Дебатата за спотот почна вака:
Колку е само МОЌНО видеово!
Браво!Вакви работи ни требаат а не бистрење политики.
Ми се допаѓа
И видеото и сајтот за почеток е одличен
Милчо Манчевски се покажа како вистински професионалец и одлично си ја заврши работата. Се надевам и следните видеа ќе се одлични.:smir:
Од утре ќе се прикажува на CNN видеово а потоа и на други познати телевизии низ светот
Се најде некој само да подбуцне и потоа следува катастрофа. Секогаш Македонија ќе има изроди кои ќе плукаат на се што е македонско или произлезено од Македонија. Ме интересира само дали и во другите земји вакви работи се случуваат или само во Македонија. Јас се гордеам бре што сум Македонец и што во спотот е прикажана Македонија и тоа MACEDONIA!!!! Уживајте бре во тоа што е македонско па макар и да не е добро направено, сепак е МАКЕДОНСКО. Самото името МАCEDONIA да го напишале на бела позадина со црвени букви е доволно!!!
Спотот „Македонија - вечна“ на Си-Ен-Ен
Извор МИА
24.12.2008 11:04За спотот се потрошени 190 илјади евра
„Македонија - вечна“ е насловот на спотот за светска туристичка промоција на Македонија во режија на Милчо Манчевски што Министерството за култура денеска го промовираше во Музејот на современа уметност.
„Најважно ни беше да направиме проект по највисоки стандарди, без извинување и без оправдување оти татковината се брани со квалитет. Спотот ќе почне да се емитува утре нa католички и протестантски Божиќ кога сите седат дома, на Си-Ен-Ен и на уште пет други канали“, рече на промоцијата режисерот Манчевски.
Приказната на спотот е за едно девојче кое преку една волшебна сликовница патува во една земја на чудата - Македонија, што според Манчевски, ќе биде привлечно за туристот или добронамерникот да се запознае со македонското културно и природно богатство.
Премиерот Никола Груевски истакна дека спотот е одличен почеток од одличен мајстор како дел од еден поширок проект кој покрај претставувањето како туристичка дестинација има за цел брендирање на Република Македонија.
Манчевски: Татковината се брани со квалитет
„Со овој спот на почеток сме на една нова ера во презентацијата на Република Македонија. Треба да бидеме горди со природните убавини и културното наследство. Навистина Македонија заслужува тоа да го види и светот. Ако не го покажуваме на ваков начин нема да има сознанија дека тоа постои. Како и многу други земји во светот Владата на РМ се одлучи за ваков чекор во кој што ќе инвестираме за да потоа да добиеме многу повеќе“, рече премиерот Груевски.
Тој информира дека веќе е започната законската процедура за изработка на уште пет спота од кои еден ќе биде од општ карактер како и денеска промовираниот, а останатите ќе бидат тематски и посветени на брендирање на македонското вино, за македонската археологија, за убавините на македонските цркви, манастири и џамии, а еден спот ќе биде посветен на Охрид, како туристи најпосетено место во државата.
За поддршка на кампањата изработена е и веб-страница www.macedonia-timeless.com , преку која ќе може да се влезе во стотици други сајтови за Македонија и градовите, вклучувајќи ја и практичната цел туристот да може директно да букира авионски билети, престој во хотели и друго.
Емитувањето на „Македонија - вечна“ ќе почне утре на Си-Ен-Ен и на Си-Ен-Ен Интернешнл, а ќе продолжи во други десетина земји на уште осум јазици.
Материјалот за едноминутниот спот почна да се снима во октомври, на локации во Преспа, Велес, Прилеп, Крушево, Охрид, манастирот Св. Јован Бигорски, Кокино, Стоби, Курбиново, Конопиште, Скопје.
Спотот е во продукција на „Сенка филм“, финансиран од Владата и Министерството за култура со буџет од 190 илјади евра.
Што мислите за спотот?
Дали мислите дека ова е вистинскиот начин за представување на Македонија како туристичка дестинација?
Поради технички причини уште не сум го видел спотот па би ве замолил малце и за квалитетот да прозборите, за содржините и за пораката која со овој свет се праќа во светот...
) па да просурфа и да открие се шо го интересира.
