Последен гледан филм со кратка рецензија

[BiG_kIsS]

Одамна се канам и никако да се наканам да напишам Имам бааги.

Jamesy Boy

Базирано на вистинска приказна. Ги обожавам тие
Приказна за едно дете кое е бааги луто и цело време прави бељи, па затоа и скоро цел свој живот е праќан по институции. Филмот скока од минато во сегашност и паралелно ги претставува. Може да е малку збунувачко, ама пак се сваќа што е што. Глумците се добри. Крајот е одличен.
ИМДБ оценка 6.1
Моја 8/10.

Adventures in Babysitting

Постар филм, ама добар. Насловот кажува многу Добар е за тепање време. Ништо посебно.
ИМДБ оценка 6.8
Моја, исто

Best Night Ever

Hangover во женска варијанта. Го уклучив за да тепам време, ама не сум по такви филмови ич.
ИМДБ оценка 3.4
Моја 3

The Frozen Ground

Уште еден базиран на вистинска приказна. 17 годишна проститутка успева да му избега на сериски убиец, ама никој не и верува, зашто е проститутка. Еден од полицајците се здружува со неа за да успеат да го фатат. Ми се свиѓа што не е типичен крими трилер. Знаеш кој е убиецот цело време. Ама има доволно напнати ситуации. Николас Кејџ ко и секогаш, топ
ИМДБ оценка 6.4
Моја дефинитивно 8.5/10

Gattaca

Исто малку постар, ама одличен. Се одвива во иднината, каде што гените значат СЕ`. Ти одредуваат кога ќе умреш, колку проценти шанса има да заболиш од болести и сл. Тие што немаат добри гени се најчесто на најдолната скала и никогаш нема да бидат некој и нешто и да работат каде што сакаат, без разлика колку се трудат. Ама еден човек, наоѓа начин да проба да си го живее сонот. Одлична приказна, супер смислена. Малку е спор на моменти, ама вреди да се изгледа.
ИМДБ оценка 7.8
Моја, исто

Finding Normal

Ок филмче. Ништо посебно. Типичен ми е некако. Типка ќе се зима со богат дечко. На патот накај нејзиниот нов дом, ја сопира полиција во едно мало градче и ја зима колата и мора да волонтира како доктор. Градот и луѓето се нешто сосема спротивно од тоа што е она. И она ги гледа како некои глупи сељаци. И нормално, на крај се` се мења...
ИМДБ оценка 6
Моја 5

Trap for Cinderella

Незнам што врска има името со филмот, искрено . Како и да е, добра приказна, ама не е изведена како што треба. Досаден е на моменти, и малку предвидлив на крај. Исто така и малку нереален. 2 другарки од детство се сретнуваат по подолго време. Одат во вилата во која ги имаат поминувано летата кога биле мали и се случува несреќа. Едната умира, другата има амнезија.
ИМДБ оценка 5.4
Моја 3

Mindhunters

FBI профилисти (везе неам кој е нашиот збор за ова ) се однесени на пуст остров за да тренираат, кога уствари испаѓа дека се` што се случува на островот е вистина и треба да го најдат убиецот. Убиецот им поставува загатки ус пат. Доста интересно. До крај не сфатив кој беше убиецот уствари.
ИМДБ оценка 6.4
Моја 7

Odd Thomas

Типот има моќ да гледа некои работи кои никој друг неможе да ги види. Некои суштества кои предвидуваат смрт и се хранат од тоа. Здогледува човек околу кој се движат еден тон такви суштества и почнува да го следи за да дознае зашто. Ништо посебно.
ИМДБ оценка 6.8
Моја 6

The Family

Обично не гледам филмови поврзани со мафии и сл. Ама имаше добри глумци па си реков ај. И не згрешив. Многу добар филм. Цело семејство е во Witness Protection Program. Откако ги релоцираат во Франција, тешко им е да се вклопат заради нивните стари навики Доволно смешни моменти, доволно напнати моменти. Би го препорачала за кој сака вакви филмови.
ИМДБ оценка 6.4
Моја 8.6

The numbers station

Агент има задача да ја брани станицата и таа што работи таму. Некој ја напаѓа станицата и тие се наоѓаат во живот или смрт ситуација. Добра акција, ама ништо посебно.
ИМДБ оценка 5.5
Моја 5

K-11

Продуцент се буди во затвор, во одделот за хомосексуалци, каде што транссексуалец е главен/главна Интересно филмче, малку споро на моменти.
ИМДБ 5.1
Моја, исто

Reaching for the moon

Поет иде во Рио за инспирација. Се заљубува во љубовницата на нејзина стара пријателка. Уште еден филм базиран на вистинска приказна. 2 жени кои биле многу познати во минатото. Трагична љубовна приказна.
ИМДБ оценка 7
Моја 7.5

The Big Wedding

Маж и жена кои се разведени долго време, се преправаат дека сеуште се во брак заради биолошката мајка на синот кој прави свадба. Добри глумци. Интересна романтична комедија за релаксирање
ИМДБ оценка 5.6
Моја 6.5

 

[macko i]

Disclosure
Филм со поука ако новоназначената шефица ти понуди секс немој да ја одбиеш оти си се зезнал . Приказната Том е одговорен за производство во компјутерска компанија . Тој очекува унапредување но место него ќе ја назначат Меридет која порано му била девојка. Таа ќе сака секс со него овој ќе ја одбие , но таа ќе го пријави за сексуално малтетирање. Понатаму е игра на нерви и типично сите и веруваат на жената никој на мажот Мислам дека можел и пократко да трае ама тоа е 8/10,

 

[Usher$]

THE LINCOLN LAWYER

Mick Haller(Matthew McConaughey) е адвокат. Кога Louis Roulet е обвинет за напад на проститутка, од Haller е побарано да го брани( да биде негов адвокат). Louis тврди дека е обвинет лажно и дека целта и е да извлече пари од него. Кога Haller ги гледа убаво сите детали на овој случај предпоставува дека овој случај можеби е поврзан со друг негов стар случај.

10/10 е филмов, по долго лутање и над 10 промашени филмови конечно ПОЛН ПОГОДОК! Го препорачувам на секој !

 

[Scirea]

Dark Skies (2013)

​

"Two possibilities exist: either we are alone in the Universe or we are not. Both are equally terrifying"

Едно семејство постојано има проблеми во ноќта, кога непознат сторител им влага во куќата и ги вознемирува. Најмалиот син тврди дека "гостинот" во ноќта е всушност Sandman. Нормално родителите не го сваќаат сериозно детето, и принудени се да го вклучат алармот во куќата. Работата станува дополнително загрижувачка кога најмалиот син ќе почне чудно да се однесува. Добар хорор/мистерија за опуштање, и за тепање време


ИМДБ оценка: 6.3/10
Моја оценка: 6.0/10

 

[macko i]

Heaven's Prisoners
Значи прво имам забечешка за насловов зошто ми нема логика со приказната. Второ е зошто трае толку долго кога нема потреба најверојано дека не сум обожавател на филмови каде гледачот е во предност.
За приказната Дејв е полицаец кој е во пензија додека едрат со жена му Ани ќе се сруши авион, а тој ќе ги извлече патниците четворица мажи и едно девојче. Извештајот вели дека се најдени само тројца мажи тогаш Дејв тргнува по вистината која ќе му донесе проблеми. Што знам онака за тепање време топ е 7/10.

 

[jasisamojas]

Maleficent


Главната приказна ни е позната од популарната бајка „Трнорушка„ т.е. „Заспаната Убавица„ на Браќата Грим, во која лошата вила фрла клетва врз Трнорушка на нејзинот 16 роденден и ја успива засекогаш.
Е сега овој филм прикажува што ја натерало лошата вила да ја замрази Трнорушка толку многу за да и фрли таква клетва.
Ефектите се одлични и преку посебна експресија на лицето Анџелина Џоли совршено ја толкува лошата вила. Нејзин одличен камбек после 4 години, откако го снимаше The Tourist со Џони Деп.
Мала критика е што еден дел од приказната ме потсети на еден битен момент од анимираниот филм Frozen, и не сум баш сигурен дали е филмов за деца од 6 години. Вреди да се погледне и во 3Д. Моја оценка е силна осмица 8/10.

 

[Божино]

Кизне кој ѓаол ме натера да го гледам The Bling Ring, т.е знам, гифот што е хит на интернет:

Ужасна приказна, никаква поента, никакви дијалози, и капак на се очајна глума и ликови кои со ништо не те привлекуваат.
Гифот 10/10
Филмот 1/10 DO NOT WATCH

 

[arakenx]

http://www.imdb.com/title/tt2101473/


The Physician

....долго време не сум налетал на добар филм, филм со приказна, филм со поента, филм кој те тера да размислуваш

филмот е историска драма и говори за љубовта кон Софија, за Исламот некогаш, за верните и верниците, за храбрите и предавниците, за мудрите и безумните, за животот и смртта

уште една непреспана ноќ, но не жалам, вредеше

 

[SomeoNe!]

Non Stop (2014)

Прв филм што сум го гледал по пауза од неколку месеци, и е еден од подобрите трилери што сум ги гледал до сега. Дејството е околу воздушниот маршал Бил Маркс(Liam Neeson), кој работи за една авио компанија. Додека тој патува со авионот накај Лондон добива мистериозни смс порачиња на мобилниот, and then the things get very messy Не сакам да ви правам спојлери така да нема многу да зборам околу филмов. Свака му част на дедово, филмовите му се кој од кој појак Моја оцена 10/10. Упс постеров голем испадна

 

[Scirea]

The Damned United (2009)

​

Филм на ББЦ, со претежно непознати актери (Според мене).... но сепак имаат чиста 10-ка од мене за глумата. Приказна за Брајан Клоф, менаџер кој во 1974 година седнува на кормилото на Англискиот шампион Лидс Јунајтед, одкако нивниот "довчерашен" тренер Дон Рив ја превзема Англиската Репрезентација. Во филмот ќе се запознаете и со неговиот помошник Питер Тејлор, кој предходно заедно со Клоф успеаа да го донесат Дерби Каунти од Втората Дивизија, до врвот на Англискиот фудбал. Атмосверата во филмот е супер направена, типична за седумдесетите години во Англија, автомобилите, фризурите, калливите терени, спортската опрема.... Ако сте љубител на спортски драми, топло ви го препорачувам филмов.

ИМДБ Оценка: 7.6/10
Моја Оценка: 9.0/10

​

 

[Rigel Kent]

The Physician ( Мој превод Еким)
​

Прекрасен филм кој го изгледав со задоволство , темата е за лекувањето во 11 век и разликата од неукиот Запад и напредната медицина на Блискиот исток поддржана од Персија . Во Британија лекуваат берберите со својата неукост и свештениците , а во еден дел на Персија , Испахан , се наоѓа голема библиотека на научни дела кој ги поставуваат темелите на медицината но тие се под закана на фундаменталноста на Селџуците. Во двата региони религијата е таа што ја оневозможува медицината , но она што е посебно во овој филм е борбата истрајноста на едно дете кое преживувајќи семејна трагедија при смртта на мајка си оди во потрага за " лекот за животот" или стомачната болест која го оддели од мајка му и останувајќи сираче го одвои од браќата. Филмот е екранизација на новелата на Ноа Гордон и претставува извонредно филмско остварување .​

Оцена 10/10

 

[macko i]

Fierce Creatures
Филм за лицемерито и желбата за профит на големите корпорации. Кога еден тајкунг ќе ја купи зоолошката градна ќе даде ултиматум или 25 % поголема заработувачка или ќе се затвори. Директорот на зоолошката ќе реши за таа цел во неа да се чуваат само крволочни животни затоа што стравот привлекува. За тепање време солиден 6/10.

 

[BiG_kIsS]

Now is good

Искрено, само заради Дакота Фенинг го пуштив филмов . Според приказната, девојка која што е болна од рак и знае дека ќе умре пробува да го помине секој момент незаборавно, мислев дека ќе биде некоја тешка драма, ама уствари испадна дека е ептен лајт филмче. Не се фокусира многу на негативното, туку баш на добриот дел што и останува да го живее. Нормално дека има и тажни моменти, ама неочекувано има и добар хумор
ИМДБ оценка 7.3
Моја 7

Bridegroom

Го уклучив документарецов зашто дознав за приказната и сакав да го погледнам, ама не знаев дека е документарец. Мислев дека ќе биде филм според вистинска приказна. Да знаев дека е документарец можеби немаше да го погледнам, ама мило ми е што не знаев.
Како и да е, се работи за двајца хомосексуалци кои решаваат да се земат после 6 години врска и едниот умира во глупава несреќа. Другиот е спречен да оди на неговиот погреб од страна на семејството. Многу жално, ама се случува многу често.
Би им го препорачала на оние кои поддржуваат ЛГБТ луѓе, зашто другите сигурно нема да сакаат да го погледнат. И нема да го оценам, само ќе кажам, тие што се мислат, вреди да се погледне.

Good Boy

Многу детско филмче. Очекував нешто друго, ама тоа е. Ако ви се тепа време и немате ништо попаметно да гледате, слободно, во спротивно, не ви треба
ИМДБ оценка 5.1
Моја 4

Два постари мјузикли
Sound of Music

Прв мјузикл кој го имам гледано. И испадна дека уствари не сум мразела мјузикли
Пишуван по вистинска приказна (my favorite). Се работи за една девојка која го напушта манастирот за да биде нешто како дадилка на 7 деца чив татко е вдовец.
Да ве предупредам, трае 3 саати Ама воопшто не е досаден.
ИМДБ оценка 8
Моја 9ка

Chitty Chitty Bang Bang

Многу интересно фамилијарно филмче. Се работи за несреќен инвентор кој конечно успева да направи летечка кола, која што диктатор од друга земја сака да му ја земе
ИМДБ оценка 6.9
Моја 7.4

И за крај
Maleficent

Можеби ќе бидам пристрастна, ама ја обожавам Анџелина и мислам дека беше одлична!
Ефектите беа феноменални. Го гледав во кино, на 3D и дефинитивно вредеше!
Супер ја осмислиле приказната, иако можеби имаше некои работи кои не беа перфектни, сепак ништо многу за да го уништи филмот. Пресвртот исто така е супер.
ИМДБ оценка 7.5
Моја 9.5

 

[M-1]

И јас се вртам ко прдеж в гаќи, ево кратко да пишам шо гледав последно. Патем Eastern Promisses и Siberian Education ги додадов во листата на омилени филмови.
Eastern Promisses (2007)
Добар вовед во целава приказана како што е опишано некоја страна наназад, млада русинка кој умира на самиот пораѓај зад себе остава едно чедо и еден дневник...Сосема доволно ви е за почеток, одлична приказна го препорачувам дефинитивно.(Го изгледав 4-5 пати)
10/10

Siberian Education (2013)
Филм креиран од жабариве или поинаку можите да го сретните како Educazione Siberiana. Несовршен, груб акцент, ниско буџетен, но во исто време импресиониран сум од целата приказна дадов оценка 10/10(имдб) бидеќи замене е одличен филм.
Опис на раните години од детството на еден иден руски војник, растењето во насилна заедница (Урка), мулти етничка средина, нечистотија, сиромаштија, во град созаден од Сталин за криминални отпадници. Укра, традиционална група на сибирски бандити раселени далеку од дома баш во овој град на Сталин во западниот регион близу Молдавија, нематеријалистичка традиција, лојалност, почит кон жени и деца, стари лица, инвалиди и кон секое живо суштество со исклучок на нивните полицајци... Генерално гледано претставува дует помеѓу млад херој и неговиот дедо кој е гуру. Напраевена е врз основа на книга од Никоај Лилин подетално читајте ја книгата која патем е доста интересна приказна, ја препорачувам.

Pompeii(2014)
Младо дете ги губи своите родители во нападот на Римјаните врз Келтите во Северна Британија, единствено тој успева да се спаси со тоа што ја лажира својата смрт. Подоцна фатен, воено добро обучен кој преминува во гладијатор и онда се изабацуе једна цурица...
6,5/10

47 Ronin(2014)
Вистинска мала армија составена од 47 Ронини која во 18тиот век во Јапонија се одмаздува за смртта на нивниот господар, ден денес одаваат почит во Јапонија кон 47те Ронини. Добра приказна, се разбира не толку реална колку легендата, малце поче фантазија, додаено но не претерано, јапонска митолигија и останати заврзлами. Најмногу од се ме бендиса идејата и боите и знамињата на клановите, секој клан си има посебна приказна.
7/10

Tokarev(2014)
Бивш криминалец, сега некој си угледен господин во глума на Николас Кејџ, поџомитски му ја киднапираат ќерката е ај сега ќе зејме ножој, пиштоли, ќе делиме правдина. Ветар во магла е филмов толку глуп и неповрзан филм немам гледано. Убав е за дванајсе годишни напалени копиљаци.
-4/10
Now you see me(2012)
Мижи Асан да ти баам или у преводу Абракадабра, чирибучириба. Нот фор мии! 3 кроз 10

Prometheus(2012)
Научна фантастика, летечи срања и шо знам ти јас, го гледав ради девојка(ќе се отепам). Значит тим од научници доаѓа до откритие како ние луѓето сме се избациле овде на Земјата(абе ајде), се аквет во некое си футуристичко чудо за летање и лутаат низ универзумов ваму таму со надеж дека ќе ја спасат човечката раса. Едино убо во филмов е Шарлиз Терон, ах мори чупе колку години ги напрај? Уба е, жими се. Само ради нејзе давам 5ка зш е јака.

Kad Porastem Bicu Kengur(2004)
Авакс и Хибрид, Браци, Кенгура и Кенгурова мама и двајца лудаци кои чекаат тикет за огромна сума на пари, Циле превара, Живац попизден нон-сто, Гангула брате . Сплет од повеќе настани кои му се случуваат на младите (ергени бе, какви млади какви баркачи) кои се на премин кун 30те години од животот а уствари ништо немаат направено во животот досега. Урнебес, да се изнасмејш.
10/10

Sedam i po (2006)
Газење , нешто како 7 различни работи поврзани и прикажани низ призма на 7те смртни гревови. Приказна за секојдневиот живот на Белграѓани(оние Новине, НовиБеоград) опседнати, страстни, летнати секој со ралични концепти за истите.
9/10

Varljivo Ljeto '68 (1984)
Перица верверица, Перица иначе кој е матурант нешто појачал со сексуалниве нагони то ест цело време му е надрвен на жениве . Лесно се заљубува во секоја жена што води низ серија на комични ситуации, најјак од сите е неговиот дедо
8/10

Sivi Kamion Crvene Boje(2004)
Ратко бе бараба една, штотуку тазе од апсана излезен од свои тешки патолошки причини одма кради камион, кој фактички е полн со оружје за шверцување уз пат ја прибира и Сузана некоја си млада фуфуца која несреќно затруднела шо бе и двајцата на исти пат кон подобар живот. Дејствието се одвива во раните години на распадот на Југославија.
7/10

Mrtav Ladan(2002)
Супер комедија со добра идеја. Леми (со дресон од Рома) и Киза браќа, ги сјебаваат сите пари а треба својот дедо кој е мртов да го пренесат до Вршац. Така да го шверцоваат наваму натаму и во возот го губат одма после то настанвит калакурница.(Где је деда бре?)

Tri Palme za dve bitange i ribicu(1998)
Спонатана приказана за животот во 90те во Југославија, општ хаос владее насекаде и од нигде нигкаде се појавуваат некои си фаци со идеја шо никогаш не би им текнала во нормалното размислување. Две битанги и една фуфица доаѓаат до идеја да опљчкаат банка и да се мафнат негде на некој егзотичен остров
9/10

Тое накратко и јас неќев ама шо да прам, до следно јавуање

 

[FilipMKD007]

Rane (The Wounds)

Филмот за периодот кога се распаѓала Југославија, за растењето на двајца другари. Кои од нормални деца, прераснаа преку маалскиот живот во дилери, кримоси, генгестери, главни улични фаци. Филм за Пинки и Шваба и за случувањата во нивното опкружување, филм се дрога, насилство, курви, но истотака и со комични и интересни сцени, какви што има секој срп скифилм од тоа време, истотака има и неколку јаки цитати во филмот.

Прв пат кога го гледав ко мал кај другар на слава, цело време гледавме да не доаѓа некој кога гледавме, и сега чекав ноќеска да го глеам со слушалки има интересни сцени и звуци, на крај Пинки многу јако кажува „al sve mi se nesto cini da sam prosao bolje od vas". Гледајте го, ако имате време, интересен е, ако ви е до смеење гледајте го Mrtav Ladan, баш сеа и него ќе го гледам по 2 пат