Петрески и Нанче во трка за близу 6 000 гласови на испаднатите кандидати
Според првичните неофицијални информации на Општинската изборна комисија, кандидатите за градоначалник на Охрид кои не успеаа да влезат во вториот круг, заедно освоиле 5686 гласови, или Ацо Попоски - 2 964; Томе Гиноски - 1 287; Васфи Доко - 824 и Боро Павлоски - 611.
Овие гласови со оглед на не така големата разлика помеѓу кандидатите кои влегоа во вториот круг, околу 800, може да бидат одлучувачки фактор кој ќе го реши прашањето на новиот градоначалник на Охрид. Актуелниот градоначалник, Александар Петрески од СДСМ на изборите во неделата освои 13783 гласови, додека кандидатот на владејачката партија, Кирил Трендафилов - Нанче освоил 12 985 гласа.
Александар Петрески против Кирил Трендафилов - Нанче
И двајцата се уверени во своја победа во вториот изборен круг. Петрески смета дека со оглед на изборното ткиво на Охрид, остварената разлика е исклучително значајна, додека Трендафилов смета дека противникот го достигнал плафонот и сега ќе паѓа. И Петрески, и Трендафилов, не кријат дека ги посакуват гласовите на противкандидатите кои не влегоа во вториот круг. Оттаму и двајцата беа исклучително внимателни кон нив како за време на кампањата, така и во првичните реакции по објавувањето на првичните неофицијални резултати. Двајцата упатија честитки до против кандидатите со кои уште вчера ги остварија првите контакти. Кој на што може да се надева? Во чија полза ќе оди математиката? Можат ли Петрески и Нанче да сметаат на бланко поддршка на испаднатите конкуренти? Од СДСМ се надеваат на гласовите од левицата, ВМРО ДПМНЕ на десницата. Тоа можеби нема да биде доволно поради што за очекување е дека и едните и другите ќе ја засилат кампањата во обид да придобијат нови гласачи, но пред се да преобратат гласачи од спротивниот табор. Со оглед на ривалитетот на СДСМ и ВМРО ДПМНЕ, како и фактот што ова ќе биде второ директно соочување на Петрески Нанче во битката за градоначалник на Охрид, која пред 4 години имаше и трето продолжение, за очекување е крајно неизвесен исход. Граѓаните пак се надеваат дека и вториот круг ќе мине во фер и демократска атмосфера, како што беше и на гласањето на 22 март, а Охрид и не заслужува ништо под тоа ниво.
Извор: ohridnews
Според првичните неофицијални информации на Општинската изборна комисија, кандидатите за градоначалник на Охрид кои не успеаа да влезат во вториот круг, заедно освоиле 5686 гласови, или Ацо Попоски - 2 964; Томе Гиноски - 1 287; Васфи Доко - 824 и Боро Павлоски - 611.
Овие гласови со оглед на не така големата разлика помеѓу кандидатите кои влегоа во вториот круг, околу 800, може да бидат одлучувачки фактор кој ќе го реши прашањето на новиот градоначалник на Охрид. Актуелниот градоначалник, Александар Петрески од СДСМ на изборите во неделата освои 13783 гласови, додека кандидатот на владејачката партија, Кирил Трендафилов - Нанче освоил 12 985 гласа.
Александар Петрески против Кирил Трендафилов - Нанче
И двајцата се уверени во своја победа во вториот изборен круг. Петрески смета дека со оглед на изборното ткиво на Охрид, остварената разлика е исклучително значајна, додека Трендафилов смета дека противникот го достигнал плафонот и сега ќе паѓа. И Петрески, и Трендафилов, не кријат дека ги посакуват гласовите на противкандидатите кои не влегоа во вториот круг. Оттаму и двајцата беа исклучително внимателни кон нив како за време на кампањата, така и во првичните реакции по објавувањето на првичните неофицијални резултати. Двајцата упатија честитки до против кандидатите со кои уште вчера ги остварија првите контакти. Кој на што може да се надева? Во чија полза ќе оди математиката? Можат ли Петрески и Нанче да сметаат на бланко поддршка на испаднатите конкуренти? Од СДСМ се надеваат на гласовите од левицата, ВМРО ДПМНЕ на десницата. Тоа можеби нема да биде доволно поради што за очекување е дека и едните и другите ќе ја засилат кампањата во обид да придобијат нови гласачи, но пред се да преобратат гласачи од спротивниот табор. Со оглед на ривалитетот на СДСМ и ВМРО ДПМНЕ, како и фактот што ова ќе биде второ директно соочување на Петрески Нанче во битката за градоначалник на Охрид, која пред 4 години имаше и трето продолжение, за очекување е крајно неизвесен исход. Граѓаните пак се надеваат дека и вториот круг ќе мине во фер и демократска атмосфера, како што беше и на гласањето на 22 март, а Охрид и не заслужува ништо под тоа ниво.
Извор: ohridnews