Како да напишете добра професионална биографија
Во вашата професионална биографија не користете невистини
Не постои само еден универзален начин на кој ќе ја обликувате содржината на професионалната биографија (CV). Постојат неколку правила кои треба да ги почитувате доколку сакате вашата биографија да изгледа професионално, односно да го привлечете вниманието на работодавецот и да му дадете јасни информации поради кои ќе ве вметне во потесниот круг и ќе ве повика на интервју за работа
1.Уредност и прегледност
Биографијата пишувајте ја на компјутер, пожелно е во табелен приказ. Препорачливо е да не користите премногу ефекти, повеќе видови фонтови и сл.
2.Кратко и јасно
Во зависност од вашето искуство, биографијата може да биде долга една, две или повеќе страни. Доколку немате некое поголемо работно искуство и поради тоа вашата биографија е кратка, немојте да претерувате со опширно излагање на останатите информации.
3.Стил
Информациите за образование и работно искуство се наоѓаат во обратен хронолошки ред. Користете стручни термини, но избегнувајте претерана употреба на кратеници (наведува на несериозност) и водете грижа за граматичката правилност на напишаниот текст.
4. Вистинитист
Никогаш во биографијата не изнесувајте невистинити информации или некои работи за кои ви е незгодно да зборувате за време на интервјуто.
5. Испраќање преку е-маил
Ако ја пишувате вашата биографија во Word editor, подгответе го со екстензија .rtf (наместо зададениот doc.) како би ја одбегнале можноста за испраќање вирус со кој може да се избрише вашата биографија пред некој да ја прочита. Воедно со тоа на работодавецот му давате до знаење дека сте искусен Интернет познавач.
6. Слика
За разлика од САД на пр., во Македонија не е обичај да испраќа биографија со слика, доколку тоа не се бара во огласот за работа. Ако сепак се одлучите за испраќање слика, не ја приложувајте како посебен е-маил фајл, туку вметнете ја во биографијата покрај останатите податоци.
Се што споменавме нека ви послужи како ориентација, а на вас останува во вашата биографија да вметнете индивидуалност. Кога ќе ја осмислите и напишете вашата биографија, прочитајте ја уште еднаш и поставете си ги следниве прашања:
- Дали сум јас тоа?
- Дали сум горд/а на тоа што го изнесов?
- Дали ги избегнав непотребните информации?
- Дали напишав се што е потребно, а ќе ми помогне да ја добијам информацијата?
- Дали мојата биографија е лесно читлива?
Потрудете се сите ваши одговори на поставените прашања да бидат потврдни и не заборавајте биографијата никогаш не е готова.
Водете сметка дека секогаш треба да ја прилагодите на компанијата и позицијата за која аплицирате и дополнете ја со најнови податоци.
Содржина на добра биографија
Главната задача на биографијата е да го убедите работодавецот да ве повика на интервју. За да ја постигнете таа цел вашата биографија мора да биде професионална, прегледна и јасна и да ги содржи следните информации:
Лични податоци:
Име, презиме, дата и место на раѓање, адреса, телефонски број и е-маил адреса се задолжителни. Изоставување на некој од овие податоци може да побуди сомнеж за неискреноста и површноста на кандидатот. Брачниот статус, возачката дозвола и регулираната воена обврска се опции, доколку се бараат во огласот.
Податоци за формалната едукација:
Средно образование, факултет, постдипломски студии. Информациите наведете ги во обратен хронолошки редослед, секогаш наведувајќи ги точните периоди, вистинскиот назив на институциите, насоките. Доколку не го наведете периодот ќе нема да може да се заклучи временскиот тек од завршувањето на средно образование, упис на факултет, диплома до првото вработување.
Доколку барате прво вработување и сметате дека вашето знаење и способност произлегува од слушаните предавања, немојте непотребно да ја оптоварувате биографијата со овие информации туку во молбата кратко опишете ги стекнатите знаења во текот на образованието кои се однесуваат на работното место за кое аплицирате. Ако имате успешен висок просек наведете го.
Дополнителна едукација:
Натпревари, семинари, проекти. Наведете го точното име, кратка содржина доколку е непрепознатливо од името, периодот во кој се одржувал и името на институцијата. Дури и натпреварите и семинарите кои немаат директна врска со позицијата за која аплицирате се важен податок за вас бидејќи сведочат за вашите ангажман и широки интереси.
Работно искуство:
Компанија, одговорност, позиција, период на вработување. Работното искуство наведете го во обратен хронолошки распоред (од сегашното работно место па до првото вработување) Наведете го точното име на компанијата, позицијата на која сте работеле и краток опис на обврските.
Описот на работата мора да биде прилагоден на позицијата за која аплицирате: нагласете го релевантното искуство. Во работното искуство наведете ги и вашите хонорарни работи: доколку се релевантни за позицијата, а доколку не се барем како доказ за вашиот дополнителен ангажман.
Познавање јазици и компјутерски апликации:
Овие информации може да бидат дел од дополнителната едукација и ако се, тогаш наведете ги како такви. Наведете ги јазиците кои ги познавате, во кој степен (активно, пасивно, квалитетот на говорот и пишувањето, евентуалните преводи кои сте ги работеле) кои компјутерски апликации ги познавате и во кој степен.
Бидете искрени, бидејќи вашето знаење лесно може да се провери.
Спремете биографија и на јазикот кој добро го познавате, но нека ви го лекторира личност која добро го познава јазикот за да немате грешки. Биографијата на странски јазик е додаток, па затоа доставете и биографија напишана на македонски јазик.
Активности:
Членување во некое друштво, начинот на кој го поминувате слободното време и хоби. Доколку го напишете ова за вас ќе се добие впечаток дека сте сестрана личност. Вашето хоби може да претставува предност во работата, поради содржината на работата или склоноста на клиентите со кои ќе треба да комуницирате. Спортувањето говори за вас како активна личност, тимски играч и за дисциплинираноста.
Награди и признанија:
Добро е да наведете дури и кога не се директно поврзани со работата за која се натпреварувате затоа што тие секогаш ве претставуваат во убаво светло.
Мотивација за позицијата за која аплицирате:
Кратко опишете ја целта во кариерата која се однесува на позицијата за која аплицирате.
Препораки:
Наведете имиња на неколку свои екс професори или работодавци кои се спремни да ви дадат препораки (име, позиција, компанија, телефонски број, е-маил). Но пред се проверете дали тие личности се спремни да ви дадат препорака, како би ја избегнале евентуалната непријатност.
Откако го составивте првиот драфт, текстот повторно проучете го и проверете дали сте испуштиле информации за нешто што е наведено (се бара) во огласот. Ако сте испуштиле, тогаш бидете подготвени да објасните за време на вашето излагање дека тој дел не влијае на квалитетно претставување на кандидатот.
ИЗВОР
.... Razgledaj,mozebi nesto ke ti padne u oko i ke napravis kajgana