Протести против поскапувањата на струјата, парното, бензинот...животот! [вторник, 18 ч.]

[VoniVaraS]

Дај подобјасни каде треба точно да се оди во општина, во кое одделение, сектор. Што треба да им кажеме на теткиците што работат таму за да не ни бараат 200 грама кафе?

Лично сметам дека протестите треба да се стават во мирување, прашањето е пренесено на институциите на системот и треба да се чека одговор од истите.

Во секоја општина има подрачни единици (најчесто една канцеларија) од сите министерства.
Во канцеларијата на министерството за правда или соседната на ДИК (државна изборна комисија) ќе има посебни обрасци на кои што треба да се напише име презима матичен број и своерачен потпис. На вратата ќе има залепен лист со известување од типот „Собирање на потписи за иницијативата...“
Овие 100 потписи беа само за да се одобри иницијативата сега е битно да се соберат овие 10 000.
Ќе може се потпишете во сите општини низ државата, но тоа мора да ви е местото на живеење односно да ве има во избирачкиот список од соодветната општина. Избирач од Берово на пример го нема во избирачки список во општина Дебар, ме разбирате.
За да ја најдеш соодветната канцеларија ќе си прашаш на пријавница. Ја наоѓаш канцеларијата, тропаш на врата „добар ден, добар де, јас дојдов да се потпишам“. Тетката во мојот случај девојката те пронаоѓа во избирачкиот список (според матичен број) и ти го подава листот. Се потпишуваш, фала многу пријатно и завршена работа. Доволно јасно или треба уште ојаснување.

Протестите не е пожелно да се стават во мирување туку напротив треба да се омасоват. Секојдневно се зголемуваат цените на енергенсите, денес поскапе пак бензинот на пр. Ако не се врши “притисок“ процедурата може да се одолговлечи до бескрај, не локални, може следни парламентарни и нов состав да дочека ако не се притиска. Ако ви е убаво со поскапувањава седете дома и чекајте да се смилуваат од парламентот и да покажат интерес за реалните проблеми на луѓето.
Иницијативата за законов е поодамна покрената низ институциите но сеуште не е ставена во процедура на расправа. Со собрани 10 000 потписи како подршка, ќе се бара во предложените измени на законов да влезат и барањата на здружението АМАН. Без овие потписи кој ќе ги обврзе пратениците во комисиите да дебатираат по овие барања???
Без протести како ќе се анимираат и запознаат граѓаните да ја подржат иницијативата за собирање на овие потписи???
Со целосна изолација од медиумите, не одделуваат ни време колку да известат за протестот не па да направат прилог и да пуштат некоја изјава од собраните граѓани.
Потребно што помасовно собирање во саботите и се поголемо залагање на сите кои што ја подржуваат оваа иницијатива која не засега сите. Скапотијата не бира пол, националност, вера или политичка припадност.
Не е доволна само виртуелна подршка туку и физичка, со присуство на протестиве. Протестиве се мирни, не насилни и со конкрето посочени проблеми и институции кои треба да ги решат тие проблеми на граѓаните. На овој протест и иницијатива не е можно да и се залепи етикета “политичка позадина“ бидејќи скапотијата не е политичка платформа на ниедна партија.
На овој протест не е можно да се организира контра протест. Кој будала ќе протестира „Сакаме да платиме“ (К15 ви текнува)

ДОЈДЕТЕ СЕКОЈА САБОТА во 12.00 ч. на плоштадот пела, пред регулаторна енергетска комисија (веднаш до порта Македонија).

 

[Plavooka]

Потписи за намалени струја и парно

понеделник, 22 октомври 2012, 15:16


Пратениците замолкнаа пред иницијативата на граѓанската АМАН за измени во Законот за енергетика. Власта и опозицијата не сакаа да дискутираат за скапите парно и струја, спорните правилници на Регулаторна, новите сметки за граѓаните за услуги кои не ги користат. Преставниците на АМАН низ некои комисии ја правдаа иницијативата за референдум – сите пратеници со гласање потврдија дека првите 100 граѓани им се законски потпишани. Според законот ќе следува новата фаза – неопходни се 10 илјади потписи.

“Бевме поттикнати од зголемувањето на струјата и на парното и од незаконските правилници“ - изјави Зорица Димовска од граѓанската иницијатива АМАН.

Измените во Законот за енергетика предвидуваат три часа дневна евтина тарифа за струјата, можност граѓаните да се исклучат од парното на Топлификација, да се укинат сметките за греење за граѓаните кои не се корисници на парно – со тоа да се спречат правилниците на Регулаторна.

Со оглед дека не им се зборуваше за иницијативата, по излагањето на преставничката на АМАН, на пратениците им остана да заклучат дека ќе го известат претседателот на парламентот дека првата фаза од 100 потписи е завршена.

Трајко Велјановски, според процедурата ќе ја извести Државната комисија, која пак ќе отвори места за собирање на потписи цела држава – граѓаните ќе имаат рок од три месеци да се потпишат за поевтини струја и парно.


Извор: Алфа ТВ

 

[Смрт за зони и пајак воз.]

Краток преглед како Топлификација за 300% го поскапе парното и зошто неоходно Протестот да продолжи.
Во грејната сезона 2007/2008 месечната цена за затоплување на еден метар квадратен станбена површина, заедно со ДДВ, беше околу 27 денари. И тогаш, таа цена тогаш воопшто не беше ниска. Во таа грејна сезона Уставниот суд донесе две Одлуки со кои оваа цена на Топлификација се намали. Но и според таа цена од 27 денари, за станот во кој живеам ( 72 квадрати ) требаше да се плати 1956 денари месечно. Сега за истиот стан цената е 5833 денари месечно, што представува покачивање од 300%.
Сега ќе објаснам од каде потекнуваат тие 300%.
Топлификација, почнувајќи од грејната сезона 2007/2008, наметна мерење со калориметри. Тоа мерење воопшто не е мерење туку измама и кражба.
Регулаторната комисија во прво време се спротивстави на наметувањето на овој начин на мерење. За да се уверите во ова, погледајте три написа во Дневник објавени во јуни 2008:
Дневник 26. 06. 2008.
http://www.dnevnik.com.mk/default.asp?ItemID=04B3D500A9C19E4380B73ECCD26AE28AДневник 27. 06. 2008
http://www.dnevnik.com.mk/default.asp?ItemID=D6236DD3B4E7694ABD23A80E98476212Дневник 26.06.2008http://www.dnevnik.com.mk/default.asp?ItemID=98F28BCBDE5EDA468DF3351DF5DB84EF

Но Регулаторна не превзема ништо. По неколку месеци „ си легна на брашното “ и како ништо да не било, Топлификација продолжи да си тера по свое со калориметрите. Првата година кога е користен овој начин на мерење речиси да остана не забележан ( 2007/2008 ). Таа година, тој начин на наплата е применет само на околу 2000 станови. Од друга страна Топлификација, поради одлуките на Уставниот мораше да враќа пари така да на тој начин дојде до „ компензација “, па многумина не забележаа за што се работи.
Сите граѓани почнаа да добиваат такви сметки од грејната сезона 2008/2009. Првите такви сметки се доставени на крајот за декември 2008 и тие беа просечно 100% повисоки. Реакциите на граѓаните, за ваквите сметки, се слушнаа од кога ги добија декемвриските сметки, во јануари 2009. Погледнете како весниците известуваа за тоа во јануари 2009:
Алфа Телевизија 15. 01. 2009 http://www.alfa.mk/default.aspx?mid=37&eventid=4268
Дневник 03 02. 2009 http://www.dnevnik.com.mk/default.asp?ItemID=8109E9EE1421D144B63D6D9A7C49637B
Дневник 15. 01. 2009
http://www.dnevnik.com.mk/default.asp?ItemID=2E7B4526B3D4144C8E3069A230C55C39
Можете да видите дека Топлификација, во тоа време, за таквите сметки ги обвинуваше „ дивоприклучените “, а граѓаните ги упатуваше да се жалат на куќните совети.( бидејќи тогаш имаше мал број исклучени )
Количеството на топлинска енергија што еден ист стан ќе ја потроши секоја наредна грејна сезона е исто како во претходните сезони. Тоа е општо позната вистина и се должи на фактот да просечната надворешна сезонска температура воопшто не се менува. Но и во наредните три години продолжи истата пракса – сметки за 30; 50 или 100% повисоки од претходните, според некакви „ поравнувања “ на калориметрите. Десет илјади граѓани се исклучени во меѓувреме, за да се спасат од ваквите сметки. Ништо не се смени, никој не го запре „ мерењето“ со калориметри. Единствено што се смени, е што за таквите сметки, Регулаторна и Топлификација почнаа да ги обвинуваат „ исклучените “, наместо „ дивоприклучените“ , бидејќи бројот на „ исклучените “ се зголеми.
Еве како за тоа известуваа медиумите на почетокот на 2012:
Напис во Сител 11. 01. 2012.
http://sitel.com.mk/dnevnik/biznis/shokantni-smetki-za-parno
Плусинфо од 10. 01. 2012 http://www.plusinfo.mk/vest/29293/Shokantno-Smetkite-za-parno-povisoki-za-45-otsto
24 часа вести, на 11. 01. 2012., извести дека сметките се повисоки за 50%
http://www.24vesti.mk/index.php/ekonomija/296-ekonomija/3587-------50
Во оваа ситуција Регулаторна „ најде решение “ – мерењето на Топлификација е ОК, граѓаните да ги платат сметките, за се се криви „ исклучените “ и мора да се натераат да и тие плаќаат.
Погледнете како за ова известија медиумите:
Дневник 17. 01. 2012 http://www.dnevnik.com.mk/default.asp?ItemID=CCD153E9F48389488F3CE01B2097F9C7
Канал 5, 17. 01. 2012. http://www.kanal5.com.mk/default.aspx?mId=44&eventId=85768

И така Регулаторна ги донесе Правилата според кои исклучените треба да плаќаат.
На кратко ќе резимирам, бидејќи делото е повеќе од грозно: Топлификација, без било каков правен основ, наметна мерење кое не е точно и које покажува постојано плус во корист на Топлификација и со кое ги покачи сметките за 300%. Регулаторна не превзема ништо да ги заштити граѓаните од „ мерењето “ со калориметри, граѓаните масовно се исклучија за да се спасат од ваквите сметки и сега Регулаторна донесува Правила со кој се присилуваат граѓаните да повторно склучуваат договори со Топлификација,за да повторно бидат мамени и ограбувани.

 

[@cool@]

По повод хистериите околу парното во Софија се родила следната забавна историја: “Оди еден корисник на парно кај директорот на топлификација и му носи плишано мече - му го нуди -му предлага да го купи за 30 лева . тој го прашува зошто, а граѓанинот најспокојно му одговара:”Затоа што сум ви го донел .”
Следниот ден останатите корисници на парно од зградата (веќе во претходен договор) еден по еден одат и му нудат на директорот на фирмата да купи различни непотребни предмети по неприлично високи цени со објаснување, ете.штом ги донеле веќе кај него, тој треба да ги купи, инаку ќе му го земат станот или ќе го дадат на суд... Нели и тој така им ги нудел услугите од топлификација – без да ги праша дали сакаат или не да го користат парното и бара да платат без исклучок..”

 

[Рудници и]

ОД „АМАН“-ПРИЛЕП ЌЕ ГИ ТУЖАТ РЕГУЛАТОРИТЕ И ЕВН

Претставниците на прилепскиот огранок на граѓанската иницијатива ``Аман`` до петок ќе поднесат тужби во Основниот суд во Прилеп против Регулаторната комисија и против ЕВН.
Целта им е, во услови на голема сиромаштија, на сметките за струја да биде укината додадената моќност од 33% и да се врати ефтината тарифа, со кои, граѓаните се ограбени, рекоа на денешниот прес иницијаторите од ``АМАН``.
- Тужбата е подготвена и во петок ќе се поднесе во Основниот суд. Тужбата ќе биде насочена кон Регулаторната комисија и кон ЕВН за бесправно богатење и измама на граѓаните- рече на денешниот прес Влатко Ристески, претставник на прилепската иницијатива на ``Аман``.

Повикувајќи ги на утрешниот собир масовно да излезат сите незадоволни и социјално загрозени граѓани, од Прилеп иницијаторите упатија апел до премиерот Груевски и до Владата, по примерот на Бугарија, да ги заштитат од поскапување основните прехранбени продукти.

- Премиерот Никола Груевски да излези со поддршка за граѓаните, за сиромаштијата, како што излезе премирот во Република Бугарија и ги заштити дваесетте основни продукти за потрошувачка, меѓу кои, се маслото, лебот, брашното, шеќерот итн. Дваесет продукти се продаваат по иста цена и не смее никој да ги поскапи- рече Ристески.

Од прилепескиот огранок на ``Аман``, на министерот за економија Сарачани кој за оваа проблематика се залага за следење на европските трендови, му порачаа дека граѓаните со вакви примања и вакви сметки за струја, се далеку од Европа.

Извор: Алфа / Автор: Петар Стефановски

 

[Смрт за зони и пајак воз.]

За утрешниот Протест се очекува врнежливо време со температура од 16 степени и умерен југоисточен ветар
http://www.ilmeteo.it/meteo-europa/Skopje?refresh_ce

Но и покрај врежите јас ќе протестирам, бидејќи тоа ми единствена можност да се одбранам од сметките на Топлификација.
Со донесувањето на Правилата, Регулаторна и овозможи на Топлификација да ни наплатува колку сака за ништо. Сметките ќе дојдат во почетокот на ноември
Еве што ни подготвува директорот од Топлификација Методија Стојчевски:
Исклучените ќе плаќаат само за оние денови кога ќе биде вклучено греењето. Сметки ќе добиваат заклучно со април, односно до крајот на грејната сезона. Оние корисници што ќе одбиваат да ги плаќаат сметките, ќе ги тужиме и ќе ги наплатиме долговите со извршител. Ние, во принцип, за неплаќање сметки тужиме два пати годишно, но кога има случај на корисник кој не плаќа во континуитет, поднесуваме и поединечни тужби. Исклучените корисници ќе ги чекаме со најмалку три неплатени сметки, пред да ги предупредиме да го платат долгот, по што ќе поднесеме тужби", вели Стојчевски.
http://www.vest.com.mk/default.asp?ItemID=976E9DAFD50010479A243CA0789B15C0
Ова е адресата на која можете да ја прочитате целата изјава

 

[Смрт за зони и пајак воз.]

Во Плусинфо има напис: Хелсиншкиот кМоитет соопштил:
Регулаторите ги признале грешките
http://www.plusinfo.mk/vest/63376/-Helsinshki-komitet-Regulatorot-gi-prizna-greshkite--

 

[Смрт за зони и пајак воз.]

Во Вечер афирмативен напис за АМАН:
Аман го ниша Законот за енергетика:
http://vecer.com.mk/?ItemID=272F485EC8E5B94C8579B2E4538A1863

 

[Смрт за зони и пајак воз.]

Денешниот протест помина во извонредна атмосфера. Договоривме дека ќе протестираме се до исполнувањата на сите барања.
Имавме разбирање за сите која сака да дојдат а не можеа да дојдат поради дождот. И ние не поќиснавме бидејќи бевме под Триумфална
Следната сабота се гледаме....

 

[Смрт за зони и пајак воз.]

Во Плус инфо е објавена вест, дека на некој Активист на АМАН му се заканувале. Дали знаете нешто повеќе?
http://www.plusinfo.mk/vest/63900/Zakani-po-zhivot-za-aktivist-na-AMAN

 

[Смрт за зони и пајак воз.]

Деновиве во повеќе медијуми е објавена вест дека е формирана некаква : Групација за енергетска ефикасност и производство на енергија
Еве во Дневник:
http://www.dnevnik.com.mk/default.asp?ItemID=2424B835F8CF94419248FEA3756FF48A
Еве на страницата на Енергетска ефикасност
http://energetskaefikasnost.info/grupacija-za-energetska-efikasnost-i-proizvodstvo-na-energija/
Еве на Тајм. мк каде има наведено повеќе медиуми кои пишувале за ова.
Моето внимание го привлече една реченица со која се објаснува зошто се формира ваква Групација: Еве што велат основачите зошто е формирана оваа „ групација ’

идејата е да се артикулираат односите меѓу реалниот економски сектор во енергетиката и институциите кои со закони и подзаконски акти ја регулираат целата материја.
#

​

​

Изгледа овие сакаат исто како ЕВН и Топлификација да во Законот за енергетика вметнат одредби па да прават што сакаат.
Ова е уште една причина да собереме потписи за измена на Законот за енергетика. Бидејќи законите постојат ради заштита на правата на човекот и граѓанинот, а не ради заштита на бизнис интересите на претпријатијата и сите тие околу нив што се богатат на грбот на Народот продавајќи ни лаги. И кои постојано тврдат дека енергијата е многу ефтина и треба уште да поскапи

​

 

[Смрт за зони и пајак воз.]

Во моментов, Собранието на РМ, ја разгледува интерпелацијата на претседателот на Регулаторна. Гледајте или на телевизија или на интернет каналот на Собранието.
Сега, во 14 Собранието е во пауза... Седницата по интрепелацијата ќе продолжи в0 15,05

 

[Смрт за зони и пајак воз.]

Собранието продолжи со расправата за интерпелацијата
Да видиме дали нешто ќе расправаат конкретно
--- надополнето: 1 ноември 2012 во 17:33 ---
Во Плус инфо има вест дека Преседателот на Собранието не им дозволил Претставниците на АМАН, од галеријата да ја следат интерпелацијата.
http://www.plusinfo.mk/vest/64228/Veljanoski-ne-go-prima-Aman-na-gosti-vo-Sobranie

 

[Смрт за зони и пајак воз.]

Собранието не ја усвои интерпелацијата за работењето на претседателот на регулаторна.
Мислам дека треба да продолжиме со Протестот
Тие луѓе ја укинаа дневната тарифа и со тоа ја поскапеа струјата, не за 9, туку за 19%. Тие луѓе донесоа правила во корист на Топлификација со кој се присилуваат исклучените да склучуваат договори за да Топлификација повторно ги мами и ограбува
Factum infectum fieri nequit

 

[Смрт за зони и пајак воз.]

Утре во 12, за нашиот Протест, времето ќе биде сончево, без ветер со температура од 20 степени. Што значи идеални временски услови.
http://www.ilmeteo.it/meteo-europa/Skopje
Видовте дека Собранието не не куртули од регулаторите, што значи мораме сами....
Има некој кој велат дека нема да успееме, но ние ќе успеаеме:
Капката вода го дупчи каменот, не со сила, туку со често капење.
Gutta cavat lapidem non vi, sed saepe cadendo
Затоа не се предавајте и верувајте во Победата. Ние ги браниме нашите домови од измамници и крадци. Ако молчиме ќе мислат дека се согласуваме:
Qui tacet consentire videtur