02.06.2020
Еве на што мислев, имало ограничување донесено на 02.06.2020 за меѓуградски превоз.
Мислев дека истото се однесува и на приватни автомобили, ама мене ме интересира за такси превозот конкретно, дали важи оваа уредба?
Нејасно ми е напишано, освен ако се мисли на фирмите што си возат сами за себе.
Значи, прашањето ти се однесува за такси превозот.
Малку ги помешале работите кога ги носеле уредбата и одлуките.
Во „Сл. весник на РСМ“ бр. 175/2020 од 1 јули 2020 год. е објавен Протокол за вршење на меѓуградски превоз.
Истиот е изменет на 12.08.2020 год., и наместо 50% патници од вкупниот капацитет, дозволено е да се превезуваат 75% патници од вкупниот капацитет.
Кога убаво ја прочитав содржината излева дека тој Протокол се однесува единствено на автобускиот превоз, иако е нелогично, бидејќи такси превозниците не вршат само градски превоз, туку тие вршат и меѓуградски превоз.
Понатаму, во чл. 3-а од Уредбата со законска сила за примена на Законот за превоз во патниот сообраќај за време на вонредна состојба е наведено: „При вршење јавниот превоз на патници, за време на траење на вонредната состојба, превозникот во возилото е должен да го организира превозот со задолжително одржување на растојание од најмалку два метри меѓу патниците и може да има најмногу 50% патници од вкупниот број на седишта, несметајќи го седиштето на возачот.“. Истата е објавена во „Сл. весник на РСМ“ бр. 103/2020 од 16.04.2020 год.
Уредбата од 02.06.2020 год. е дополнение на Уредбата од 16.04.2020 год.
Малку има контракдикторности и нејаснотии меѓу Протоколот и Уредбата, ама тоа е кога сме неподготвени и набрзина се носат Уредби, Протоколи и сл.
Конечно, ако претпоставиме дека Уредбата се однесува за такси превозниците, тогаш веќе нема никакви ограничувања за бројот на патници, бидејќи од самиот нејзин текст произлегува дека истата има важност единствено додека трае вонредната состојба, а таа заврши на 22.06.2020 год.
За разлика од Уредбата, Протоколот од 12.08.2020 год. сеуште е во сила, ама самите гледаме колку се почитува во реалноста, посебно во градскот превоз во метрополата, каде сите патници се наредени како сардини еден до друг.
Да заклучиме: Ограничувањата на бројот на патници во такси превозот, согласно Уредбата од 16.04.2020 год., завршиле на ден 22.06.2020 год.,
Поздрав.