Примерот:
Ми имаат испратено пратка која е договорено да ја примам на конкретен датум, зашто само во тој ден сум достапен дома во времето кога работи фирмата за достава. Ми се јавува доставувачот, ви вика: ти ја носам пратката, излези надвор од (X-локација во која наводно нему му рекле дека сум работел). На пратката ја има само домашната адреса, не некоја на фирма во која јас не сум ни бил, а не да работам таму. Ми вика: е па не знам, мене ми кажаа дека тука работиш, јас накај тебе не идам, утре ќе ти ја достави колегата. Нормално дека се изреволтирав, зашто следниот ден не бев достапен дома, а исто и во наредните 3 дена, што значи не можев да ја примам. Им испратив mail со поплака, ми се јави една госпоѓа, и наместо да се извини и да понуди решение за нивната грешка (ги измешале пратките, наводно имало уште некој со исто име и презиме како мене, со пратка од истата фирма, во истиот ден - мижи Асан да ти баам. А и да било така, на пратката треба да има адресница со адреса и телефонски број), она почна со одбранбен став, обвинувајќи ме мене дека не требало да бидам дрзок. Ми пукна филмот, се исклучив и и се изнавикав по телефон. 17 години работам со менаџирање и директен контакт со клиенти, и на сите обуки кои сум ги имал ме учеле дека клиентот е секогаш во право, дури и кога не е. Значи нејзиниот однос: „не треба така да пишувате, не е во ред...“ е од старт погрешен и навистина ме извади од такт. Нејсе...
Следниот ден ми ѕвони доставувачот - нормално јас не сум дома, не можев да одговорам на повикот и му пишав: ѕвонете на бројот на сопругата и му го пишав бројот во продолжение. Не и ѕвонел, не ми ја достави пратката. Денот по тоа пак ми ѕвонел, два пати, јас пак не бев дома и не бев во можност да се јавам, а искрено, дека бев презафатен не сум ни видел, видов дури вечерта дека ѕвонел. После 2 дена, ѕвони пак - јас на работа. Ме прашува дали сум дома да ја достави пратката - му кажав дека сум на работа, ми вика: ОК, колегата ќе ти ја донесе утре на работа. Утре беше денес. Денес никој не ме побара. Пратката веќе една недела ја немам добиено, и не верувам дека постојат изгледни можности да ја добијам.
И што е најинтересно: платена е онлајн и пратката, и доставата. Не можам ни да ја откажам веројатно, а до четврток не можам да го контактирам ни испраќачот. И така - не знам како да постапам.
Не сум во право?