Последен гледан филм со кратка рецензија

[MAJA 345]

Girl, Interrupted (1999)

Пред некоја недела ме фати мерак за филмови пред новиов милениум, зашто ми се милион пати поарни од денешниве што излегуваат, па симнав доста. Во некои глуми Винона Рајдер, некни го гледав Mermaids, а прееска овој.

Рајдер овдека ја глуми депресивната и збунета Сузана, која откако ќе проба да изврши самоубиство е приморана да помине година во ментална институција. Таму има се и свашта буквално. Од цимерката која е патолошки лажго, па сексуално злоупотребувани девојки и социопати. Со тек на време се спријателува со нив, но тешко и е да си ги објасни мислите, а со тоа и да ја сфати нејзината болест, па постојано пишува во својот тефтер.
Сите имаме проблеми и поминуваме низ работи кои може да не полудат малце, но веројатно она вистинското лудило доаѓа од нашата неспособност да го контролираме. А и крај краева, што значи да си нормален? Никој не е скроз нормален или совршен.

После филмов дефинитивно ќе си го замарате мозочето со филозофски прашања и размислувања. Може и ќе добиете некое просветлување. Секако вреди да се гледа. Сите актерки одлично имаат одглумено, Џоли е преубава во филмов, а Рајдер е слатка ко секогаш.

10/10

 

[Saladin]

Chef
Се заебав начисто, само ради актерската консталација. Дауни Џуниор, Дастин Хофман, Скарлет Јохансон па и овој латиново Легуциамо.
Како што има дебилни документарци као food network за готвење искључиво храна потопена во фритеза, така постои и дури и филм за истото ѓубре да се промовира вирално, јер тоа е храна за сиромашната маса.
Почнува интересно, иако клише, ама некаде запнува кај почетокот на втората третина. Од пуст револт и инат цел ќе го испојлерисам пошо реално не вреди да си го губите времето да го гледате. Типот (Favreau) е некој си главен шеф у некој елитен ресторан, секако под капата на газда (Хофман) кој си праи свои идеи за менија. Еден ден доаѓа некој јак критичар и сеа сите успаничени дај да напраат нешо ептен јако, па пак со газда недоразбирања па курци палци, на крај ја играат истата игра што газдата сака да ја играат. И испаѓа секако срање, Главниот шеф нормано накурчен праи некои сцени, тоа све иде вирално на нет, стануе познат фраер. Значи врска си нема со готвење, повеќе е нешто да скљафташ и да ги напраиш луѓето да те гледаат ко теле у шарена врата. Некаде кај втората третина типот си дава отказ и со еден свој колега и синот почињаат од почеток - као путујуќи продавачи на сендвичи од трејлер. Завршуе со тоа дека типот (кој е разведен секако) доживува цело време успех и некако успева да се соедини со синчето а подоцна и со бившата. Доаѓа критичарот и нормално све топ, у еден муабет од две реченици он станува партнер.
Нормално пак ќе кажам ова е напраено за америчка подпросечно интелигентна багра да си ги мрси мустаците на ствари потопени у фритеза. Не знам или човеков што го праел ова имал крајно цинична порака колку е се` појдено у три лепе со социјалниве мрежи и булшит храна, или е доволно глуп да го смета за свое ремек дело. Според мене ај што е прича веќ видена, ама од онаа втора третина кога почињаат да продаваат сендвичи, не видов милиметар нешто што би ме задржало за понатала. Со судни муки го изгледав до крај. Дауни џуниор се појавува во ептен мал дел, скроз ирелевантно. Целата ствар е его трип на режисеров кој е секако и главниот лик под друг пседоним.
И никако не можам да сфатам дека има оцена изнад 7 на IMDb. Јас повеќе од 3 не му давам.

 

[Scirea]

Dead Alive (1992)

​

Да, да така е, овој хорор има 7,6 оцена на ИМДБ, што е навистина реткост за вакви жарнови на филмови. Dead Alive или во некои земји познат како Braindead е НовоЗеландски хорор-комедија филм од 1992. Режисер на филмов е Питер Џексон, попознат по филмовите за LOTR и Хобитите...
Е сега не очекував премногу од ова дело, со оглед на тоа што глумат непознати актери од Нов Факинг Зеланд, ама на крај останав со подзината уста. Овој филм прави Wrong Turn и SAW филмовите да изгледаат како цртани за деца, значи дефинитивно е еден од најgoriest филмови некогаш направени.
Ликовите се посебна приказна, главниот лик е тотален дебил, неговата девојка е вљубена во него до уши, ама дефинитивно овие два ликови го прават филмот она што е... класика .

Мој совет е да не го гледате ремек делово ако сте добро најадени, додека пак оние што кризираат во диетата, нека го гледаат филмов и одма ќе им изчезне нагонот за јадење

Моја Оценка 8/10

Спојлер: Морав... +18

П.С. Попот во филмот знае карате

 

[macko i]

Hot Pursuit

Можеби е потценет на имдб дефинитивно едена од подобрите акциони комедии што искочиле годинава.
Главната хероина уште од мало девојче е обврзана да стане полицаец , па на нејзиниот прв ден на терен ќе и го убијат партенерот и човекот кој треба да сведочи против познат мафијаш ,а неговата жена е во главна опасност. Пробувајки да ја заштити Купер и госпоѓа Рита минуваат неверојатна авантура. Според мене филмов е солидна 7.

 

[Acid]

Mad Max: Fury Road
Филмот што е поглуп и од Lucy и Jupiter Ascending.

По целиот хајп кој се крена за филмов (по оние ај-кенди трејлери), најверојатно пред да го гледате ќе добиете чувство дека ќе биде најдобриот филм за 2015, векот, милениумот. Ама не е, за многумина гледачи кои не спаѓаат во групата на луѓе чии единствени очекувања им се да се релаксираат со CGI ефекти исполнети со повеќечасовно мелење и дробење) - ќе биде тотално разочарување. Во замена за визуелните ефекти, кои на моменти го одземаат здивот, ќе треба да се откажете од било која логика за светот во кој се одвива целата приказна или неразвиените карактери со кои никако не можете да се поврзете.

Кој е Mad Max? Филмот го претставува како дрифтер кој првата третина од филмот е киднапиран, искрварен и заврзан на хаубата за кола. Никако не умира, одлично вози и има визии од некаков неуспех да спаси некои луѓе (кои?). А да, сфатив и дека Mad Max е и универзален донатор на крв, пошто е O негатив. Нешто друго? Ноуп, тоа би бил тоа за главниот лик во филмот.

Том Харди е ѕверотиња од актер со неверојатно моќен глас кој можеш да го слушаш 2 часа. Нешто како Морган Фримен, ама за акциони филмови. И правиш кастинг, го одбираш Том Харди, ама му даваш да каже само 3-4 реченици во цел филм, најчесто составени само од 1 или 2 збора.

Покрај повремените визуелни свршки, очигледно е дека режисерот не се замарал ич да се поврзе некако со реалниот свет и било која човечка логика. Дали воопшто се одвива на земјава дејството? Го врзуваат Макс на хауба, го носат во воена зона додека е прикачен како донатор за крв, а он не покажува никакви емоции. Некој извик, солза? Јок. Што е со масовното губење на крв? Немаше да умре 100 пати во првите 30 километри? Ноуп, тука умираат само негативците и бабите (бабите уствари имаа најдобро развиени карактери од сите во филмов).

Најсмешниот дел се манекенките од Викторијас Сикрет. „Многуте жени“ на „Ружниот“. Додуша, сите негативци се ружни, најружни и најглупави, ама мора да постои некаков баланс па ги одбрале најфенси манекенките што можеле да ги најдат. Едната ја направиле трудна, пошто неа ќе ја убијат. А ликовите во филмов се толку глупави што одат да донесат бензин, во свет во кој бензинот е злато, со 100 возила кои фрлаат пламен. А пламенот е од бензин. Значи не со 1, 2, 10 возила - со 100. И на возилата имаат тапани и модерни електрични гитари кои светат, ама затоа облеките им се неиспрани. И вода која тече од карпа која е во формата на П. Онака, нема ништо, само едно П и од него тече вода. Единствената вода за пиење во целиот свет.

Филмов прави да сум тажен што не гледав филм со Николас Кејџ или Адам Сендлер. Ако сакате да гледате жена која млати се наоколу гледајте го Edge of Tomorrow (Rita > Furiosa). Ако сакате да го гледате Том Харди како вози (и збори) - гледајте го Locke. Ако сакате да гледате филм со сцени дизајнирани со срце, гледајте го The Grand Budapest Hotel. Спомени од глуп филм како Mad Max Fury Road не ви се потребни во животот.

Убедливо најглупиот, напумпан, плиток и одвратен филм за 2015.
Оцена 2/10.

 

[MAJA 345]

Dangerous minds (1995)

Од песнава ми текна и филмов да го симнам, иако од порано го имав начекано негде по телевизииве.
Мишел Фајфер глуми поранешен Маринец која почнува да работи како професорка во средно училиште. Нејзиниот клас се состои од деца на кои никогаш не им било посветувано премногу внимание, обележани се ко пропалици и немаат скоро никакви шанси ни да завршат средно, а камоли пак колеџ. Досега неколку професори дигнале раце од нив, но сепак таа пробува да се поврзе со нив на начин кој тие го разбираат.

Ваљда нема ништо подобро што можеш да направиш за некој отколку да му помогнеш да воочи дека е поспособен од она што му го кажува и налага општеството.

8/10



The age of innocence (1993)

Во 1870те, млад адвокат од круговите на богатото Њујоршко општество е заљубен во својата свршеница Меј, се додека не ја запознае подобро нејзината братучетка Елен, која е разделена од својот сопруг и поради тоа не е омилена личност во нејзиното поблиско семејство.

Филмов е предолг. Некаде 2 саата и 20 минути. Да скрателе барем пола саат ќе било таман.
Приказна за искрена љубов, која според сите општествени и социјални обичаи во тоа време е забранета. Ништо ново во тој дел, ништо иновативно што ќе го памтите после некое време.
Настрана актерската екипа, огромен плус има филмов за прикажување на животот на богаташите во тоа време. Стил на облекување, како изгледале забавите, кои личности биле поканети на нив, раскошните домови и како ги уредувале, како изгледала трпезата за јадење, итн. Визуелно е буквално да ги плакниш очите. Во се друго, филмов е само просек.

5/10

 

[Hurin]

The Talented Mr. Ripley (1999)

да ти се намочам на акционата James Bond like слика

го симнав филмот и тотално немав појма за што се работи, мислев некоја акционен крими ти реков, ми рече испадна една апла тензична драма која има цел да те држи до крај.

направен според некоја новела со исто име и кастингот млади батки кој почнуваат да се пробиваат во холивуд.

Кастингот за филмот е : Jude Law кој тогаш го сними и enemy at the gates, Phillip Seymour Hoffman,Gwinyeth Paltrow. Го имаш младиот Matt Damon кој што сеуште нема појма дека ќе го хејтам до коска за interstellar итн.

филмот почнува споро, пополека чекор по чекор се билда сторијата и реално првите 50 тина минути изгледаше кој некоја обична драма и цело време се обидував да го истуркам филмов до крај и дека ќе се потрдам да не го исклучам после скоро саат гледање. потоа нешто се случи во филмот шо си реков "неочекувано, но шо планираат со уште саат и десет минути филм да прикажуваат"
е баш од тогаш филмот станува интересен и покажува потенцијал, глумата на ниво и сплетките се нижеа една по една, брзо и интензивно. не памтам дека сум гледал толку тензија во филм во последниве години (и да сум гледал нема шанси да се сетам).
И филмот продолжува да ме мачи (во позитивна смисла) и да ме напиња се до момент кога сфатив дека ова стана прекомплицирано,едноставно се се измеша и некако почнав да губам интерест на крајот. Кога малку залади филмот и се релаксира очекував финиш онака холивудски но филмот даде уште еден замав полн со тензија и некако ми заврши наеднаш, не очекував дека така инстанто ќе заврши,наместо следна сцена јас добив кредитс.

сума сумарум филмот е многу добар, не сум фан на тензични филмчиња особено ако не се подготвам пред тоа. Филмот почнува во еден правец и експлодира и излетува во друг.

солидна осмица и препорака за гледање.

 

[MAJA 345]

Спојлер

Мило ми е кога некогаш сама по себе ќе си сменам мислење за нешто, т.е дека сум прифатила некое ново гледиште на работите, ми се сменил вкусот и ми се допаѓаат нови работи, во случајов филмови од Вуди. Ич не ги сакав, ни него, ни филмовите. Не знам од кој филм го добив тој впечаток, едноставно ми беше досаден и чуден. После Midnight in Paris (кој го гледав ради Рејчел) сменив мислење. Ептен ми се допадна, убавина од филм е. Изгледав уште некои од него и мислам дека никој не прави поубави филмови од Ален. Визуелно и душевно. Уникатни, меланхолични и со многу, многу бои.

Match point (2005)

Воведниот цитат. Фино склопено.

The man who said "I'd rather be lucky than good" saw deeply into life. People are afraid to face how great a part of life is dependent on luck. It's scary to think so much is out of one's control. There are moments in a match when the ball hits the top of the net, and for a split second, it can either go forward or fall back. With a little luck, it goes forward, and you win. Or maybe it doesn't, and you lose.

Крис е поранешен тенисер кој наоѓа работа како тениски инструктор. Том е еден од неговите клиенти, од богата фамилија и ги ужива сите благодети во животот. Почнуваат да се дружат, па наскоро Крис ќе започне врска со сестрата на Том. Но, онаа која навистина го интересира и привлекува е свршеницата на Том, младата американка Нола.
Крис е чуден тип. Наизглед со отворена душа, сиромашен кој се бори за своето "место под сонцето", искрено културен и учтив. Од друга страна, кога го читаш Достоевски, веројатно е да почнат да ти се вртат идеи во мозокот. Сепак, се работи за твојата работа, вложен труд и егзистенција. Што се' ќе направиш за да ги задржиш?

Иако немам некое ептен добро мислење како актерка за Скарлет, тука солидно глуми. Со тие продорни очи и поглед, Џонатан пак е погоден за улогава.
На крајот од филмот, стварно ќе те фати страв за тоа како ти функционира и колку ти зависи животот баш од среќата.

8/10



Scoop (2006)

Млада студентка по новинарство од Америка доаѓа во посета на пријатели во Лондон. За време на магионичарско шоу во која и таа е дел од точката, и се појавува духот на познат британски новинар кој самошто починал и и' дава информации за идентитетот на серискиот убиец чии жртви се млади бринети. Проблемот е што се работи за син на богат и познат лорд, па таа ќе мора да најде начин да ја потврди приказната.

Мене филмов ми беше многу комичен, иако се работи за мистерија. Ликот на Вуди Ален има некои стварно интересни и смешни реплики.
Те држи насмеан и во неизвесност до крајот, дефинитивно вреди да се погледне.

7/10

 

[Lester Freamon]

Peaceful Warrior (2006)

Филм за млад талентиран гимнастичар Дан Милман, чиј сон е да се квалификува за Олимписките игри и да освои злато на истите. Ликот е игран од страна на Scott Mechlowicz.
Во меѓувреме живее бурен тинејџерски живот: алкохол, секс, но и покрај се нема мирен сон.
На бензиската каде што оди ноќе да купи нешто за грицкање го сретнува „Сократ“, чиј лик го глуми Ник Нолте. Сократ е мистериозен постар човек, доста витален и со големо знаење на човековото тело и ум.
Во моментите кога Милман е во најдобра форма, прави судар со моторот и ја крши ногата со што лекарите предвидуваат дека никогаш нема да може да спортува повторно. Следува болен период за младичот, но во тој момент започнува да го слуша „Сократ“. Милман со нога искршена на преку 20 места и шипка во истата со советите и тренинзите на Сократ се исправа повторно на нозе и на сите им докажува дека е способен да се врати во гимнастиката повторно и не само тоа туку да успее и да го направи она што го посакува целиот живот.
Во меѓувреме ја сретнува и Joy, девојка која е блиска со „Сократ“, заедно трча и се заљубува во неа.
Малку завршува мистериозно и искрено не разбрав што се случува со „Сократ“, одеднаш исчезнува од бензиската на крајот од филмот и веќе не го даваат, а Милман се жени со Џои.
Има интересни и доста поучни мисли низ филмов:
-“The journey is what brings us happiness not the destination.”

“Life has three rules: Paradox, Humor, and Change.

- Paradox: Life is a mystery; don't waste your time trying to figure it out.


- Humor: Keep a sense of humor, especially about yourself. It is a strength beyond all measure

- Change: Know that nothing ever stays the same.”
-“If you don't get what you want, you suffer; if you get what you don't want, you suffer; even when you get exactly what you want, you still suffer because you can't hold on to it forever.”
-“Pain is a relatively objective, physical phenomenon; suffering is our psychological resistance to what happens. Events may create physical pain, but they do not in themselves create suffering. Resistance creates suffering. Stress happens when your mind resists what is... The only problem in your life is your mind's resistance to life as it unfolds. ”
-“A warrior does not give up what he loves, he finds the love in what he does”

9/10

 

[MAJA 345]

The family (2013)

Фамилијата Манцони, после неколку години преселување од едно на друго место, доаѓа да живее во мало гратче во јужниот дел од Франција. Тие се дел од програмата за заштита на сведоци, па имаат нови имиња, професии и голем притисок да се приспособат на животот на локалното население за да не бидат забележани од оние од кои бегаат. Тоа сепак не им оди најлесно, поготово бидејќи цел живот го поминале со мафии, па насилството им е примарен начин за справување со проблеми.

Филмов е доста комичен, дури и го става насилството во втор план. Мене лично ми се допаѓаат вакви филмчиња, па ми беше интересен.
Де Ниро и Фајфер немаат промашај, а малава Агрон првпат ја гледав овде и не знаев дека била толку симпатична.

7/10

 

[Aleksandar91]

Grown ups

го гледав поради тоа што видов дека на тематаа коомедии мн луѓе здивуваа по филмов и го препорачуваа.
На млади години 5 деца играат во ист кошаркарски тим,после 30 години смрта на нивниот тренер ќе ги спои и ќе одат да поминат викенд заедно во куќата каде што се дружеле како млади.Крајно разочарување од филмов.Некои отепани шеги што се веќе видени 102 пати.Искрено не се насмевнав повеќе од 1-2 пати на филмов и тоа онака минимална насмевка ништо повеќе.

Баш сакам да го гледам филмот со тие што се превртувалее од смеење на него.Некако не ми е верно дека постои таков човек што сеуште се смее кога некој ќе трча и ќе се тресне во кал со главата.
на имдб има 6/10 јс му давам 4/10

 

[redmountain]

Southpaw (2015

Боксер кој е шампион во лесна категорија кој по убиството на неговата жена паѓа во депреси,неговата ќерка му е одземена од судот дека е неспособен да се грижи за неа одземена му е титулата. За да си ја врати ќерка си наоѓа тренер за повторно да тренира и да се бори со човекот кој беше индиректно инволвиран во убистово на неговата жена и да си ја поврати титулата.
Филмчево не е заморно за гледање

7/10 од мене

 

[macko i]

Paycheck

Филм на место иако ме нервира она супер херојско величење ама ај нека им биде .
Џенгер има работа со која извршува нови откритија но потоа неговите работодавачи му ја бришат меморијата за да неможе истото да го направи за други. Тој е спремен за последната мисија и големата исплата од 90 милијони долари. Шокот следува во моменмтот кога тој ќе реши да подигне пари и ќе свати дека ги употребил за нешто друго па ќе тргне да открива на што. Во меѓувреме неговиот работодавач нарачува да го убијат. Целата брканица гледајте ја понатаму.
Не е за луѓе кои несакаат претерана фантазија 6/10.

 

[Loner]

http://www.imdb.com/title/tt1663662/

Филмов го гледав бидејќи сум фан на Годзила филмовите, па ме привлече сценариото кое вклучува таков тип на чудовишта. Режисер е Гиљермо Дел Торо, за кого знаев само дека го има режирано Hellboy.
Дејството се случува во иднината, земјата е нападната од kaiju, џиновски чудовишта кои доаѓаат од под површината на земјата. Со цел да се борат со нив, луѓето ги создале jaegers, џиновски човеколики роботи. Овие роботи се управувани од двајца пилоти, бидејќи само еден пилот не би можел да го издрши психофизичкиот напор потребен за управување. Додека се во jaeger, пилотите се ментално поврзани и ги делат своите сеќавања, чувства и стравови.
Сценариото има голем потенцијал, но е недоволно обработено и изгледа клише. Премалку време е посветено на појавувањето на чудовиштата и како започнала борбата со нив. Дијалогот е лош, а ни глумата не е мн за пофалба. Очигледно е дека не е штедено на специјалните ефекти, битките се одлични можеби дури и претерано, човек добива впечаток дека се работи за компјутерска игра. Друга работа што не ми се допаѓа е дизајнот на чудовиштата, знам дека чудовиште од тој тип треба да изгледа ружно, ама повеќе ме бендисува да имаат пореален (диносаурусовски) изглед (лично мислење).
Најавени се уште два дела иако и од овој филм комотно би можеле да направат три, со подобри дијалози и поспецифичен тек на настаните. Менталната врска помеѓу пилотите според мене е единствената работа заради која филмов добил позитивни критики, ако ги исклучиме специјалните ефекти.
Иако има 6ка за положување, би му дал 7/10 како и imdb поради одличниот саундтрак.

 

[haCk0r]

Anna (2013) Mindscape

Психолог, има надприродна способност да влегува во сеќавањата на својте пациенти,и така да го пронајде нивниот проблем.Кога ке го преземе случајот со проблематичната 16 годишна тинеџејрка,како би утврдил дали е она социопат или жртва на трауми ке свати дека заглавил пре длабоко.

Одличен психолошки трилер


Sent from my SM-N9005 using Tapatalk