја попрецизна слика.
Сепак од моите лични претпоставки и асоцијации, би рекла, пред се, дека си затворена личност кога се работи за покажување на емоции. Ти треба многу пред да се осеќаш удобно да му се отвориш на некој.
Животот веројатно ти приредил тешки "сопки", и тоа поставени од особи кои си ги сакал и си ги сметал за блиски, па за да се заштитиш, со тек на време, си си створил "огради" и голема доза на недоверба. Поради тоа претпоставувам дека на прв поглед делуваш како некој срамежлив и повлечен.
Но, тоа не значи и дека си мирен и тивок тип на човек. Баш напротив, сметам дека во тебе тлее голем немир и бес. Среќна околност е што си успеал тој немир и бес да ги канализираш во нешто конструктивно. Креативноста и свесноста за општествените и политичките случувања се твојот "вентил". А тоа е исклучително позитивно. Имено, во време кога вечином енергични млади луѓе го празнат својот немир преку хулиганство, џаначење и дивеење по биртии, ти си избрал далеку по конструктивен и суштински модел за празнење, односно си ја насочил својата енергија и си го трансформирал својот немир во нешто што е општествено и национално корисно.
Чувствуваш обврска да повикаш на освестување, а твојата креативност и широки познавања ти даваат можност за тоа. Само внимавај да не ти се случи гледајќи кон шумата да ги заборавиш дрвјата, т.е давајќи се себе на општи идеали, да останеш празен и истрошен за оние блиските околу тебе. Затоа што до сега се покажало дека сите оние кои се трудат да ги средат меѓучовечките односи во широк контекст, остануваат со не-средени лични и интимни односи. Сепак, убедена сум дека поседуваш доволно големо срце и доволно енергија за да успешно балансираш и со двете нешта.

Да скратам...Отскокнуваш од просечната слика за форумџија, а и онаа за просечнот македонски млад човек(ова со позитивна конотација). Интелегентен, освестен и креативен си без сомнеж. Значи ги имаш сите карактеристики на луѓето кои се способни да направат промени. Се надевам дека жарот и мотивацијата кои ги поседуваш нема да згаснат.:smir:
Ада се одјавува:salut:

П.С Да не заборавам...Во љубовта го чекаш принцот на бел коњ..Или прицезата на пони облечена во корсет..Или како и да беше